Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Pobl anabl

Pobl anabl

Lwfans Cyflogaeth a Chymorth - sut i hawlio

Gallwch hawlio Lwfans Cyflogaeth a Chymorth mewn sawl ffordd. Y ffordd gyflymaf a'r hawsaf yw dros y ffôn neu ffôn testun.

Hawlio dros y ffôn neu ffôn testun

Gallwch hawlio Lwfans Cyflogaeth a Chymorth dros y ffôn neu ffôn testun. Bydd cynghorydd yn y ganolfan gyswllt yn mynd trwy'r cais gyda chi ac yn llenwi'r ffurflen. Nid fydd yn rhaid i chi lenwi unrhyw ffurflenni eich hun.

Mae'r llinellau ar agor rhwng 8.00 am a 6.00 pm o ddydd Llun i ddydd Gwener.

Rhifau cyswllt y ganolfan:

Ffôn 0800 055 6688

Ffôn testun 0800 023 4888

Pris Galwadau

Mae galwadau at rifau 0800 am ddim o linellau sefydlog BT, ond efallai y bydd rhaid i chi dalu:

  • os byddwch yn defnyddio cwmni ffôn arall
  • os byddwch yn defnyddio ffôn symudol
  • os byddwch yn ffonio o dramor

Gall galwadau o ffonau symudol gostio hyd at 40c y funud, felly holwch eich darparwr gwasanaeth ynghylch cost yr alwad.

Ffôn testun

Mae ffonau testun ar gyfer pobl sy'n ei gweld hi'n anodd siarad neu glywed yn glir. Dim ond gan ffôn testun arall y gall ffôn testun dderbyn galwadau. Os nad oes gennych chi ffôn testun ac angen defnyddio un, ewch at eich llyfrgell leol neu ganolfan gyngor fel Cyngor ar Bopeth, mae'n bosib bydd un ganddyn nhw.

Hawlio ar-lein

Gallwch hawlio ar-lein trwy wasanaeth ar-lein yr Adran Gwaith a Phensiynau.

Llwytho ffurflen hawlio i lawr

Os carech chi lenwi ffurflen eich hun, gellwch lwytho'r ffurflen i lawr. Bydd rhaid i chi argraffu'r ffurflen hon a'i phostio at y Ganolfan Byd Gwaith.

Bydd angen i chi ddarllen y nodiadau cyfarwyddyd cyn llenwi'r ffurflen hawlio.

Ceir dwy fersiwn o’r ffurflen. Rhaid i un fersiwn gael ei hargraffu a'i llenwi â beiro. Gall y fersiwn arall gael ei llenwi trwy ddefnyddio'r cyfrifiadur.

Gallwch gadw'r ffurflen ryngweithiol hon wrth i chi ei llenwi. Golyga hyn nad oes rhaid i chi lenwi'r ffurflen i gyd ar unwaith. Dim ond yn Adobe Reader 7.0 ac uwch mae'r nodwedd 'cadw' yn gweithio.

Wedi i chi gwblhau'r ffurflen ar y sgrîn, bydd angen i chi ei hargraffu a'i llofnodi.

Sylwch nad yw'r ffurflenni hyn ar gael yng Ngogledd Iwerddon.

Beth i’w wneud os bydd eich amgylchiadau’n newid

Mae'n bwysig cysylltu â swyddfa'r Ganolfan Byd Gwaith sy'n delio gyda'ch hawliad os bydd eich amgylchiadau'n newid. Gallwch wneud hyn dros y ffôn - bydd y rhif i'w weld ar y llythyrau y maent wedi'u hanfon atoch. Er enghraifft:

  • os byddwch yn gwneud unrhyw waith, gan gynnwys gwaith gwirfoddol
  • os byddwch yn dechrau hyfforddi a chael lwfans hyfforddi
  • os byddwch yn newid eich cyfeiriad
  • os ydych wedi bod yn yr ysbyty am 52 wythnos a bod rhan o'ch budd-dal yn cael ei dalu i rywun arall
  • os byddwch yn mynd dramor

Sut mae apelio

Os gwrthodir Lwfans Cyflogaeth a Chymorth i chi neu os oes gennych gwestiynau am eich taliad, gallwch ofyn i'r swyddfa a fu'n delio gyda'ch hawliad edrych eto ar eu penderfyniad. Os ydych chi'n dal i fod yn anhapus am y canlyniad, gallwch apelio.

Yn yr adran hon...

Allweddumynediad llywodraeth y DU