Gwefan llywodraeth y DU

Dyfarniadau Uwch Estynedig: beth ydyn nhw

Mae Dyfarniadau Uwch Estynedig yn gofyn i chi ddefnyddio'r wybodaeth a gawsoch yn ystod eich astudiaethau Safon Uwch, a'i defnyddio'n ehangach ac yn fwy beirniadol nag yn yr arholiad Safon Uwch.

Oherwydd bod DUEau wedi'u cynllunio ar gyfer y 10 y cant uchaf o ddisgyblion, maent hefyd yn galluogi prifysgolion i wahaniaethu rhwng yr ymgeiswyr mwyaf galluog, yn enwedig mewn pynciau lle bydd nifer o ddisgyblion yn cael graddau A.

Mae'r DUE ar lefel 3 y Fframwaith Cymwysterau Cenedlaethol. Mae'r fframwaith yn dangos sut mae'r gwahanol fathau o gymwysterau'n cymharu o ran y gofynion a roddir ar ddysgwyr.

• Cymwysterau: beth yw ystyr y gwahanol lefelau

Pwy all eu gwneud

Fel arfer, disgyblion sy'n astudio Safon Uwch sy'n gwneud DUEau, felly does dim angen mynychu dosbarthiadau ychwanegol na dysgu pynciau newydd. Fodd bynnag, mae'n bosib gwneud y DUE heb y cwrs Safon Uwch ei hun.

• Safon UG a Safon Uwch

Pynciau sydd ar gael

Mae'r DUEau ar gael mewn 19 pwnc. Yn y rhan fwyaf o achosion, argymhellir eich bod yn astudio (neu wedi gorffen astudio) cwrs Safon Uwch yn yr un pwnc.

• Pynciau Dyfarniadau Uwch Estynedig Opens new window

Sut cewch chi eich asesu

Byddwch yn sefyll arholiad ysgrifenedig a asesir gan arholwyr allanol.

Bydd disgwyl i chi ddangos eich bod yn gallu:

• Tariff UCAS Opens new window

Pryd y byddwch yn eu sefyll

Mae'r rhan fwyaf o fyfyrwyr yn sefyll DUEau tua'r un adeg ag y maent yn sefyll arholiadau Safon Uwch, sef diwedd mis Gorffennaf fel arfer. Cyhoeddir y canlyniadau ar yr un diwrnod â chanlyniadau Safon Uwch.

Os ydych am wella eich perfformiad yn y DUE, gallwch gofrestru i wneud y cymhwyster eto yr haf canlynol.

Ble gallant eich arwain

Bydd nifer o bobl sy'n sefyll DUE yn mynd ymlaen i addysg uwch, i astudio ar gyfer gradd er enghraifft. Fodd bynnag, gall y sgiliau a ddysgwch fod yn ddefnyddiol yn y gweithle hefyd.

I gael mwy o wybodaeth a chyngor am barhau â'ch astudiaethau, gweler yr adran 'Prifysgolion ac addysg uwch'.

• Prifysgol ac addysg uwch

Cymorth a chyngor

Os oes gennych ddiddordeb mewn sefyll DUE, siaradwch â'ch athro i gael mwy o wybodaeth.

• Cysylltu â Connexions Direct

Cyngor i oedolion sy'n dysgu

Cael cyngor am gymwysterau i oedolion sy'n dysgu gan learndirect advice.

• Cysylltu â learndirect advice