Gwefan llywodraeth y DU

Cysylltu

Mae llawer o'r amgueddfeydd ac orielau mwy wedi ymuno â gwasanaeth TypeTalk BT fel bo'r holl aelodau staff yn gallu cyfathrebu dros y ffôn gyda chi os nad ydych yn gallu defnyddio ffôn llais.

Fel arall, gellir cael gwybodaeth trwy lyfrynnau, yr e-bost neu wefannau. Efallai hefyd bod modd archebu tocynnau dros yr e-bost. Dylent gael adran sy'n rhoi manylion y cyfleusterau sydd ar gael ar gyfer ymwelwyr byddar neu drwm eu clyw, er enghraifft, dolenni sain.

• Mwy am Typetalk ar wefan y RNID Opens new window

Darlithoedd, sgyrsiau a digwyddiadau

Holwch i weld a yw teithiau tywys yn ymgorffori systemau dolen sain neu chwyddo sain cludadwy. Gofynnwch hefyd a oes digwyddiadau'n cael eu cynnal yn Iaith Arwyddion Prydain (BSL) neu'n cael eu trosi i Iaith Arwyddion Prydain.

Mae'n annhebygol y bydd y rhan fwyaf o amgueddfeydd neu orielau - oherwydd adnoddau neu gyllid - yn gallu cael dehonglydd iaith arwyddion ymhob digwyddiad. Yn hytrach, efallai y cewch gynnig rhywfaint o sgyrsiau lle bydd dehonglydd iaith arwyddion ar gael, neu efallai y gofynnir i chi roi rhybudd os ydych yn bwriadu mynychu'r ganolfan er mwyn iddynt allu trefnu dehonglydd.

Mae'n bosibl y bydd rhai digwyddiadau'n cynnwys nodiadau wedi'u paratoi'n barod ar y sgwrs.

Is-deitlau neu benawdau

Gellir defnyddio is-deitlau neu benawdau pan ddefnyddir offer clyweledol.

Efallai y bydd palanteipydd yn bresennol mewn rhai darlithoedd a sgyrsiau. Dyma berson sy'n teipio pob gair sy'n cael ei ddweud a'r rheini wedyn yn ymddangos ar gyfrifiadur. Neu gellir darparu crynodeb o'r hyn sy'n cael ei ddweud.

Mwy o ddolenni defnyddiol

• Mynediad i siopau, tai bwyta a gwasanaethau pob dydd
• Mudiadau ac elusennau – mynediad i ddiwylliant a’r celfyddydau