Gwefan llywodraeth y DU

Dilyn hynt eich cais

Mae chwe cham i'ch cais am gyllid myfyrwyr, fel a ddisgrifir isod.

Ar ôl i chi gofrestru am gyllid myfyrwyr ar-lein, gallwch fynd i mewn i'ch cyfrif unrhyw bryd a dilyn hynt eich cais ar-lein.

Cam un: cyflwyno'ch cais

Rhaid i chi gyflwyno cais am gyllid myfyrwyr ar gyfer pob blwyddyn yr ydych chi mewn addysg uwch.

Dylech sicrhau eich bod yn nodi ar eich ffurflen gais ar-lein neu ar y ffurflen PR1 os yw eich amgylchiadau wedi newid - er enghraifft, newidiadau yn incwm eich aelwyd neu'n eich statws priodasol. Os yw eich amgylchiadau wedi newid, efallai y bydd angen i chi gyflwyno tystiolaeth ddogfennol i ategu hynny.

I gael gwybod sut i lenwi eich cais, gweler 'Gwneud cais am gyllid myfyrwyr - ar ôl eich blwyddyn gyntaf'.

• Os bydd eich amgylchiadau'n newid tra'ch bod yn astudio
• Gwneud cais am gyllid myfyrwyr - ar ôl eich blwyddyn gyntaf

Cam dau: mae eich rhiant, partner neu briod yn cefnogi'ch cais

Os ydych yn derbyn cymorth ariannol gan riant, priod neu bartner, rhaid iddyn nhw gadarnhau a yw eu hincwm neu eu hamgylchiadau wedi newid ers i chi gyflwyno'ch cais diwethaf - os ydynt, efallai y bydd angen iddyn nhw gyflwyno tystiolaeth i'ch awdurdod lleol.

Caiff hyn ei egluro pan fyddan nhw'n llenwi eu rhan hwy o'r cais ar-lein neu ar gopi caled.

• Rôl rhieni, gwwr, gwragedd a phartneriaid

Cam tri: mae eich awdurdod lleol yn asesu'ch cais

Bydd eich awdurdod lleol yn adolygu'r wybodaeth a roesoch chi ac eraill, ac yn penderfynu ar y swm o fenthyciadau myfyrwyr a chymorth ariannol arall y mae gennych hawl iddynt.

Pan fydd eich awdurdod lleol wedi dod i benderfyniad am eich hawl i dderbyn cymorth ariannol, byddan nhw'n anfon y wybodaeth hon at Student Finance Direct.

Byddan nhw hefyd yn anfon llythyr Asesiad Ariannol atoch sy'n cynnwys y wybodaeth hon.

• Cysylltu â'ch awdurdod lleol (ceisiadau am gyllid myfyrwyr) Opens new window

Cam pedwar: cadarnhau'ch cymorth a pharatoi i'w dalu

Bydd Student Finance Direct yn anfon Llythyr yn nodi'r Amserlen Talu i gadarnhau'r symiau arian a delir i chi a phryd.

Mae'r dyddiadau talu hyn yn dibynnu arnoch chi'n cofrestru ar eich cwrs mewn pryd, a sicrhau bod gan Student Finance Direct fanylion diweddaraf eich cyfrif banc.

Os ydych wedi newid eich manylion banc ond nid ydych wedi hysbysu Student Finance Direct, mae'n bosib y bydd yr arian yr ydych yn dibynnu arno yn cael ei dalu i'r cyfrif banc anghywir, gan olygu oedi cyn y byddwch chi'n derbyn yr arian.

Os ydych chi wedi cyflwyno'r holl wybodaeth angenrheidiol gyda'ch cais, gallwch ddisgwyl clywed am eich hawl i gael cymorth rhwng chwech ac wyth wythnos ar ôl i chi ei gyflwyno.

• Cysylltu â Student Finance Direct

Cam pump: cofrestru ar eich cwrs

Pan fyddwch chi'n cofrestru ar eich cwrs, dylech fynd â'r canlynol gyda chi:

Bydd eich man astudio yn anfon neges at Student Finance Direct ar yr un diwrnod yn cadarnhau eich presenoldeb.

Cam chwech: talu eich cymorth ariannol

Cyn gynted ag y bydd Student Finance Direct yn derbyn cadarnhâd eich bod wedi cofrestru, caiff y taliad ei ryddhau'n awtomatig.

Fel arfer, caiff y taliad ei glirio yn eich cyfrif banc o fewn tri i bum niwrnod gwaith.

• Cael gwybod pryd byddwch yn cael eich taliadau cyllid myfyrwyr