Gwefan llywodraeth y DU

Cymorth gyda chostau gofal plant os ydych yn ddi-waith ac am hyfforddi

Anelir y cynllun Gofal Plant am Ddim ar gyfer Hyfforddi a Dysgu ar gyfer Gwaith at rieni di-waith gyda phartner sy'n gweithio. Os ydych chi'n awyddus i ddilyn cwrs sy'n datblygu sgiliau newydd a allai arwain at swydd, gallai'r cynllun ddarparu hyd at £175 ar gyfer pob plentyn bob wythnos er mwyn helpu gyda chostau gofal plant.

Ar gyfer beth y gallwch ddysgu neu hyfforddi

O gyrsiau gloywi byr mewn Saesneg a mathemateg i gymwysterau ffurfiol mewn amrywiaeth eang o bynciau – mae rhywbeth ar gael i bawb.

Gan fod digonedd o gyrsiau hyblyg ar gael, gallwch astudio wrth eich pwysau ac am ba bynnag gyfnod ag y dymunwch, gan ddatblygu'r sgiliau sydd gennych eisoes a meithrin sgiliau newydd ar hyd y ffordd.

Ydych chi'n gymwys?

Gallech fod yn gymwys ar gyfer y cynllun Gofal Plant am Ddim ar gyfer Hyfforddiant a Dysgu ar gyfer Gwaith os ydych chi'n 20 neu'n hŷn, yn ddi-waith, ac os yw'r canlynol yn berthnasol i chi:

• mae gennych un neu ragor o blant sy'n 14 oed neu'n iau (18 oed neu'n iau os yw'r plentyn yn anabl)
• mae gennych bartner sy'n gweithio
• mae incwm eich cartref yn £20,000 neu lai y flwyddyn

Mae hefyd angen i chi ddefnyddio darparwr gofal plant sydd wedi'i gofrestru ag Ofsted.

Faint o arian allech chi ei gael

Gallai'r cynllun Gofal Plant am Ddim ar gyfer Hyfforddiant a Dysgu ar gyfer Gwaith helpu i dalu am ofal plant, gan adael i chi ganolbwyntio ar ddysgu neu hyfforddiant. Os byddwch yn gymwys, gallech gael hyd at £175 ar gyfer pob plentyn bob wythnos – neu £215 ar gyfer pob plentyn bob wythnos yn Llundain.

Sut mae gwneud cais

I wneud cais am Ofal Plant am Ddim ar gyfer Hyfforddiant a Dysgu ar gyfer Gwaith, neu i gael gwybod mwy am y cynllun:

• cysylltwch â thîm gwasanaethau myfyrwyr eich coleg, neu cysylltwch â nextstep – byddant yn eich helpu i ganfod a ydych yn gymwys ac yn eich tywys drwy'r broses ymgeisio
• ffoniwch llinell gymorth Cefnogaeth i Ddysgwyr ar 0800 121 8989, a dewis opsiwn pedwar

• Cyngor gyrfaoedd wyneb-yn-wyneb gyda nextstep

• Llinell gymorth Cefnogaeth i Ddysgwyr

Yn ôl i'r brif dudalen ar 'Cymorth gyda chostau gofal plant pan rydych yn dysgu'

• Cymorth gyda chostau gofal plant pan rydych yn dysgu