Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Pobl anabl
Yr Heddlu a symud unigolyn i ‘fan diogel’
Ar rai achlysuron, efallai y bydd yr heddlu'n gweithredu os teimlant fod unigolyn angen gofal a/neu reolaeth yn syth. Mae'r pwer ganddynt i symud unigolyn i 'fan diogel' er ei ddiogelwch eich hun, neu er mwyn diogelu eraill.
Symud unigolyn i fan diogel
Mae rhan o Ddeddf Iechyd Meddwl 1983 (adran 136) yn delio gyda symud person sy'n dioddef o salwch meddwl o fan cyhoeddus i fan diogel. Mae'n rhoi manylion pwerau'r heddlu a hawliau person yn y sefyllfa honno.
Dylid cael polisi lleol - y mae'r heddlu lleol, yr awdurdod iechyd a'r awdurdod gwasanaethau cymdeithasol wedi cytuno iddo - ar gyfer gweithredu adran 136 y Ddeddf. Er enghraifft, dylai'r heddlu wybod â phwy i gysylltu yn yr ysbyty lleol ac yn yr adran gwasanaethau cymdeithasol.
Man diogel
Gall y man diogel fod yn ysbyty neu orsaf heddlu.
Trwy fynd â pherson i fan diogel, bydd y person yn cael ei asesu gan feddyg ac yn cael ei gyfweld gan 'weithiwr cymdeithasol cymeradwy'.
Mae gweithwyr cymdeithasol cymeradwy wedi'u hyfforddi ym maes iechyd meddwl a'r gyfraith sy'n berthnasol i'r maes hwnnw. Fe'u penodir gan awdurdodau lleol i gyfweld pobl ac asesu'u lles.
Gellir cadw rhywun am hyd at 72 awr (tri diwrnod). Erbyn hynny, dylai unrhyw drefniadau angenrheidiol ar gyfer triniaeth a gofal yr unigolyn fod wedi'u gwneud. Ar ôl y cyfnod cadw o 72 awr, daw'r awdurdod i gadw'r person i ben.
Hawliau'r person sy'n cael ei gadw
Os yw'r heddlu'n symud person dan adran 136 o'r Ddeddf i orsaf heddlu, mae gan y person sy'n cael ei symud:
- hawl i rywun roi gwybod i berson arall o'u dewis ble y mae
- hawl i gael cyngor cyfreithiol
- hawl i gael cefnogaeth oedolyn priodol
- hawl i gael triniaeth feddygol gan weithiwr proffesiynol gofal iechyd priodol os oes angen
Nid yr heddlu ddylai gyflogi'r 'oedolyn priodol' a dylai fod yn brofiadol yn delio gyda phobl gyda phroblemau iechyd meddwl. Gallai fod yn berthynas i'r person neu rywun sy'n gyfrifol am eu gofal.
Ni ddylai'r heddlu eich cyfweld hyd nes y bydd oedolyn priodol yn bresennol oni fyddai oedi'n peri risg o anaf neu niwed i eiddo neu bobl.
Elusennau a mudiadau
Gall mudiadau ac elusennau iechyd meddwl ddarparu gwybodaeth ddefnyddiol. Mae gan yr elusen 'Mind' arweiniad i'r Ddeddf Iechyd Meddwl y gellir ei lwytho ar ffurf PDF.
Mwy o ddolenni defnyddiol
Yn yr adran hon...
Additional links
Gweler hefyd...
Ei wneud ar y we
Cysylltiadau defnyddiol
Allweddumynediad llywodraeth y DU
