Gwefan llywodraeth y DU

Lwfans Gofalwr

Efallai y gallech hawlio Lwfans Gofalwr os ydych chi'n 16 oed neu'n hŷn a'ch bod yn treulio o leiaf 35 awr yr wythnos yn gofalu am rywun.

• Lwfans Gofalwr

Taliadau uniongyrchol ar gyfer gofalwyr

Os ydy'ch cyngor lleol wedi'ch asesu ac yn dweud bod angen gwasanaethau cymorth arnoch er mwyn eich helpu i ofalu am rywun, efallai y byddwch yn dymuno dewis taliadau uniongyrchol. Gyda'r rhain, cewch brynu a threfnu eich cymorth eich hun yn hytrach na'i dderbyn yn uniongyrchol gan y gwasanaethau cymdeithasol.

• Taliadau uniongyrchol i ofalwyr

Gofalu a'ch pensiwn

Efallai y byddwch yn poeni am warchod eich pensiwn os nad ydych yn gweithio am eich bod yn gofalu am rywun. Am wybodaeth fanwl am Bensiwn y Wladwriaeth, Ail Bensiwn y Wladwriaeth, Credyd Pensiwn a mwy, gweler 'Gofalu a'ch pensiwn'.

• Gofalu a'ch pensiwn

Cymhorthdal Incwm

Os ydych chi rhwng 16 a 60 oed, ar incwm isel, yn ddi-waith, neu’n gweithio am lai nag 16 awr yr wythnos ar gyfartaledd, efallai y gallech hawlio Cymhorthdal Incwm. Os oes gennych chi hawl i gael Lwfans Gofalwr hefyd, efallai y gallech gael swm ychwanegol yn eich Cymhorthdal Incwm. Gelwir hwn yn 'bremiwm gofalwr'.

• Cymhorthdal Incwm (adran arian, treth a budd-daliadau - cyffredinol)

Grantiau Gofal yn y Gymuned

Os ydych chi'n derbyn Cymhorthdal Incwm, Lwfans Ceisio Gwaith sy'n seiliedig ar incwm neu Gredyd Pensiwn a bod angen cymorth ariannol arnoch chi i liniaru pwysau eithriadol ar eich teulu, efallai y gallech gael Grant Gofal yn y Gymuned. Mae'n bosib y byddwch yn gymwys os oes gan rywun yn eich teulu salwch tymor hir neu os ydych yn gofalu am rywun sy'n sâl neu'n anabl.

• Grantiau Gofal yn y Gymuned (adran arian, treth a budd-daliadau - cyffredinol)

Gofalu am blentyn anabl

Credyd Treth Plant

Lwfans prawf modd ar gyfer rhieni a gofalwyr plant neu bobl ifanc sy'n dal mewn addysg amser llawn ydy'r Credyd Treth Plant. Efallai y cewch swm ychwanegol os ydych yn gofalu am blentyn anabl.

Grant Mamolaeth Cychwyn Cadarn

Dyma un taliad i helpu tuag at gostau babi newydd os ydych ar incwm isel ac yn derbyn mathau penodol o gymorth ariannol gan gynnwys Cymhorthdal Incwm a Chredyd Treth Plant gyda swm ychwanegol ar gyfer plentyn anabl.

• Grant Mamolaeth Cychwyn Cadarn (adran arian, treth a budd-daliadau)

Cynhaliaeth Plant

Os ydych chi'n rhiant unigol, efallai y gallech hawlio Cynhaliaeth Plant gan riant arall eich plentyn drwy'r Asiantaeth Cynnal Plant. Efallai y cewch swm ychwanegol os oes gennych chi gostau ychwanegol am fod eich plentyn yn anabl.

• Cynhaliaeth Plant (adran arian, treth a budd-daliadau - cyffredinol)

Premiwm Plentyn Anabl

Os ydych yn gyfrifol am blentyn o dan 19 oed, neu mewn amgylchiadau penodol o dan 20 oed, cewch y premiwm hwn os:

• yw'r dibynnydd yn cael Lwfans Byw i'r Anabl
• yw'r dibynnydd wedi'i gofrestru'n ddall

Premiwm Anabledd Uwch (cyfradd plant)

Os yw'r dibynnydd yn cael cyfradd uchaf elfen ofal y Lwfans Byw i'r Anabl, efallai y gallwch gael y premiwm plentyn anabl.

Ni chewch unrhyw un o'r ddau bremiwm os oes gan y plentyn dibynnol gyfalaf o fwy na £3,000.

