Gwefan llywodraeth y DU

Sut y gall Gofal i Ddysgu eich helpu chi

Hyd at £160 ar gyfer pob plentyn bob wythnos (£175 yn Llundain) i dalu am gostau gofal plant

Hyd at £160 ar gyfer pob plentyn bob wythnos (£175 yn Llundain) i dalu am gostau gofal plant

Os ydych chi'n rhiant ifanc, gall Gofal i Ddysgu helpu i dalu am ofal plant a chostau teithio tra'ch bod chi'n dysgu.

Chi sydd i benderfynu pa bwnc neu gwrs yr ydych am ei ddilyn. Gallwch ddewis, er enghraifft, a ydych yn dymuno cael cymhwyster ai peidio, neu p'un ai mewn coleg neu drwy weithio yr ydych am ddysgu.

Lle bynnag y byddwch yn dysgu, gallwch fod yn hyderus bod eich plentyn yn cael ei warchod yn ddiogel.

Mae'r tudalennau hyn yn rhoi mwy o wybodaeth i chi am Ofal i Ddysgu. Os hoffech siarad â rhywun i weld a ydych yn gymwys, neu i gael help i wneud cais, gallwch naill ai:

• ffonio llinell gymorth Gofal i Ddysgu ar 0800 121 8989
• cysylltu â Chynghorydd Connexions Personol

• Dod o hyd i Gynghorydd Connexions Personol yn eich ardal chi (yn agor ffenestr newydd)

Beth allwch chi ei ddysgu

Trefnwch fod eich dysgu'n cyd-fynd â'ch bywyd

Pan fyddwch yn cael Gofal i Ddysgu, eich penderfyniad chi yw beth yr ydych am ei ddysgu.

Gallech ddewis mynd ar gwrs neu ymgymryd â rhaglen ddysgu sy'n para am ychydig ddyddiau'n unig, neu un sy'n para am nifer o flynyddoedd. Nid oes oriau pendant, felly gallech astudio'n rhan-amser neu'n llawn amser.

Tra'ch bod yn dysgu, gallech helpu i adeiladu gwell dyfodol i chi a'ch teulu.

Mae mwy a mwy o gyflogwyr yn chwilio am bobl sydd â lefelau sgiliau a chymwysterau uwch, a dengys yr ymchwil diweddaraf fod pobl sydd â chymwysterau yn tueddu i ennill mwy na'r rhai sydd heb gymwysterau. Byddwch hefyd yn cwrdd â phobl newydd ac yn gwneud ffrindiau newydd, yn cael mynd allan o'r tŷ ac yn cael cyfle i fagu mwy o hyder a bod yn fwy annibynnol efallai.

Y peth pwysicaf yw eich bod yn dewis rhywbeth sy'n gweddu i chi ac sydd o ddiddordeb i chi.

Dod o hyd i gwrs

Gallwch ddefnyddio Gofal i Ddysgu i dalu am eich gofal plant pa fath bynnag o gwrs dysgu y byddwch yn ei ddilyn, nid dim ond cyrsiau dysgu sy'n arwain at gymwysterau.

Yr unig beth sydd angen i chi ei wneud yw dewis cwrs dysgu sy'n cael cyllid cyhoeddus.

Mae miloedd o gyfleoedd dysgu ar gael, yn amrywio o gyrsiau byr yn y gymuned a fyddai'n helpu i roi hwb i'ch hyder, i gwrs dwy flynedd yn eich coleg lleol.

Os ydych chi'n chwilio am syniadau neu am ysbrydoliaeth ynghylch pa fath o gwrs dysgu i fynd arno, gallech naill ai edrych ar yr erthygl, ‘Dewisiadau yn 16: beth sy’n iawn i chi’, neu gysylltu â Connexions Direct:

• Connexions Direct: 080 800 13219

• Dewisiadau yn 16 oed: beth syn iawn i chi
• Cysylltu â Connexions Direct (yn agor ffenestr newydd)

Gofal Plant: pwy sy’n gofalu am eich plentyn

Pryderon ynghylch lles neu ddiogelwch? Ffoniwch linell gymorth Gofal i Ddysgu

Pryderon ynghylch lles neu ddiogelwch? Ffoniwch linell gymorth Gofal i Ddysgu

Gall gadael i rywun arall edrych ar ôl eich plentyn fod yn gam mawr.

Mae Gofal i Ddysgu'n helpu drwy adael i chi ddewis y math o ofal plant sy'n fwyaf addas i chi ac i'ch plentyn.

Gallwch, er enghraifft, ddefnyddio Gofal i Ddysgu i dalu am ofal plant:

• gyda gwarchodwr plant
• mewn cylch chwarae cyn-ysgol
• mewn meithrinfa ddydd
• mewn clwb y tu allan i'r ysgol
• mewn lle arall sydd wedi ei gofrestru i warchod plant (fel meithrinfa neu greche eich coleg)

Yr unig amod yw bod y darparwr gofal plant wedi ei gofrestru. Rhaid i ddarparwyr gofal plant cofrestredig fodloni'r safonau cenedlaethol, ac fe fyddant yn cael eu harchwilio bob blwyddyn i wneud yn siŵr eu bod yn darparu gwasanaeth gofal o safon.

Os oes gennych unrhyw bryderon am les a diogelwch eich plentyn neu am eich lles a'ch diogelwch eich hun, cysylltwch â llinell gymorth Gofal i Ddysgu ar 0800 121 8989.

• Dewis gofal plant (adran rhieni)

Dod o hyd i ofal plant

Os nad ydych yn sicr pa fath o ofal plant i'w ddefnyddio, gofynnwch am gyngor – mae holi eich Cynghorydd Connexions Personol neu'ch Gwasanaeth Gwybodaeth Plant lleol yn lle da i ddechrau.

Gallant helpu i drefnu eich bod yn cael ymweld â gwahanol ddarparwyr gofal plant i weld pa un sy'n diwallu'ch anghenion orau.

Yn ystod yr ymweliad, gwnewch yn siŵr eich bod yn fodlon bod y lle yn addas ar gyfer eich plentyn chi. Efallai yr hoffech gael gwybod am y pethau hyn:

• beth yw trefn y diwrnod
• beth sy'n digwydd pan mae'ch babi wedi ypsetio, pan mae eisiau bwyd arno neu pan mae angen newid ei glwt
• sut mae'r gofal plant yn cael ei drefnu o amgylch diwrnod ysgol eich plentyn

Gallwch gael mwy o wybodaeth drwy ofyn i'r darparwr gofal plant am gopi o'u 'Llyfryn Canllaw i Rieni', sy'n egluro beth maent yn ei wneud mewn gwahanol amgylchiadau.

Mae Gofal i Ddysgu wedi cynhyrchu Cod Ymarfer yn benodol ar gyfer darparwyr gofal plant. Mae hwn yn tynnu sylw at y materion y gallech chi fod yn eu hwynebu.

• Download Cod Ymarfer Gofal i Ddysgu oddi ar y we (PDF, 166K)
• Dod o hyd i Gynghorydd Connexions Personol yn eich ardal chi (yn agor ffenestr newydd)
• Cysylltu â Childcarelink

Y cam nesaf: cael gwybod a ydych chi'n gymwys

Os oes gennych ddiddordeb mewn gwneud cais am Ofal i Ddysgu, eich cam nesaf fydd canfod a ydych yn gymwys.

• Gofal i Ddysgu: ydych chi'n gymwys?