Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Prydeinwyr sy’n byw dramor
Gweithio dramor
Os byddwch chi'n symud dramor i weithio, dylech ganfod pa hawliau sydd gennych o dan gyfraith cyflogaeth y wlad dan sylw. Rhowch wybod i'ch swyddfa dreth os byddwch chi'n symud dramor, ac os ydych chi'n hawlio budd-daliadau, siaradwch â'ch swyddfa Canolfan Byd Gwaith, â'ch Canolfan Waith neu â'ch swyddfa nawdd cymdeithasol.
Hyd yn oed os byddwch chi'n mynd dramor fel gweithiwr i gwmni sydd wedi'i leoli yn y DU, efallai na fydd gennych chi'r un hawliau cyflogaeth â gweithwyr yn y DU. Gall gofynion o ran oriau gweithio, gwyliau blynyddol a gwyliau cyhoeddus amrywio.
Os byddwch chi'n symud dramor i weithio, gofynnwch y cwestiynau canlynol i chi'ch hun:
- a oes angen trwyddedau gwaith, trwyddedau preswyl neu fisas arnoch chi a'ch teulu ar gyfer y wlad dan sylw? Mewn rhai gwledydd, efallai y bydd angen i chi gofrestru gyda'r llysgenhadaeth neu'r is-genhadaeth Brydeinig leol unwaith i chi symud yno
- a yw'r cyflog yn ddigon, ac ystyried costau byw?
- beth yw'r cyfleoedd ar gyfer dyrchafiad a chynnydd mewn cyflog?
- arian pa wlad a ddefnyddir i'ch talu?
- os ydych chi'n mynd dramor i weithio i gwmni o'r DU, a fydd y cyflogwr yn talu unrhyw lwfans i chi, a oes unrhyw gynlluniau i'ch helpu pe baech chi'n dymuno dychwelyd i'r DU, ac a oes unrhyw gynlluniau ar gael i gefnogi partner neu blant sy'n teithio gyda chi?
- a oes unrhyw drefniadau wedi'u gwneud ar gyfer llety dros dro pan fyddwch chi'n symud i ddechrau?
- os oes gennych chi gartref i'w werthu yn y DU, a fydd eich cyflogwr yn caniatáu amser i chi ddychwelyd i'r DU i lofnodi dogfennau a rhoi trefn ar bethau cyn symud dramor?
- os yw'ch swydd yn dod i ben a chithau'n dymuno aros yn y wlad lle buoch chi'n gweithio, pa drwyddedau y bydd eu hangen arnoch chi a'ch teulu a faint o obaith sydd gennych i ddod o hyd i swydd newydd yno?
Cymwysterau
Fel dinesydd un o wledydd Ardal Economaidd Ewrop (AEE) neu yn yr Undeb Ewropeaidd, mae gennych chi hawl i weithio mewn unrhyw wlad arall sy'n aelod-wladwriaeth, heb fod angen trwydded waith. Bydd gennych chi hefyd yr un hawliau â dinasyddion y wlad dan sylw o ran amodau gwaith, cyflog a nawdd cymdeithasol.
Nid yw pob cymhwyster yn cael ei gydnabod drwy'r UE ac AEE, ac mae gan rai proffesiynau gyfyngiadau cyflogaeth. Bydd modd i chi weld statws eich cymwysterau ar daflenni gwybodaeth sy'n cael eu darparu gan aelod-wladwriaethau'r UE, sy'n eich galluogi i weld a yw'ch cymhwyster o'r DU yn dderbyniol. Gall sgiliau iaith a pha mor rhugl ydych chi hefyd fod yn fater o bwys wrth chwilio am waith.
Mwy o wybodaeth
Gellir cael gwybodaeth gan y Comisiwn Ewropeaidd am symud i wlad arall yn yr Undeb Ewropeaidd, am gael cydnabyddiaeth am eich cymwysterau, am chwilio am waith yn llwyddiannus, ac am eich hawliau - gweler gwefan Your Europe am fanylion. Mae cymorth hefyd ar gael gan EURES, sef rhwydwaith o ymgynghorwyr cyflogaeth drwy'r UE.
Yn yr adran hon...
Additional links
Allweddumynediad llywodraeth y DU
