Gwefan llywodraeth y DU

Dylai pob gweithiwr gael yr un cyfle i gyfrannu at raglenni hyfforddi cwmni. Mae'ch cyflogwr yn gyfrifol am sicrhau nad yw eich anabledd yn golygu eich bod yn cael eich rhwystro rhag derbyn hyfforddiant.

Dylai pob gweithiwr gael yr un cyfle i gyfrannu at raglenni hyfforddi cwmni. Mae'ch cyflogwr yn gyfrifol am sicrhau nad yw eich anabledd yn golygu eich bod yn cael eich rhwystro rhag derbyn hyfforddiant.

Dylai'ch cyflogwr ystyried gwneud y newidiadau canlynol i sicrhau bod rhaglen hyfforddiant ar gael i chi yn hwylus:

• darparu hyfforddiant unigol i weithwyr anabl ar gyfer gallu defnyddio unrhyw addasiadau neu gyfarpar arbennig a ddefnyddir yn y gwaith
• darparu hyfforddiant dros gyfnod hirach ar gyfer gweithwyr sydd ond yn gallu mynychu cwrs hyfforddi am hyn a hyn o oriau'r diwrnod
• ail-hyfforddi gweithwyr sydd wedi dod yn anabl er mwyn iddynt allu aros yn eu swydd neu gymryd swydd wahanol
• darparu deunydd hyfforddi mewn fformatau gwahanol, darparu dehonglydd iaith arwyddion a chaniatáu i hyfforddeion ddod â chynorthwy-ydd gofal personol gyda hwy ar gwrs
• newid lleoliadau a ddefnyddir am hyfforddi

Dylai'ch cyflogwr hefyd sicrhau eu bod yn gwneud y canlynol:

• hyfforddi aelodau staff eraill i ddeall eu polisi tuag at bobl anabl
• cyflawni'u dyletswyddau fel hyfforddwyr i wneud addasiadau ar gyfer gweithwyr anabl
• dangos arfer da trwy osod safonau o fewn y sefydliad
• gwneud y gwasanaethau y maent yn eu darparu yn hwylus i bobl anabl

Deddf Gwahaniaethu ar sail Anabledd

Rhaid i'ch cyflogwr gydymffurfio â gofynion y Ddeddf Gwahaniaethu ar sail Anabledd. Mae'n hanfodol hefyd fod eich cyflogwr yn sicrhau bod yr aelodau staff yn deall goblygiadau'r Ddeddf ac yn cydymffurfio â hi .

• Hawliau cyflogaeth a’r Ddeddf Gwahaniaethu ar sail Anabledd