Cartrefi a thai

Budd-dal Tai

Os ydych ar incwm isel a bod angen help ariannol arnoch i dalu eich rhent, mae'n bosib y byddwch chi'n gallu hawlio Budd-dal Tai. Efallai y cewch arian ychwanegol os ydych chi'n gofalu am blentyn neu oedolyn anabl.

• Budd-dal Tai (adran arian, treth a budd-daliadau - cyffredinol)

Cymorth gyda Threth Cyngor

Os ydych ar incwm isel a bod angen help ariannol arnoch i dalu eich Treth Gyngor, efallai y gallech chi gael Budd-dal Treth Gyngor. Efallai y cewch arian ychwanegol os ydych chi'n gofalu am blentyn neu oedolyn anabl.

Os byddwch chi'n darparu o leiaf 35 awr o ofal yr wythnos i rywun yn eich cartref, efallai y gallech chi gael gostyngiad ar eich bil Treth Gyngor. Ni chaiff y person y byddwch yn gofalu amdano fod yn briod, yn bartner nac yn blentyn i chi. Gellir gwneud y gostyngiad hwn ar ben y budd-dal Treth Gyngor. Ceir hefyd gostyngiad arall ar y Dreth Gyngor i bobl anabl.

• Budd-dal Treth Gyngor (adran arian, treth a budd-daliadau - cyffredinol)
• Gostyngiad yn y Dreth Gyngor i ofalwyr
• Gostyngiad ar y Dreth Gyngor i bobl anabl (adran pobl anabl)

Cerbydau a chludiant

Y cynllun parcio Bathodyn Glas

Mae'r cynllun parcio Bathodyn Glas yn darparu amrywiaeth o fuddiannau parcio i bobl anabl. Os ydych chi'n gofalu am rywun anabl ac nad ydynt yn gyrru, gallant eich enwi chi fel eu gyrrwr er mwyn i chi allu defnyddio'u Bathodyn Glas wrth eu gyrru nhw o gwmpas.

• Y cynllun parcio Bathodyn Glas (adran pobl anabl)

Y Cynllun Motability

Mae'r Cynllun Motability yn helpu pobl anabl i brynu neu brydlesu car am bris fforddiadwy. Os ydych chi'n gofalu am rywun anabl ac nad ydynt yn gyrru, byddant yn dal i allu gwneud cais i brynu neu brydlesu car trwy'r Cynllun Motability gyda chi fel eu gyrrwr.

Gallwch hefyd wneud cais am gar ar ran plentyn tair oed neu hŷn sydd â'r hawl i gael elfen symudedd y Lwfans Byw i'r Anabl.

• Cynllun Motability (adran pobl anabl)

Eithrio rhag talu treth cerbyd

Nid oes rhaid i rai pobl anabl dalu treth cerbyd ar gyfer disg dreth. Os ydych chi'n gofalu am rywun anabl ac nad ydynt yn gyrru, gallant eich enwebu chi i yrru'r car ar eu cyfer ac ni fydd rhaid i chi dalu treth car ar gyfer y car.

• Treth cerbyd ar gyfer pobl anabl (adran pobl anabl)

Cerdyn Trên i Bobl Anabl

Os ydych chi'n gofalu am oedolyn sydd â Cherdyn Trên i Bobl Anabl, gallwch chithau dderbyn yr un gostyngiad â nhw pan fyddwch yn teithio gyda nhw.

Os oes gennych blentyn anabl sydd â Cherdyn Trên i Bobl Anabl, byddan nhw'n teithio am gost safonol plant, ond byddwch chi'n derbyn gostyngiad o draean oddi ar gost safonol oedolion pan fyddwch yn teithio gyda nhw.

• Y Cerdyn Trên i Bobl Anabl (adran pobl anabl)

Mynd allan am dro gyda rhywun anabl

Ymweld â mannau diddorol

Mae llawer o fannau diddorol, gan gynnwys amgueddfeydd, lleoliadau chwaraeon, eiddo'r Ymddiriedolaeth Genedlaethol a mannau English Heritage yn cynnig gostyngiad neu docyn am ddim i gydymaith person anabl.

• Cael gwybod mwy ar wefan Cerdyn Cymdeithas yr Arddangoswyr Sinema Opens new window

Cymorth ariannol i'r sawl yr ydych yn gofalu amdano/i

Cael gwybod am y cymorth ariannol sydd ar gael ar gyfer pobl anabl, gan gynnwys y Lwfans Byw i’r Anabl a thaliadau uniongyrchol, yn adran 'pobl anabl' Directgov.

• Canllawiau i gymorth ariannol ar gyfer pobl anabl (adran pobl anabl)