Gwefan llywodraeth y DU

Mynediad i siopau, caffis a gwasanaethau bob dydd

Mae'r Ddeddf Gwahaniaethu ar sail Anabledd yn rhoi hawliau mynediad pwysig i bobl anabl at wasanaethau o ddydd i ddydd, gan gynnwys siopau, tai bwyta, banciau, sinemâu a llefydd addoli.

• Mynediad i siopau, caffis a gwasanaethau bob dydd

Eich hawliau ym maes cyflogaeth

Mae'n anghyfreithlon i gyflogwyr wahaniaethu yn erbyn pobl anabl am reswm sy'n gysylltiedig â'u hanabledd, ymhob agwedd ar gyflogaeth, oni ellir cyfiawnhau hynny.

• Hawliau cyflogaeth a'r Ddeddf Gwahaniaethu ar sail Anabledd

Eich hawliau iechyd

Mae'r Ddeddf Gwahaniaethu ar sail Anabledd yn rhoi hawliau mynediad pwysig i bobl anabl at wasanaethau iechyd a gwasanaethau cymdeithasol, megis meddygfeydd, deintyddfeydd ac ysbytai.

Mae gennych hefyd hawl i wybodaeth am ofal iechyd a gwasanaethau cymdeithasol ar ffurf sy'n hwylus i chi lle mae'n rhesymol i'r darparwr gwasanaeth ei darparu ar y ffurf honno.

• Eich hawl i wasanaethau gofal iechyd a chymdeithasol

Eich hawliau ym maes addysg

Diwygiodd Deddf Anghenion Addysgol Arbennig ac Anabledd 2001 Ddeddf Gwahaniaethu ar sail Anabledd 1995 (DDA) gan ei wneud yn anghyfreithlon i ddarparwyr addysg gamwahaniaethu yn erbyn disgyblion a myfyrwyr anabl ac oedolion anabl sy'n dysgu - ac i wneud yn siŵr nad yw pobl anabl dan anfantais o'u cymharu â phobl nad ydynt yn anabl.

• Eich hawliau a dysgu

Iechyd meddwl a'ch hawliau

Bydd llawer o bobl sydd â chyflwr iechyd meddwl yn ei chael hi'n anodd ystyried eu hunain yn 'anabl' - ond mae ganddynt hawliau dan y Ddeddf Gwahaniaethu ar sail Anabledd.

Mae Deddf Iechyd Meddwl 1983 yn ymdrin ag asesu a thrin pobl sydd â chyflwr iechyd meddwl, a’u hawliau.

Mae'r Ddeddf Gallu Meddyliol yn anelu at amddiffyn pobl sydd ag anableddau dysgu a chyflyrau iechyd meddwl. Bydd yn cael ei rhoi ar waith yn 2007 ac yn darparu canllawiau clir ar gyfer gofalwyr a gweithwyr proffesiynol ynghylch pwy sy'n gwneud penderfyniadau ym mha sefyllfaoedd.

• Iechyd meddwl a'r Ddeddf Gwahaniaethu ar Sail Anabledd
• Y Ddeddf Iechyd Meddwl
• Y Ddeddf Gallu Meddyliol

Eich hawliau - moduro a thrafnidiaeth

Mae gan bobl anabl hawliau mynediad pwysig o ran moduro, trafnidiaeth a'r seilwaith teithio (megis gorsafoedd trenau a meysydd awyr) dan y Ddeddf Gwahaniaethu ar sail Anabledd.

Mae'r Ddeddf Gwahaniaethu ar sail Anabledd hefyd yn golygu bod gennych hawl i wybodaeth am drafnidiaeth (amserlenni, er enghraifft) ar ffurf sy'n hwylus i chi lle mae'n rhesymol i'r darparwr trafnidiaeth ei darparu yn y ffurf honno.

• Eich hawliau - Moduro a thrafnidiaeth