Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Pobl anabl

Pobl anabl

Y Cerdyn Trên i Bobl Anabl

Mae'r Cerdyn Trên i Bobl Anabl yn caniatáu i chi brynu tocynnau trên am bris gostyngol. Gallech gael hyd at un rhan o dair i ffwrdd wrth brynu tocyn trên. Gallwch gael cerdyn blwyddyn neu gerdyn tair blynedd. Os oes oedolyn arall yn teithio gyda chi, gallant hwythau hefyd deithio am yr un pris.

Pwy sy'n gymwys

I fod yn gymwys, rhaid i chi fodloni o leiaf un o'r meini prawf a restrir isod. Mae'r ffurflen gais yn rhestru'r prawf y bydd ei angen arnoch i gadarnhau eich bod yn gymwys i gael y Cerdyn Trên.

Rydych yn gymwys:

  • os ydych wedi'ch cofrestru'n fyddar neu gyda nam ar eich golwg
  • os oes gennych epilepsi, ac yn cael ymosodiadau'n gyson er eich bod yn cael cyffuriau
  • os ydych yn cael Lwfans Gweini
  • os ydych yn cael y Lwfans Anabledd Difrifol
  • os ydych yn cael elfen symudedd y Lwfans Byw i'r Anabl am flwyddyn neu fwy
  • os ydych yn cael cyfradd ganol neu uchaf elfen ofal y Lwfans Byw i'r Anabl
  • os ydych yn cael Budd-dal Analluogrwydd hirdymor
  • os ydych yn cael Atodiad Symudedd Pensiwn Rhyfel neu Bensiwn Anabledd Rhyfel neu Wasanaeth am anabledd o 80 y cant neu fwy
  • os ydych yn yrrwr cerbyd a ddarperir dan y Cynllun Cerbydau i'r Methedig (cyn 1976)
  • os ydych yn prynu neu'n prydlesu cerbyd drwy'r cynllun Motability

Plant a phobl ifanc

Gall plant rhwng 5 a 16 hefyd fod yn gymwys i gael Cerdyn Trên i Bobl Anabl. Telir y pris arferol am docyn trên i'r plentyn, ond gall oedolyn deithio gyda'r plentyn am y pris gostyngol, sydd un rhan o dair yn rhatach na phris tocyn oedolyn.

Prynu Cerdyn Trên

I brynu Cerdyn Trên, rhaid i chi lenwi ffurflen gais a'i hanfon gyda chopi o brawf o hawl a'r ffi.

Gallwch lwytho ffurflen gais oddi ar wefan y Cerdyn Trên i Bobl Anabl neu ffonio'r llinell gymorth a gofyn iddynt anfon copi atoch.

I gael gwybodaeth fanylach, cysylltwch â llinell gymorth y Cerdyn Trên i Bobl Anabl.

Ffôn: 0845 6050 525

Ffôn testun: 0845 6010 132

Yn yr adran hon...

Additional links

Allweddumynediad llywodraeth y DU