Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Pobl anabl

Pobl anabl

Budd-dal Anabledd Anafiadau Diwydiannol (damweiniau)

Efallai y gallwch dderbyn Budd-dal Anabledd Anafiadau Diwydiannol (damweiniau) os ydych yn wael neu'n anabl oherwydd damwain neu ddigwyddiad yn y gwaith neu mewn cysylltiad â'r gwaith.

Pwy sy’n gymwys

Mae'n bosib y gallwch gael Budd-dal Anabledd Anafiadau Diwydiannol:

  • os oeddech yn gyflogedig pan ddigwyddodd y ddamwain neu'r digwyddiad
  • os digwyddodd y ddamwain neu'r digwyddiad a achosodd eich salwch neu'ch anabledd yng Nghymru, Lloegr neu'r Alban

Mae 'na rai eithriadau i hyn - holwch eich canolfan darparu Budd-dal Anabledd Anafiadau Diwydiannol ranbarthol.

Pwy sydd ddim yn gymwys

Chewch chi ddim hawlio Budd-dal Anabledd Anafiadau Diwydiannol os oeddech yn hunangyflogedig yn y gwaith a achosodd eich damwain.

Faint allwch chi ei gael

Mae faint o fudd-dal a gewch chi'n dibynnu ar:

  • eich oedran
  • pa mor ddifrifol yw eich anabledd - a asesir gan feddyg ar raddfa o un i 100 y cant

Budd-dal Anabledd Anafiadau Diwydiannol (damweiniau)

Arweiniad yn unig yw'r holl symiau hyn:

Difrifoldeb yr anabledd, yn ôl yr asesiad

Dros 18 oed (swm wythnosol)

Dan 18 oed heb ddibynyddion (swm wythnosol)

100%

£143.60

£88.05

90%

£129.24

£79.25

80%

£114.88

£70.44

70%

£100.52

£61.64

60%

£86.16

£52.83

50%

£71.80

£44.03

40%

£57.44

£35.22

30%

£43.08

£26.42

20%

£28.72

£17.61

Sut mae'n cael ei dalu

Mae Budd-dal Anabledd Anafiadau Diwydiannol a budd-daliadau cysylltiedig yn cael eu talu'n syth i'ch cyfrif banc, cymdeithas adeiladu, Swyddfa'r Post neu Gynilion Cenedlaethol sy'n derbyn Taliad Uniongyrchol.

Ond, os ydych wedi'ch cofrestru'n ddall, neu os oes angen i'r sawl sy'n gofalu amdanoch gasglu'r taliad, gellir anfon siec atoch y gellir ei chyfnewid am arian yn Swyddfa'r Post.

Yr effaith ar fudd-daliadau eraill

Os ydych chi’n anabl drwy ddamwain a achoswyd gan waith, mae’n bosib y byddwch yn gallu hawlio budd-daliadau eraill.

Mae Budd-dal Anabledd Anafiadau Diwydiannol yn cael ei ddeall fel incwm ar gyfer budd-daliadau prawf modd, fel Gymhorthdal Incwm.

Budd-daliadau eraill y gallech eu derbyn

Lwfans Gweini Cyson

Gallwch hawlio am ddamweiniau os asesir bod gennych anabledd 100 y cant a bod angen gofal a sylw dyddiol arnoch.

Bydd cyfradd y Lwfans Gweini Cyson a gewch yn seiliedig ar asesiad meddyg o'ch anghenion.

Lwfans Anabledd Difrifol Eithriadol

Gallwch hawlio £57.50 ar ben cyfraddau'r Lwfans Gweini Cyson, os bydd yr asesiad yn penderfynu eich bod yn gymwys ar gyfer cyfradd ganolradd neu eithriadol y Lwfans Gweini Cyson, a bod angen gofal a sylw cyson a pharhaus arnoch.

Lwfans Enillion Is

Efallai y gallwch dderbyn Lwfans Enillion Is os yw eich enillion cyfredol, neu enillion mewn swydd y tybir y gallech chi ei chyflawni, yn llai na'r enillion ar y pryd yn eich swydd reolaidd flaenorol. Dim ond os digwyddodd eich damwain cyn 1 Hydref 1990 y cewch chi Lwfans Enillion Is. Y gyfradd wythnosol uchaf yw £57.44.

Lwfans Ymddeol

Mae'r Lwfans Ymddeol yn disodli'r Lwfans Enillion Is pan fyddwch yn cyrraedd oed Pensiwn y Wladwriaeth. Y gyfradd wythnosol uchaf yw £14.36.

Sut mae hawlio

Gallwch hawlio Budd-dal Anabledd Anafiadau Diwydiannol drwy lenwi ffurflen hawlio.

Gallwch gael ffurflen hawlio gan eich canolfan darparu Budd-dal Anabledd Anafiadau Diwydiannol ranbarthol neu gallwch lwytho copi oddi ar y we

Dweud am ddamwain yn y gwaith - os nad oes angen i chi wneud hawliad yn syth

Gallwch wneud cais am ddatganiad eich bod wedi cael damwain ddiwydiannol, hyd yn oed os nad ydych yn dymuno hawlio unrhyw fudd-dal yn syth. Gellir gwneud hyn ar y ffurflen y gellir ei llwytho uchod oddi ar y we.

Mae'n syniad da gwneud cais am ddatganiad os nad ydych yn anabl yn syth ar ôl eich damwain, ond eich bod yn meddwl y gallech brofi rhai problemau yn y dyfodol o ganlyniad iddi.

Beth i’w wneud os bydd eich amgylchiadau’n newid

Mae'n bwysig eich bod yn cysylltu â'r swyddfa sy'n delio â'ch taliadau os ydych chi neu rywun yr ydych yn hawlio drostynt:

  • yn mynd i'r ysbyty neu'n gadael yr ysbyty
  • yn mynd i gartref gofal neu'n gadael cartref gofal
  • yn mynd i fyw dramor neu i ymweld â gwlad dramor
  • yn mynd i'r carchar

Mae'n debygol y byddwch chi neu'r person yr ydych yn gofalu amdano yn dal i gael y Budd-dal Anabledd Anafiadau Diwydiannol - hyd yn oed os byddwch yn mynd dramor am byth.

Nid yw'r Lwfans Enillion Is yn daladwy os symudwch dramor am byth.

Gall y swyddfa sy'n delio gyda'ch taliad roi mwy o wybodaeth i chi.

Yn yr adran hon...

Additional links

Cysylltiadau defnyddiol

Allweddumynediad llywodraeth y DU