Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Pobl anabl
Argyfwng iechyd meddwl
Os bydd cyflwr meddyliol neu emosiynol person yn dirywio'n gyflym, gellir galw hyn yn argyfwng iechyd meddwl neu'n achos brys iechyd meddwl. Yn y sefyllfa hon, mae'n bwysig cael help yn gyflym.
Os byddwch chi, neu rywun rydych chi'n gofalu amdanynt, yn profi teimladau fel hyn, mae'n bwysig cael help ar unwaith. Mae sawl ffordd o gael help, a hynny os ydych chi wedi cael y math hwn o deimladau o'r blaen ai peidio.
Eich cynllun gofal
Os oes gennych chi gynllun gofal, bydd yn cynnwys enwau a rhifau i'w ffonio mewn argyfwng. Os ydych chi'n cael triniaeth am salwch meddwl, neu wedi derbyn triniaeth o'r fath, dylai fod gennych chi gynllun gofal.
Lle i fynd am gymorth
Os nad oes gennych chi gynllun gofal, neu os na allwch ei ganfod, gallech:
- wneud apwyntiad brys gyda'ch meddyg neu ffonio gwasanaeth y tu allan i oriau eich meddygfa os bydd yr argyfwng yn digwydd gyda'r nos neu ar y penwythnos
- ffonio eich gweithiwr iechyd meddwl neu gydlynydd gofal os oes gennych chi un
- ffonio eich tîm argyfwng iechyd meddwl lleol
- mynd i adran damweiniau ac achosion brys eich ysbyty lleol
Tîm argyfwng iechyd meddwl
Mae gan y rhan fwyaf o ardaloedd dîm argyfwng iechyd meddwl. Mae'r timau hyn yn cynnwys nyrsys seiciatrig, gweithwyr cymdeithasol a gweithwyr cynnal, ac maent:
- ar gael 24 awr y dydd, saith diwrnod yr wythnos
- yn ymateb i argyfwng o fewn pedair awr lle bynnag y bo'n bosibl
- yn cynnal asesiadau dan y Ddeddf Iechyd Meddwl (1983)
- yn darparu cefnogaeth a chymorth tymor byr nes y bydd tîm arall ar gael neu nad oes angen help mwyach
Mae timau argyfwng iechyd meddwl yn rhan o'r gwasanaethau cymdeithasol, a gallwch ganfod eu manylion cyswllt drwy eich cyngor lleol.
Os ydych yn gofalu am rywun
Os ydych chi'n teimlo bod rhywun yn berygl iddo'i hun neu i bobl eraill, ffoniwch dîm gwasanaethau cymdeithasol eich cyngor lleol. Os oes perygl ar unwaith, ffoniwch yr heddlu ar 999.
Os oes arnoch angen siarad â rhywun
Os hoffech ffonio rhywun i ddweud sut rydych chi'n teimlo, neu sut y byddwch yn ymdrin ag ymddygiad rhywun arall, gallech gysylltu ag NHS Direct neu'r Samariaid.
NHS Direct
Ffôn: 0845 46 47
Ffôn testun: 0845 606 46 47
Gall nyrsys hyfforddedig roi cymorth a chefnogaeth i chi 24 awr y diwrnod.
Y Samariaid
Ffôn: 08457 90 90 90
Ffôn testun: 08457 90 91 92
Mae'r Samariaid yn cynnig llinell gymorth 24-awr dros y ffôn. Gallwch hefyd gysylltu â hwy drwy e-bost neu ysgrifennu atynt.
Additional links
Ei wneud ar y we
Cysylltiadau defnyddiol
Allweddumynediad llywodraeth y DU
