Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Pobl anabl
Cyfarpar ar gyfer rhieni anabl
Mae amrywiaeth eang o gyfarpar ar gael ar gyfer rhieni anabl. Gall addasu cyfarpar a ffyrdd newydd o wneud pethau fod yn hanfodol i'ch galluogi i gyfrannu go iawn at ofalu am eich babi neu'ch plentyn. Efallai y gwelwch nad yw cyfarpar gofal plant safonol yn bodloni'ch anghenion bob amser.
Mae'r rhan fwyaf o gyfarpar sydd ar gael ar gyfer pobl sydd â llai o allu i symud o gwmpas neu broblemau deheurwydd, ond mae cyfarpar ar gael ar gyfer rhieni dall a rhieni sydd â nam ar eu golwg hefyd.
Sut i ddewis a chael cyfarpar
Mae llawer o bethau i'w hystyried pan fyddwch yn dewis cyfarpar:
- (ar gyfer cyfarpar awyr agored) ydych chi'n byw mewn tref gyda phalmentydd call neu a ydy'r palmentydd a'r ffyrdd lleol yn anwastad - fel llwybr gwledig?
- allwch chi ddefnyddio'r ddwy law i ddal rhywbeth a'i ddadglipio, neu a oes gennych chi anawsterau o ran deheurwydd?
- a fydd angen i chi allu cydio cyfarpar wrth bethau eraill megis cadair olwyn neu fath - a pha mor addasadwy y bydd gofyn i'r cyfarpar fod?
Mae rhieni anabl eraill yn ffynhonnell dda o gyngor a barn. Mae nifer o elusennau a mudiadau sy'n cefnogi rhieni anabl. Mae gan rai ohonynt fforymau ar-lein lle caiff cynnyrch ei adolygu a lle rhoddir awgrymiadau a chyngor.
Gall therapyddion galwedigaethol helpu gyda materion sy'n codi, megis rhoi bath, newid, bwydo, a chario babis/plant. Cewch wybod mwy am therapi galwedigaethol, asesiadau iechyd a gofal cymdeithasol a thaliadau uniongyrchol a mwy yn adran 'iechyd a chymorth' yr adran 'pobl anabl'. Dyma un ffordd o gael y cyfarpar sydd ei angen arnoch.
Pwy sy'n gwneud cyfarpar a all helpu pobl anabl yn eu rôl fel rhieni?
Mae nifer o fudiadau a all roi cyngor defnyddiol am yr holl fathau o gyfarpar sydd ar gael ar gyfer pobl anabl. Mae'n hawdd dod o hyd i'r rhan fwyaf o gyfarpar, ond mae rhai gwneuthurwyr (a mudiadau a chyflenwyr) yn cynhyrchu cyfarpar yn arbennig i gwrdd ag anghenion priodol rhiant. Mae eraill yn gwerthu cyfarpar newydd ac ail-law. Mae cyflenwyr yn aml yn cynnwys siopau'r stryd fawr.
Cyfarpar os oes gennych chi fabi neu blentyn ifanc
Dyma rai mathau o gyfarpar - a phethau i gadw golwg amdanynt - a all helpu gyda thasgau bob dydd:
- larymau sy'n fflachio a systemau intercom - os ydych chi'n rhiant â nam ar eich clyw a'ch bod angen i chi wybod pan fydd eich babi'n crio
- harneisiau - sydd â strapiau a chlipiau sy'n hawdd eu defnyddio a lliwiau cyferbyniol i dynnu sylw at y rhannau y gellir eu haddasu ar gyfer rhieni sydd â nam ar eu golwg
- cadeiriau gwthio a choetsys - rhai sy'n ysgafn ac yn hawdd eu gwthio, y gellir eu cydio wrth gadair olwyn, sy'n hawdd eu plygu, y gellir addasu uchder y llyw, ac sydd â charicot ar wahân
- cadeiriau uchel a hambyrddau bwyta - rhai y gellir addasu eu huchder, sy'n gadarn er mwyn sicrhau na chânt eu taro drosodd, sydd â strapiau, clipiau a darnau y gellir eu tynnu/darnau glanhau sy'n hawdd eu defnyddio, rhai y gellir eu lledorwedd yn rhwydd, ac sy'n ysgafn
- crudau y gellir addasu eu huchder, ac sydd â bariau/paneli ochr y gellir eu tynnu
Mae gwybodaeth ar wahân yn yr adran 'pobl anabl' sy'n delio â materion megis cyfarpar o gwmpas y cartref ac addasiadau mwy i'r cartref. Er enghraifft, mae Grantiau Cyfleusterau i'r Anabl yn galluogi i bobl fyw'n fwy annibynnol yn eu cartrefi. Mae hyn yn cynnwys helpu pobl i gyflawni'u rôl fel rhieni.
Additional links
Ei wneud ar y we
Allweddumynediad llywodraeth y DU
