Gwefan llywodraeth y DU

Cyfleusterau yn y llys

Mae gan y rhan fwyaf o'r llysoedd ddolenni sain gan gynnwys cyfleusterau isgoch. Os teimlwch y gallai hyn eich helpu, rhowch wybod i'r swyddog gwasanaethau cwsmeriaid yn y llys cyn gynted ag y byddwch yn gwybod y bydd rhaid i chi fynychu gwrandawiad.

Gallwch, os dymunwch, ymweld ag ystafell y llys cyn yr achos i wneud yn siŵr y bydd y cyfleuster yn eich helpu. I drefnu ymweliad â'r llys ymlaen llaw, cysylltwch â Swyddog Gwasanaeth i Gwsmeriaid y llys y byddwch yn mynd iddo.

Os cyhoeddir bod eich achos yn cychwyn dros system Tannoy ac os teimlwch y gallai hyn fod yn broblem, rhowch wybod i'r person yn y dderbynfa.

Os oes angen cyfieithydd/dehonglydd arnoch, bydd y swyddog gwasanaethau cwsmeriaid yn trefnu hyn. Dylech roi cymaint o rybudd ag sy'n bosibl iddynt.

Gallwch gael manylion am sut i gysylltu â'r llys ar unrhyw ohebiaeth a anfonir atoch neu drwy wasanaeth canfod llysoedd ar-lein Gwasanaeth Llysoedd EM.

• Gwasanaeth Canfod Llysoedd GLlEM Opens new window

Defnyddio cyfieithydd/dehonglydd

Os ydych yn mynychu'r llys fel, er enghraifft, hawlydd neu ddiffynnydd mewn achos sifil neu deulu, bydd Gwasanaeth Llysoedd Ei Mawrhydi yn talu costau rhesymol am gyfieithydd/dehonglydd i'ch helpu yn eich gwrandawiad. Dim ond am gyfieithwyr/dehonglwyr a archebir drwy'r llys y byddant yn talu.

Os ydych angen cyfieithydd/dehonglydd, dylech gysylltu â'r llys cyn gynted a phosibl i roi gwybod iddynt. Bydd y llys yn trefnu bod cyfieithydd/dehonglydd yn bresennol.

Nid yw'r Gwasanaeth Llys yn gyfrifol am ddarparu cyfieithydd/dehonglydd ar gyfer unrhyw waith paratoi sy'n gysylltiedig â'r achos, er enghraifft, trafodaethau gyda thwrnai.

Defnyddio ffrind neu berthynas fel cyfieithydd/dehonglydd

Onid oes gan eich ffrind neu berthynas gymhwyster ffurfiol ar gyfer trosglwyddo gwybodaeth rhwng pobl fyddar a phobl sy'n clywed, efallai y byddai'n well defnyddio dehonglydd/cyfieithydd cymwysedig.

Os ydych am i ffrind neu berthynas gyfieithu/dehongli i chi mewn gwrandawiad, bydd angen i chi ofyn caniatâd y barnwr. Rhaid i'r barnwr fod yn sicr y gall eich ffrind neu berthynas ddehongli'n union beth yr ydych yn ei ddweud wrth y llys - a hefyd ddehongli beth sy'n cael ei ddweud wrthych chi. Gall y swyddog gwasanaethau cwsmeriaid eich helpu chi i drefnu hyn.

Gwybodaeth a chyngor pellach

Yn gyntaf, dylech gysylltu â swyddog gwasanaeth i gwsmeriaid y llys y byddwch yn mynd iddo. Gallwch gael manylion am sut i gysylltu â'r llys ar unrhyw ohebiaeth a anfonir atoch neu drwy wasanaeth canfod llysoedd ar-lein Gwasanaeth Llysoedd EM.

Mae gan rai llysoedd DVDs neu fideos cyflwyniadol mewn iaith arwyddion neu gydag is-deitlau. Yn ogystal ag Iaith Arwyddion Prydain, efallai ei fod yn bosibl cael DVDs sy'n defnyddio mathau eraill o iaith arwyddion, megis Saesneg gyda Chymorth Arwyddion (SSE).

Os oes angen rhagor o wybodaeth arnoch, cysylltwch ag:

Customer Service Unit, Her Majesty’s Courts Service
5th Floor, Clive House, 70 Petty France
Llundain SW1H 9HD

Ffôn: 0845 4568770 neu 020 7189 2000
Ffacs: 020 7189 2732
Llinell Gymorth Anabledd/Ffôn Testun: Rhadffôn 0800 358 3506
E-bost: customerservicecshq@hmcourts-service.gsi.gov.uk

• Gwasanaeth Canfod Llysoedd GLlEM Opens new window