Gwefan llywodraeth y DU

Bysiau

Mae bysiau unllawr a deulawr newydd wedi cael eu cynllunio i fod yn hwylus i bobl anabl, gan gynnwys defnyddwyr cadair olwyn. Rhaid i gynghorau lleol adael i bobl anabl yn eu hardal deithio am ddim ar fysiau lleol yn ystod cyfnodau tawelach; ni chodir tâl am y tocyn bws.

Tocynnau bws yn Lloegr

Ers 1 Ebrill 2008, mae gan bawb sy'n gymwys i gael teithio ar fysiau gyda chynlluniau mantais yn Lloegr yn cael hawl i deithio ar fysiau lleol yn unrhyw le yn Lloegr yn ystod cyfnodau tawelach. Efallai y bydd cynghorau lleol yn cynnig manteision ychwanegol i'w preswylwyr, ond dim ond ar gyfer teithio mewn ardaloedd lleol y bydd y rhain yn berthnasol, ni fyddant yn berthnasol ym mhob man.

Bydd rhai tocynnau bws yn caniatáu i chi deithio yn ystod awr brysur y bore, ac mewn rhai ardaloedd, gellir defnyddio tocynnau ar dramiau, trenau neu mewn tacsis. Mae rhai hefyd yn ddilys i'w defnyddio mewn ardal ehangach, megis mewn sir neu ardal fetropolitan.

Os ydych yn byw ar y ffin gyda Chymru neu'r Alban, efallai y bydd gan eich awdurdod lleol drefniadau teithio gyda'r ardaloedd cyfagos a fydd yn eich galluogi i ddefnyddio eich tocyn bws yn yr ardaloedd hynny hefyd.

Holwch beth mae'r cynllun yn ei gynnwys cyn teithio.

Tocynnau bws yng Nghymru

Yng Nghymru, os oes gennych hawl i gael tocyn bws gan eich awdurdod lleol, cewch ei ddefnyddio ar unrhyw adeg o'r dydd a bydd gennych hawl i deithio ar fysiau lleol o fewn dalgylch unrhyw gyngor.

Tocynnau bws yn yr Alban

Yn yr Alban, os oes gennych hawl i gael tocyn bws, gallwch ddefnyddio gwasanaethau bysiau lleol a gwasanaethau bysiau moethus sy'n teithio'n bell ar unrhyw adeg o'r dydd. Trafnidiaeth yr Alban sy'n gyfrifol am y cynllun hwn a bydd angen i chi wneud cais am Gerdyn Hawl i deithio am ddim.

• Ehangu'r cynllun teithio am ddim ar fysiau yn Lloegr
• Trafnidiaeth yr Alban - y Cerdyn Hawl Cenedlaethol Opens new window
• Cynghorau lleol