Gwefan llywodraeth y DU

Sut i wneud cais am gyllid ar ôl eich blwyddyn gyntaf

Rhaid i chi gyflwyno cais ar wahân am gyllid myfyrwyr am bob blwyddyn y byddwch mewn addysg uwch.

Bydd Student Finance Direct yn anfon gwybodaeth atoch am sut i wneud cais ar gyfer y flwyddyn academaidd newydd yn awtomatig, felly sicrhewch eich bod yn diweddaru'ch manylion cyswllt.

Os na fyddwch yn cael eich gwaith papur, cysylltwch â Student Finance Direct a gofynnwch iddynt anfon ffurflen newydd atoch.

Mae’n well gwneud cais mor gynted â phosib – ond gallwch wneud cais i fyny at naw mis o ddiwrnod cyntaf y flwyddyn academaidd.

Yn wahanol i'r tro cyntaf y gwnaethoch eich cais, ni fydd rhaid i chi anfon mwy o dystiolaeth ddogfennol, oni bai bod eich amgylchiadau wedi newid - er enghraifft, bod incwm eich cartref neu'ch statws priodasol wedi newid.

• Cysylltu â Student Finance Direct

Myfyrwyr amser llawn: gwneud cais am gyllid myfyrwyr

Ceisiadau ar-lein

Gall myfyrwyr amser llawn arbed amser drwy wneud cais am fenthyciad myfyrwyr ar-lein. Bydd yr holl wybodaeth berthnasol o’ch cais blaenorol ar gael ar-lein, hyd yn oed os mai ar bapur y gwnaethoch eich cais blaenorol.

Gallwch gwneud cais ar-lein am gyllid am y flwyddyn academaidd 2007/2008 yn bresennol.

• Gwneud cais am fenthyciadau a grantiau myfyrwyr

Ceisiadau ar bapur

Gallwch hefyd lwytho ffurflen cais PR1 i gwblhau ar bapur. Am rai mathau o gefnogaeth ychwanegol, bydd angen i chi gwblhau ffurflen arall ar bapur.

Mae ffurflenni ar gael nawr am y blynyddoedd academaidd 2007/2008 a 2006/2007 – dilynwch y ddolen isod.

• Download Llwytho ffurflen gais am fyfyrwyr parhaus (2007/2008) (PR1) (PDF, 1454K)
• Ffurflenni a chanllawiau benthyciadau myfyrwyr 2007/2008

Myfyrwyr rhan amser

Os ydych chi'n astudio'n rhan amser, bydd angen i chi wneud cais am gymorth ariannol bob blwyddyn o'ch cwrs.

I wneud hyn, llenwch y ffurflen gais ar gyfer cyllid myfyrwyr rhan-amser (PTG1) a mynd â hi i'ch prifysgol neu'ch coleg pan fyddwch chi'n dechrau eich cwrs. Bydd y ffurflen gais ar gyfer cyllid myfyrwyr rhan-amser (PTG1) am y flwyddyn academaidd 2007/2008 ar gael yn Awst.

Bydd swyddfa weinyddol y coleg yn llenwi gweddill y ffurflen. Dylech wedyn ei hanfon at eich awdurdod lleol.

• Download ffurflen gais am fyfyrwyr rhan-amser (PTG1) (2007/2008) (PDF, 1253K)
• Download nodiadau canllaw am fyfyrwyr rhan-amser (nodiadau PTG1) (2007/2008) (PDF, 1253K)
• Cysylltu â’ch awdurdod lleol (ceisiadau am gyllid myfyrwyr) (yn agor ffenestr newydd)

Os bydd eich amgylchiadau'n newid tra'ch bod yn astudio

Gall newid i'ch amgylchiadau tra'ch bod yn astudio effeithio ar faint o gymorth ariannol y gallwch ei gael.

Rhaid i chi roi gwybod i'ch awdurdod lleol cyn gynted â phosib:

• os bydd eich statws priodasol neu'ch statws ariannol yn newid
• os byddwch yn newid eich cwrs neu'ch sefydliad
• os byddwch yn ail-wneud neu ohirio blwyddyn o'ch cwrs
• os byddwch yn gadael eich cwrs yn gynnar

Am fwy o wybodaeth, gweler 'Os bydd eich amgylchiadau'n newid tra'ch bod yn astudio'.

• Os bydd eich amgylchiadau'n newid tra'ch bod yn astudio

Beth fydd yn digwydd i'ch cais

Unwaith y byddwch wedi cyflwyno'ch cais, bydd yn dilyn yr un math o broses a'ch cais gwreiddiol am gymorth ariannol, er y bydd fel arfer yn symlach gan i chi fod drwy'r broses o'r blaen.

• Beth fydd yn digwydd i'ch cais am gyllid myfyrwyr - ar ôl eich blwyddyn gyntaf o astudio