Gwefan llywodraeth y DU

Grantiau Dawns a Drama: gweld a ydych yn gymwys

Mae'r Grantiau Dawns a Drama ar gael mewn 21 ysgol dawns a drama breifat yn Lloegr.

Bydd a ydych yn gymwys ar gyfer grant ai peidio yn dibynnu ar eich oed, eich cenedl neu'ch statws preswylio, a'r cwrs.

Eich oedran

I wneud cais am gwrs dawns, rhaid i chi fod yn 16 oed neu'n hŷn.

I wneud cais am gyrsiau actio neu reoli llwyfan, rhaid i chi fod yn 18 oed neu'n hŷn.

Os ydych chi dan 16 oed, efallai y gallwch wneud cais am y cynllun Cerddoriaeth a Dawns. Cynllun ar wahân yw hwn a all helpu rhieni i dalu'r ffioedd a chostau'r llety mewn wyth ysgol annibynnol arbenigol sy'n ganolfannau rhagoriaeth yn eu maes.

• Cael gwybod mwy am y cynllun Cerddoriaeth a Dawns Opens new window

Gofynion cenedligrwydd a phreswylio

Gallech fod yn gymwys i gael grant:

• os ydych chi'n un o frodorion yr Undeb Ewropeaidd (UE) neu Ardal Economaidd Ewrop (AEE); ac
• os ydych wedi bod yn preswylio yn yr Undeb Ewropeaidd neu mewn gwlad sy'n rhan o Ardal Economaidd Ewrop am y tair blynedd yn union cyn diwrnod cyntaf blwyddyn academaidd gyntaf y cwrs

Gallech hefyd fod yn gymwys os oes gennych statws ffoadur, neu os oes gennych hawl amhenodol i aros yn y DU ac os ydych wedi bod yn preswylio yn y DU ers y rhoddwyd y statws hwn i chi.

Os nad ydych wedi bod yn y Deyrnas Unedig neu'r UE oherwydd bod eich rhieni wedi'u cyflogi dros dro yn rhywle arall yn ystod y tair blynedd diwethaf, ystyrir eich bod wedi bod yn breswylydd yma drwy gydol y cyfnod.

Eich cwrs

Dim ond os byddwch yn mynd am gymhwyster Coleg y Drindod Llundain gydag un o'r 21 darparwr achrededig y byddwch chi'n gymwys i gael Grant Dawns a Drama.

Ni cheir defnyddio'r grantiau ar gyfer graddau prifysgol neu goleg cyffredin na chyrsiau mewn dawns neu ddrama os nad ydyn nhw'n cael eu rhestru.

I chwilio drwy'r rhestr darparwyr, dilynwch y dolenni isod.

• Grantiau Dawns a Drama : cyrsiau ac ysgolion (A-M)
• Grantiau Dawns a Drama : cyrsiau ac ysgolion (N-Z)

Faint o arian allech chi ei gael

I gael gwybod faint o arian allech chi ei gael, dilynwch y ddolen isod.

• Grantiau Dawns a Drama: faint o arian allech chi ei gael

Yr effaith ar fathau eraill o gymorth ariannol

Lwfans Cynhaliaeth Addysg

Os ydych chi'n cael Grant Dawns a Drama, ni fydd gennych hawl i gael y Lwfans Cynhaliaeth Addysg.

Mae hyn yn berthnasol hyd yn oed os ydych chi hefyd yn astudio ar gyfer Safon Uwch.

Mae'r cyrsiau y gellir eu gwneud gyda'r Grantiau Dawns a Drama ar Lefel 5 a Lefel 6 y Fframwaith Cymwysterau Cenedlaethol. Er mwyn bod yn gymwys i gael Lwfans Cynhaliaeth Addysg, rhaid i'ch cwrs fod yn Lefel 3 neu'n is.

• Cymwysterau: beth mae’r gwahanol lefelau’n ei olygu

Sut mae gwneud cais am Grant Dawns a Drama

I wneud cais am grant, bydd yn rhaid i chi gysylltu ag un o'r 21 ysgol hyfforddi breifat ym maes dawns a drama.

• Grantiau Dawns a Drama: sut i wneud cais

Mwy o wybodaeth

Mae’r wybodaeth hon ar gael hefyd mewn llyfryn y gallwch ei lwytho oddi ar y we ar ffurf PDF.

Gellir cael llyfrynnau ar ffurf copi caled:

• drwy ffonio 0845 60 222 60
• dewis opsiwn 4; a
• dyfynnu'r cyfeirnod LSC-DD1

Os oes gennych unrhyw gwestiynau pellach am y cynllun, cysylltwch â desg gymorth y Grantiau Dawns a Drama.

• Cysylltu â desg gymorth Grantiau Dawns a Drama
• Download taflen Grantiau Dawns a Drama oddi ar y we (PDF, 982K)
• Cymorth gyda ffeiliau PDF