Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Addysg a dysgu
Grantiau Dysgu i Oedolion: faint gewch chi
Gallai'r Grant Dysgu i Oedolion helpu i leddfu unrhyw bryderon sydd gennych ynglŷn ag arian, gan adael i chi ganolbwyntio ar ddysgu. Os ydych chi'n gymwys, cewch hyd at £30 yr wythnos yn ystod y tymor – sy'n oddeutu £1,000 y flwyddyn. Bydd y swm a gewch yn dibynnu ar eich incwm.
Os ydych chi'n sengl
Os ydych chi'n sengl, bydd faint gewch chi'n dibynnu ar gyfanswm eich incwm yn y flwyddyn dreth ddiwethaf.
| Eich incwm | Taliad wythnosol |
|---|---|
| Hyd at £11,810 | £30 |
| £11,811 - £15,405 | £20 |
| £15,406 - £19,513 | £10 |
| Dros £19,513 | Dim taliad |
Os ydych chi'n byw gyda phartner
Os oes gennych bartner sy'n byw gyda chi, bydd faint gewch chi'n dibynnu ar gyfanswm incwm y ddau ohonoch ar y cyd yn y flwyddyn ariannol ddiwethaf.
| Cyfanswm incwm blynyddol eich partner a chithau | Taliad wythnosol |
|---|---|
| Hyd at £20,817 | £30 |
| £20,818 - £25,521 | £20 |
| £25,522 - £30,810 | £10 |
| Dros £30,810 | Dim taliad |
Sut mae'r Grant Dysgu i Oedolion yn cael ei dalu?
Os yw'ch cais yn llwyddiannus, bydd y taliadau'n cael eu talu'n uniongyrchol i'ch cyfrif banc.
Byddwch yn cael y taliadau'n wythnosol yn ystod y tymor, cyn belled â bod eich lefelau presenoldeb yn foddhaol.
Am ba mor hir y gellir talu'r Grant Dysgu i Oedolion?
Fel arfer, telir y Grant Dysgu i Oedolion am hyd at ddwy flynedd, ond mae'n bosib ymestyn y cyfnod hwnnw os byddwch chi'n astudio tuag at eich cymhwyster Lefel 2 llawn cyntaf ac yna'n mynd yn syth yn eich blaen i wneud eich cymhwyster Lefel 3 llawn cyntaf - a'ch bod yn disgwyl gorffen eich cwrs o fewn tair blynedd.
Gallech ymestyn eich taliadau Grant Dysgu i Oedolion ymhellach os oes gennych anawsterau dysgu neu anabledd – holwch dîm Gwasanaethau Myfyrwyr eich coleg.
Y cam nesaf: sut i wneud cais
Additional links
Cyngor ar gyfer y Grant Dysgu i Oedolion
I gael cyngor ar eich cais am y Grant Dysgu i Oedolion, ffoniwch 0800 121 8989
