Gwefan llywodraeth y DU

Pum rheswm da dros fynd ar-lein

Mae'n debygol eich bod yn adnabod rhywun nad ydynt yn mynd ar-lein. Nid yw dros draean o boblogaeth y DU yn defnyddio'r rhyngrwyd - sy'n golygu bod miliynau o bobl yn colli cyfle i fanteisio ar y buddiannau.

Gall mynd ar-lein hefyd arbed amser, arian a thrafferth. Er enghraifft:

• gall e-bostio fod yn ffordd wych o gadw mewn cysylltiad â theulu a ffrindiau, hyd yn oed os ydynt ochr arall y byd
• gall gwefannau sy'n cymharu prisiau helpu i nodi arbedion ar filiau cartref
• gall bancio ar-lein arbed ciwio ar y stryd fawr
• gall y rhyngrwyd fod yn help mawr pan fyddwch yn dod o hyd i swyddi ac yn gwneud cais amdanynt
• ceir amrywiaeth eang o wybodaeth am sut i helpu myfyrwyr gyda'u gwaith ymchwil, a phlant gyda'u gwaith cartref

Rhowch gynnig ar y rhyngrwyd mewn canolfan ar-lein y DU

Mae canolfannau ar-lein y DU yn llefydd gwych i ddechreuwyr ddechrau defnyddio'r cyfrifiadur a'r rhyngrwyd. Ceir dros 6,000 o ganolfannau ledled Lloegr - a chanddynt staff sy'n barod i gynnig help a chyngor. Dechreuodd llawer ohonynt fel ymwelwyr â chanolfannau ar-lein y DU - felly maent yn deall pryderon dechreuwyr.

Os ydych chi'n adnabod rhywun a allai fanteisio ar help i ddechrau arni ar-lein, dywedwch wrthynt am gysylltu â'u canolfan ar-lein y DU agosaf.

Gallant gael gwybod lle mae hi drwy ffonio 0800 77 1234 am ddim - neu gallwch ddilyn y ddolen isod i weld hyn.

• Dod o hyd i ganolfan yn eich ardal chi ar wefan UK online Opens new window

Cael hyder ar-lein gyda myguide

Mae myguide yn gyfrwng dysgu sydd wedi’i greu yn arbennig ar gyfer pobl y mae’r rhyngrwyd yn newydd iddynt. Gellir ei ddefnyddio mewn canolfan ar-lein y DU, neu gartref.

mae myguide yn cynnwys:

• tiwtorial ar bethau sylfaenol sut i ddefnyddio allweddell a llygoden y cyfrifiadur
• dull syml o chwilio ar-lein
• cyfeiriad e-bost am ddim, hawdd ei ddefnyddio
• canllaw cam wrth gam syml 30 munud i ddiogelwch ar y rhyngrwyd - yn rhoi gwybodaeth am sut i ddiogelu eich hun yn erbyn firysau, spam a thwyll ar-lein

• myguide Opens new window

Ydych chi eisoes wedi meistroli'r pethau sylfaenol? Gloywi'ch sgiliau

Os hoffech ddatblygu eich sgiliau cyfrifiadurol mae cyrsiau ar gyfer dechreuwyr ac uwch, yn amrywio o ddysgu ar-lein am ddim i hyfforddiant sy'n arwain at gymhwyster.

Gallai eich canolfan ar-lein y Du agosaf fod yn lle delfrydol i wella eich gwybodaeth. Mae digon o gyngor arbenigol ar gael bob amser, p'un a ydych yn gobeithio dysgu sut i ddefnyddio camera digidol neu gael help i ddechrau ar gwrs byr, anffurfiol.

Gallwch chwilio ar y we am gyrsiau eraill ac am golegau lleol, neu gallwch drefnu i gynghorwr dysgu eich ffonio'n ôl gyda gwybodaeth.

• Gwella eich sgiliau cyfrifiadurol (adran addysg a dysgu)
• Dod o hyd i gwrs yn eich ardal chi (adran ei wneud ar y we)
• Trefnu i gael galwad yn ôl am ddim gan gynghorydd dysgu Opens new window

Gwneud eich bywyd teulu'n haws ar-lein

Gall mynd ar-lein fod yn fanteisiol i rieni yn arbennig. Gall gwybod eich ffordd o amgylch y rhyngrwyd eich helpu i oruchwylio'r hyn y mae eich plentyn yn ei wneud tra mae'n defnyddio'r cyfrifiadur, neu awgrymu ffynonellau gwybodaeth ar gyfer eu gwaith cartref.

Mae digon o wybodaeth ddefnyddiol ar y rhyngrwyd hefyd. Ar Directgov, er enghraifft, gallwch gael gwybodaeth am ofal plant ac ysgolion yn eich ardal, gwneud cais am le mewn ysgol a gweld dyddiadau tymhorau.

• Dewis ysgol (adran rhieni)
• Cael gwybod beth yw dyddiadau tymhorau ysgolion (adran rhieni)
• Helpu eich plentyn i ddysgu (adran rhieni)

Mwy o ddolenni defnyddiol

• Bod yn ddiogel ar-lein
• Aros yn ddiogel ar-lein (adran pobl ifanc)
• Hyfforddiant ar ddefnyddio'r we a chyfrifiaduron i bobl dros 50
• Technoleg hwylus (adran pobl anabl)