Gwefan llywodraeth y DU

Cymorth i fyfyrwyr amser llawn

Mae'r dudalen hon yn amlinellu'r prif ffynonellau cymorth sydd ar gael i fyfyrwyr amser llawn o Loegr sy'n gymwys amdanynt. Dyma nhw:

• Benthyciad Myfyrwyr ar gyfer Cynhaliaeth
• Grant Addysg Uwch a grant ffioedd dysgu
• Benthyciad Myfyrwyr ar gyfer Ffioedd Dysgu

Bydd angen i chi wneud cais ar wahân am bob blwyddyn y byddwch yn astudio.

Ni fydd yn rhaid i chi dalu eich benthyciad myfyrwyr yn ôl nes y byddwch wedi gorffen eich cwrs ac yn ennill £15,000 neu fwy y flwyddyn. Nid oes yn rhaid talu bwrsarïau yn ôl o gwbl.

Mae'r dudalen hon yn amlinellu beth sydd ar gael os dechreuodd eich cwrs cyn mis Medi 2006, neu fel arall byddwch yn gymwys dan reolau cyllid myfyrwyr 2005/2006. Os nad ydych yn siŵr, edrychwch ar yr adran isod o'r enw 'Ydy'r wybodaeth ar y dudalen hon yn berthnasol i chi?'.

Benthyciad Myfyrwyr ar gyfer Cynhaliaeth

Mae'r swm y gallwch ei dderbyn yn dibynnu ar incwm eich cartref, ble rydych yn astudio, a ydych yn byw gartref ac a ydych yn eich blwyddyn olaf.

Yr uchafswm ar gyfer 2008/09 yw £6,475. Ar gyfer 2007/2008, £6,315 fydd y ffigur. Gallwch gael 75 y cant o'r uchafswm waeth beth yw incwm eich cartref - gall myfyrwyr o gartrefi sydd ar incwm isel wneud cais am y 25 y cant sy'n weddill.

Gweler 'Benthyciadau Myfyrwyr' i gael gwybod mwy.

• Benthyciadau Myfyrwyr

Benthyciad Myfyrwyr ar gyfer Ffioedd Dysgu

Gall bob myfyriwr addysg uwch amser llawn gael Benthyciad Myfyrwyr ar gyfer Ffioedd Dysgu i dalu unrhyw ffioedd dysgu nad yw'r Grant ffioedd dysgu yn talu amdanynt.

• Benthyciadau Myfyrwyr

Cymorth ariannol ychwanegol

Mae cymorth ychwanegol ar gael i grwpiau penodol o fyfyrwyr ar ben y pecyn cyllid myfyrwyr sylfaenol. Efallai eich bod eisoes wedi bod yn cael hwn - neu efallai fod eich amgylchiadau wedi newid a'ch bod yn gymwys i gael cymorth ychwanegol erbyn hyn.

Mae cymorth ar gael ar gyfer:

• myfyrwyr sydd ag anableddau, cyflyrau iechyd meddwl neu anawsterau dysgu penodol (megis dyslecsia)
• myfyrwyr sydd â phlant (yn enwedig rhieni unigol)
• myfyrwyr sydd ag oedolion yn ddibynnol arnynt
• myfyrwyr sydd â phroblemau ariannol (gan eich prifysgol neu'ch coleg, drwy'r Gronfa Mynediad at Ddysgu)

Dilynwch y dolenni isod i gael gwybod mwy.

• Myfyrwyr anabl - cymorth ariannol ychwanegol (adran pobl anabl)
• Cymorth ychwanegol i fyfyrwyr â phlant
• Grant Oedolion Dibynnol
• Y Gronfa Mynediad at Ddysgu: cymorth ychwanegol os bydd ei angen arnoch

Os bydd eich amgylchiadau'n newid

Os bydd eich amgylchiadau'n newid, mae'n bwysig i chi ddweud wrth eich awdurdod lleol mor fuan â phosib. Os na wnewch chi, gallai hyn effeithio ar faint o help y mae hawl gennych i'w gael, neu gallai arwain at oedi gyda'ch taliadau.

Am fwy o wybodaeth, gweler 'Os bydd eich amgylchiadau'n newid'.

• Cysylltu â'ch awdurdod lleol (ceisiadau am gyllid myfyrwyr) (yn agor ffenestr newydd)
• Os bydd eich amgylchiadau'n newid tra'ch bod yn astudio

Sut i wneud cais

Gallwch wneud cais hyd yn oed os na wnaethoch gais am gyllid myfyrwyr yn gynharach yn ystod eich cwrs.

Os ydych eisoes wedi gwneud cais, os nad yw'ch amgylchiadau wedi newid, ni fydd rhaid i chi gyflwyno tystiolaeth eto.

• Gwneud cais am gyllid myfyrwyr - ar ôl eich blwyddyn gyntaf

Ydy'r wybodaeth ar y dudalen hon yn berthnasol i chi?

Canllaw yw'r dudalen hon i'r cymorth ariannol sydd ar gael os dechreuodd eich cwrs cyn mis Medi 2006, neu os ydych fel arall yn gymwys dan reolau cyllid myfyrwyr 2005/2006.

Mae'n bosib eich bod yn gymwys dan y rheolau ar gyfer 2005/2006 os yw'r canlynol yn wir:

• cymeroch chi flwyddyn fwlch cyn dechrau ar gwrs yn 2006/2007, neu
• dechreuodd eich cwrs cyn mis Medi 2006, ac yna gwnaethoch drosglwyddo i gwrs gwahanol

Os nad ydych chi'n siŵr pa reolau sy'n berthnasol i chi, dilynwch y ddolen isod i gael gwybod.

• Myfyrwyr amser llawn: gweld pa becyn cyllid myfyrwyr sydd ar gael i chi

Ddim yn fyfyriwr amser llawn o Loegr?

Bydd y cymorth ariannol ar gael i chi yn wahanol os nad ydych chi'n dod o Loegr neu os ydych chi'n dilyn cwrs rhan-amser.

• Cyllid myfyrwyr: byw y tu allan i Loegr
• Cyllid ar gyfer myfyrwyr rhan-amser