Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Addysg a dysgu
Grant Addysg Uwch a grant ffioedd dysgu
Os ydych chi'n fyfyriwr amser llawn a ddechreuodd ar eich cwrs ym mis Medi 2004 neu ar ôl hynny, ond cyn mis Medi 2006, gallwch fod â'r hawl i dderbyn Grant Addysg Uwch o hyd at £1,000 y flwyddyn - a grant i'ch helpu â'ch ffioedd dysgu hefyd.
Ydych chi'n gymwys ar gyfer Grant Addysg Uwch a Grant Ffioedd Dysgu?
Os dechreuoch ar eich cwrs ym mis Medi 2004 neu ar ôl hynny, ond cyn mis Medi 2006, efallai y gallwch gael cymorth ariannol drwy'r Grant Addysg Uwch a'r grant ffioedd dysgu.
Mae'r grantiau hyn hefyd ar gael i rai myfyrwyr a ddechreuodd yn fwy diweddar na hyn – er enghraifft, efallai y gallwch eu cael os dechreuoch yn 2006/2007 ar ôl cymryd blwyddyn fwlch.
Does dim rhaid i chi eu talu'n ôl. Os ydych yn gymwys, byddwch yn parhau i fod yn gymwys am y math hwn o gymorth ariannol drwy gydol eich cwrs.
Ydych chi'n gymwys?
Grant Addysg Uwch
Mae'r Grant Addysg Uwch ar gael i helpu â chostau llety a chostau byw eraill. Mae ar gael i fyfyrwyr addysg uwch amser llawn o gartrefi ar incwm is.
Grant ffioedd dysgu
Arian a delir gan y llywodraeth i'ch prifysgol neu'ch coleg yw'r grant ffioedd dysgu i helpu i dalu am gostau eich ffioedd dysgu. Gallai dalu'r cyfan neu ran o gyfraniad eich ffioedd dysgu, gan ddibynnu ar eich incwm ac ar incwm eich cartref.
Grant Addysg Uwch: faint o arian y gallwch chi ei gael?
Bydd y swm y gallwch ei gael yn dibynnu ar incwm eich cartref. Ar gyfer 2008/2009 a 2007/2008, £1,000 yw uchafswm y Grant Addysg Uwch.
Grant Addysg Uwch 2008/2009
| Incwm eich cartref | Faint o Grant Addysg Uwch gewch chi |
|---|---|
|
£16,750 neu lai |
Grant llawn (£1,000) |
|
£16,751-£22,735 |
Grant rhannol (o leiaf £50) |
|
Yn £22,736 neu fwy |
Dim grant |
Grant Addysg Uwch 2007/2008
|
Incwm eich cartref |
Faint o Grant Addysg Uwch gewch chi |
|---|---|
|
£16,340 neu lai |
Grant llawn (£1,000) |
|
£16,341-£22,325 |
Grant rhannol (o leiaf £50) |
|
Yn £22,326 neu fwy |
Dim grant |
Y grant ffioedd dysgu: faint o arian y gallwch chi ei gael?
Yn dibynnu ar eich incwm, gallai'r grant ffioedd dysgu dalu am rywfaint o gyfraniad eich ffioedd dysgu neu'r cyfan ohonynt. Yr uchafsymiau yw:
- 2008/2009: £1,255 y flwyddyn
- 2007/2008: £1,225 y flwyddyn
Os byddwch yn cael uchafswm y grant ffioedd dysgu, ni fydd angen i chi dalu dim o'ch ffioedd dysgu. Os nad ydych yn cael uchafswm y grant, gallwch godi Benthyciad Myfyrwyr ar gyfer Ffioedd i dalu am y gwahaniaeth.
Bydd myfyrwyr sengl, annibynnol, yn cael y grant ffioedd dysgu llawn os yw eu hincwm yn llai na £11,020 ar gyfer 2008/2009, neu lai na £10,750 ar gyfer 2007/2008..
Mae'r uchafswm y bydd yn rhaid i chi ei gyfrannu tuag at eich ffioedd dysgu yn cynrychioli tua chwarter gwir gost cwrs addysg uwch cyffredin. Telir gweddill y gost yn awtomatig gan y llywodraeth.,
Sut mae'r help hwn yn cael ei dalu?
Telir y grant ffioedd dysgu yn syth i'ch coleg neu'ch prifysgol gan Student Finance Direct.
Telir y Grant Addysg Uwch i chi gan Student Finance Direct ar ddechrau pob tymor - fel arfer yn syth i'ch cyfrif banc.
Yr effaith ar fathau eraill o gymorth ariannol
Ni fydd unrhyw arian a gewch drwy'r Grant Addysg Uwch neu'r grant ffioedd dysgu yn cael ei ystyried yn incwm wrth gyfrifo'ch hawl i fudd-daliadau neu gredydau treth.
Mynd yn ôl i brif dudalen ‘Cyllid myfyrwyr ar ôl eich blwyddyn gyntaf: wedi dechrau cyn mis Medi 2006?’
Additional links
Gwasanaethau ar-lein cyllid myfyrwyr
Ddim yn byw yn Lloegr?
Cysylltiadau defnyddiol
Dogfennau i'w llwytho oddi ar y we a chwestiynau poblogaidd
Allweddumynediad llywodraeth y DU
