Gwefan llywodraeth y DU

Lwfans Cynhaliaeth Addysg: faint o arian allech chi ei gael?

Daw'r Lwfans Cynhaliaeth Addysg mewn taliadau o £10, £20 neu £30 yr wythnos, a bydd yr arian yn mynd yn syth i'ch cyfrif banc.

Fodd bynnag, dim ond os byddwch yn mynychu'r cwrs yn rheolaidd ac yn gweithio'n galed arno y cewch eich arian.

Os byddwch yn gymwys, cyfrifir y swm a gewch drwy edrych ar incwm eich cartref. Ni fydd unrhyw arian a enillwch wrth wneud gwaith rhan-amser yn effeithio arno, ac ni fydd yn gwneud gwahaniaeth i unrhyw fudd-daliadau y mae'ch rhieni'n eu cael.

Yn ogystal â'r swm wythnosol a gewch, mae modd i chi gael bonws hefyd – ar yr amod eich bod yn gwneud yn dda ac yn cyrraedd targedau a bennir gan eich athro, eich tiwtor neu'ch darparwr pan fyddwch yn dechrau.

Felly, ydych chi'n gymwys?

Beth am gadw popeth yn syml. Darllenwch y rhestr isod ac os yw'r disgrifiadau oed, cwrs ac incwm yn berthnasol i chi, mae'n debygol y byddwch yn gymwys i gael Lwfans Cynhaliaeth Addysg.

Eich oed

Yn gyntaf oll, mae angen i chi fod yn 16, yn 17 neu'n 18 oed a'ch bod wedi gadael – neu ar fin gadael – addysg orfodol.

Eich cwrs

Rhaid eich bod wedi cofrestru ar gwrs yn Lloegr a hwnnw naill ai:

• yn gwrs addysg bellach amser llawn, naill ai mewn coleg neu mewn ysgol
• yn Ddiploma a ariennir gan y Cyngor Dysgu a Sgiliau (os yw ar gael) neu'n gwrs sy'n arwain at Brentisiaeth
• yn gwrs Mynediad at Waith (e2e) a ariennir gan y Cyngor Dysgu a Sgiliau (os bydd eich cwrs Mynediad at Waith yn dechrau ar 30 Mehefin 2008 neu ar ôl hynny, fe gewch uchafswm y Lwfans Cynhaliaeth Addysg, sef £30 bob wythnos, waeth beth yw incwm eich cartref)

Incwm eich cartref

I fod yn gymwys ar gyfer y Lwfans Cynhaliaeth Addysg yn y flwyddyn academaidd sy'n dechrau ym mis Medi 2008, rhaid bod incwm blynyddol eich cartref yn is na £30,810 (ar gyfer blwyddyn dreth 2007/2008).

Ac mae newyddion da os oes gennych chi swydd ran-amser – ni fydd unrhyw arian a enillwch yn cael ei gynnwys yn incwm cyffredinol eich cartref.

• Lwfans Cynhaliaeth Addysg: y ffeithiau i rieni a gofalwyr

Ydy'r Lwfans Cynhaliaeth Addysg yn effeithio ar fudd-daliadau eraill?

Na, dydy'r Lwfans Cynhaliaeth Addysg ddim yn effeithio ar fudd-daliadau eraill ar gyfer y cartref. Felly mae dal yn iawn i'ch rhieni a'ch gofalwyr hawlio budd-dal plant, credydau treth ac yn y blaen.

Os oes gennych blant, gallech gael Lwfans Cynhaliaeth Addysg yr un pryd â Gofal i Ddysgu, sy'n golygu y gallech gael cymorth ychwanegol â chostau gofal plant.

• Gofalu i ddysgu

Ble allwch chi gofrestru?

Swnio'n dda? Ffoniwch linell gymorth y Lwfans Cynhaliaeth Addysg ar 0800 121 8989 i fynd gam yn nes at gael eich dwylo ar yr arian.

• Sut mae gwneud cais am Lwfans Cynhaliaeth Addysg

Y Lwfans Cynhaliaeth Addysg yng Nghymru, Iwerddon a'r Alban

Mae gan Gymru, yr Alban a Gogledd Iwerddon cynlluniau Lwfans Cynhaliaeth Addysg gwahanol. Mae’n rhaid i chi wneud cais i'r cynllun Lwfans Cynhaliaeth Addysg ar gyfer y wlad yr ydych yn bwriadu astudio ynddi.

• Y Lwfans Cynhaliaeth Addysg yng Nghymru, Iwerddon a'r Alban