Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Pobl anabl

Pobl anabl

Y Ddeddf Gwahaniaethu ar sail Anabledd

Yma, cewch wybod am y ddeddfwriaeth sydd ar waith i hyrwyddo hawliau sifil pobl anabl ac amddiffyn pobl anabl rhag gwahaniaethu.

Hawliau pobl anabl mewn bywyd bob dydd

Mae'r erthygl hon yn sôn yn bennaf am y Ddeddf Gwahaniaethu ar sail Anabledd. Drwy ddilyn y ddolen isod, gallwch ddysgu am eich hawliau mewn gwahanol agweddau ar fywyd, gan gynnwys cael mynediad at siopau, caffis a banciau a defnyddio'u gwasanaethau, ynghyd â hawliau o ran cyflogaeth, iechyd ac addysg.

Y Ddeddf Gwahaniaethu ar sail Anabledd

Nod Deddf Gwahaniaethu ar sail Anabledd 1995 yw rhoi diwedd ar y gwahaniaethu y mae llawer o bobl anabl yn ei wynebu. Ychwanegwyd yn sylweddol at y Ddeddf hon, gan gynnwys Deddf Gwahaniaethu ar sail Anabledd 2005. Mae'n awr yn rhoi hawliau i bobl anabl yn y meysydd canlynol:

  • cyflogaeth
  • addysg
  • mynediad at nwyddau, cyfleusterau a gwasanaethau
  • prynu neu rentu tir neu eiddo, gan gynnwys ei gwneud yn haws i bobl anabl rentu eiddo ac i denantiaid wneud addasiadau ar gyfer pobl anabl

Mae'r Ddeddf yn awr yn ei gwneud yn ofynnol i gyrff cyhoeddus hyrwyddo cyfle cyfartal i bobl anabl. Mae hefyd yn caniatáu i'r llywodraeth bennu safonau sylfaenol er mwyn i bobl anabl allu defnyddio trafnidiaeth gyhoeddus yn hwylus.

Ceir mwy o wybodaeth ar wefan yr Adran Gwaith a Phensiynau, gan gynnwys manylion am y newidiadau a wnaed gan Ddeddf Gwahaniaethu ar sail Anabledd 2005.

Daeth y Comisiwn Hawliau Anabledd i ben ar 28 Medi 2007, ond mae'r wefan yn dal ar gael a cheir arni ddigon o wybodaeth, gan gynnwys golwg gyffredinol ar brif bwyntiau'r Ddeddf. Mae hefyd yn darparu fersiynau llawn ar ffurf PDF (y ddwy Ddeddf) a word (Deddf Gwahaniaethu ar sail Anabledd 2005 yn unig).

Cael copi o'r Ddeddf Gwahaniaethu ar sail Anabledd

Mae'r ddwy Ddeddf wedi'u cyhoeddi ar wefan Swyddfa Gwybodaeth y Sector Cyhoeddus.

Copi papur

Mae fersiwn print (ISBN 0 10 541105 1) ar gael i'w brynu ac fe'i cyhoeddir gan Y Llyfrfa (TSO).

Fersiynau Braille a phrint bras

Gallwch hefyd brynu copïau Braille a phrint bras o'r Ddeddf (sy'n cynnwys diwygiadau 2003) drwy ffonio'r Llyfrfa ar 0870 600 5522 neu drwy anfon e-bost at: customer.service@tso.co.uk. Mae gan y rhain yr un ISBN â'r fersiwn print (ISBN 0 10 541105 1).

Fideo Iaith Arwyddion Prydain (BSL)

Gellir prynu fersiwn fideo Iaith Arwyddion Prydain (ISBN 011703598X) drwy ffonio'r Llyfrfa ar 0870 600 5522 neu drwy anfon e-bost at: customer.service@tso.co.uk.

Fersiwn hawdd ei darllen

Gellir prynu fersiwn hawdd ei darllen (ISBN 0117035998) drwy ffonio'r Llyfrfa ar 0870 600 5522 neu drwy anfon e-bost at: customer.service@tso.co.uk.

Tâp sain

Gellir prynu canllaw i'r Ddeddf ar ffurf tâp sain (ISBN 0117036005) drwy ffonio'r Llyfrfa ar 0870 600 5522 neu drwy anfon e-bost at: customer.service@tso.co.uk.

Yn yr adran hon...

Additional links

Allweddumynediad llywodraeth y DU