Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Pobl anabl
Mynd i lys os oes gennych chi nam ‘cudd’
Efallai eich bod yn poeni am fynd i'r llys ac efallai y teimlwch y bydd y straen yn gwneud cyflwr meddygol neu nam yn waeth. Efallai fod angen i chi gymryd egwyl yn rheolaidd neu gymryd meddyginiaeth.
Namau ‘cudd’
Mae nam cudd yn cynnwys anableddau nad ydynt efallai'n amlwg i bobl eraill - er enghraifft nam symudedd bychan, diabetes, epilepsi, canser neu ddyslecsia.
Pethau i feddwl amdanynt
Mae gan bob llys swyddogion cymorth cyntaf sydd wedi'u hyfforddi i gynorthwyo pobl sy'n mynd yn wael yn y llys. Os oes gennych bryderon, siaradwch â 'swyddog gwasanaethau cwsmeriaid' y llys neu dywedwch wrth y sawl sydd ar y dderbynfa y bydd angen cymorth arnoch o bosib.
Gallwch ymweld â'r llys cyn y bydd yn rhaid i chi fynychu'r llys yn ffurfiol. Bydd hyn yn rhoi cyfle i chi ddod yn gyfarwydd â'r lle a gofyn unrhyw gwestiynau i'r swyddog gwasanaethau cwsmeriaid.
Os yw eich nam neu gyflwr meddygol yn debygol o effeithio arnoch yn ystod gwrandawiad, dywedwch wrth y tywysydd/clerc y llys cyn i'r gwrandawiad ddechrau. Er enghraifft, efallai bydd angen i chi eistedd i lawr wrth gyfarch y barnwr neu'r ynad.
Dyma enghreifftiau o gymorth i ofyn amdano:
- cwestiynau yn cael eu darllen yn uchel i chi er mwyn gallu llenwi ffurflen
- os oes gennych nam ar eich lleferydd, cael rhywun i siarad ar eich rhan
- cael rhywun gyda chi trwy'r amser a fydd yn gallu'ch helpu gyda phethau megis dal papurau
- gallu bwyta neu yfed ar adegau rheolaidd yn ystod y gwrandawiad oherwydd eich bod yn ddiabetig
Os oes unrhyw un o'r uchod yn berthnasol i chi, rhowch wybod i'r llys cyn gynted â phosibl.
Angen rhagor o wybodaeth neu gyngor?
Y swyddog gwasanaethau cwsmeriaid ddylai fod eich pwynt cyswllt cyntaf yn y llys. Os oes angen rhagor o wybodaeth arnoch, cysylltwch â:
Customer Service Unit, Her Majesty’s Courts Service
5th Floor, Clive House, 70 Petty France
London SW1H 9HD
Rhif Ffôn: 0845 4568770 neu 020 7189 2000
Ffacs: 020 7189 2732
Llinell Gymorth Anabledd/Ffôn Testun: Rhadffon 0800 358 3506
E-bost: customerservicecshq@hmcourts-service.gsi.gov.uk
Additional links
Gweler hefyd...
Ei wneud ar y we
Cysylltiadau defnyddiol
Allweddumynediad llywodraeth y DU
