Gwefan llywodraeth y DU

Cael gwybod am safbwyntiau'r Panel Dysgwyr Cenedlaethol

Mae'r Panel Dysgwyr Cenedlaethol wedi rhoi safbwynt dysgwyr i'r llywodraeth, y Cyngor Dysgu a Sgiliau a sefydliadau eraill sy'n gwneud penderfyniadau, am amrywiaeth o faterion sy'n effeithio ar ddysgwyr mewn addysg bellach.

Mae'r panel wedi cynhyrchu adroddiadau'n ymwneud ag amrywiaeth eang o bynciau - o wella'r ffordd y caiff colegau addysg bellach eu harolygu i gynigion ar gyfer cynyddu'r oedran isaf y caiff pobl ifanc adael addysg neu hyfforddiant.

Llwytho copi o flwyddlyfr y panel oddi ar y we

Gallwch gael golwg gyffredinol ar waith y panel dros y flwyddyn ddiwethaf o Flwyddlyfr 2008 y Panel Dysgwyr Cenedlaethol.

• Download copi o Flwyddlyfr 2008 y Panel Dysgwyr Cenedlaethol oddi ar y we (PDF, 286K)

Cael copïau o adroddiadau gan y Panel Dysgwyr Cenedlaethol

Os hoffech wybodaeth fanylach am yr hyn y mae'r panel wedi bod yn ei wneud, mae adroddiadau diweddar yn cynnwys:

• cynlluniau i gyflwyno ffordd newydd o gydnabod cyraeddiadau dysgwyr drwy'r Fframwaith Cymwysterau a Chredydau (Mehefin 2008, cod: NLP/QCF)
• cynigion â'r nod o annog mwy o bobl ifanc 16 a 17 mlwydd oed i aros mewn addysg neu hyfforddiant a rhoi cyfle i fwy o oedolion wella eu sgiliau (Mai 2008, cod: NLP/RAI)
• cynlluniau ar gyfer y Gwasanaeth Gyrfaoedd a Hybu Oedolion a'r Cyfrifon Sgiliau newydd (Mai 2008, cod: NLP/AACS)
• strategaeth y llywodraeth ar gyfer cymwysterau 14 i 19 (Mai 2008, cod: NLP/QUA)
• gweithredu strategaeth Prentisiaeth y llywodraeth (Ebrill 2008, cod: NLP/AIM)
• adlewyrchu safbwyntiau dysgwyr fel rhan o arolygiadau darparwyr addysg bellach (Mawrth 2008, cod: NLP/INS)
• sut gallai sefydliadau addysg bellach helpu i hybu cydlyniad cymunedol (Mawrth 2008, cod: NLP/COH)
• sut gellir canolbwyntio cyrsiau Saesneg i Siaradwyr Ieithoedd Eraill (ESOL) at ddibenion helpu i wella cydlyniad cymunedol (Mawrth 2008, cod: NLP/ESOL)
• cynyddu poblogrwydd Prentisiaethau (Ionawr 2008, cod: NLP/APP)
• gwella enw da addysg bellach (Ionawr 2008, cod: NLP/REP)
• newidiadau posibl i'r ffordd y darperir dysgu anffurfiol i oedolion (Ionawr 2008, cod: NLP/IAL)

Gallwch gael copi o unrhyw adroddiad a gyhoeddwyd gan y panel drwy anfon e-bost i'r cyfeiriad isod. Yn eich e-bost, nodwch godau'r adroddiadau y mae gennych chi ddiddordeb ynddynt.

Cymorth gyda ffeiliau PDF

Bydd angen Adobe Reader arnoch i weld ffeiliau PDF. Mae'r rhaglen ar gael yn rhad ac am ddim os nad yw gennych eisoes.

• Cymorth gyda ffeiliau PDF
• Adobe Reader oddi ar y we Opens new window

Oes gennych chi gwestiwn am y Panel Dysgwyr Cenedlaethol?

Gallwch gael atebion i ymholiadau cyffredinol am y Panel - neu ofyn am y wybodaeth ddiweddaraf yn rheolaidd drwy e-bost am yr hyn y mae'r Panel yn ei wneud - drwy e-bostio SHM. Mae SHM yn gwmni sy'n darparu cefnogaeth ar gyfer gweithgareddau'r Panel ar ran yr Adran dros Arloesi, Prifysgolion a Sgiliau.