Gwefan llywodraeth y DU

Gweld a yw'ch cwrs yn gymwys

Gallwch wneud cais am gyllid myfyrwyr os yw eich cwrs yn gwrs amser llawn (gan gynnwys cyrsiau rhyngosod) neu'n gwrs rhan-amser. Ond mae'r cymorth sydd ar gael yn wahanol i fyfyrwyr rhan-amser a myfyrwyr amser llawn, ac mae'r cymorth ar gyfer cyrsiau dysgu o bell amser llawn yn wahanol eto.
 
Mae'r rheolau sy'n ymwneud â chymhwysedd yn gymhleth. Ond yn gyffredinol, i fod yn gymwys i gael cyllid fel myfyriwr amser llawn, dylai'ch cwrs arwain at un o'r cymwysterau canlynol:

• gradd gyntaf megis Baglor yn y Celfyddydau, yn y Gwyddorau neu mewn Addysg
• Gradd Sylfaen
• Tystysgrif Addysg Uwch
• Diploma Addysg Uwch
• Tystysgrif Genedlaethol Uwch
• Diploma Genedlaethol Uwch
  

Byddwch hefyd yn gymwys fel arfer os yw'ch cwrs yn un:

• Hyfforddiant Cychwynnol i Athrawon, neu
• sy'n rhoi hyfforddiant pellach i weithwyr ieuenctid a chymuned
  

Dylai cyrsiau rhan-amser bara am flwyddyn o leiaf, ac ni ddylent gymryd mwy na dwywaith yn hirach i'w cwblhau na chwrs amser llawn cyfatebol.

Nid yw cyrsiau addysg bellach a chyrsiau ôl-radd yn gymwys ar gyfer y pecyn cyllid myfyrwyr sylfaenol - ar wahân i gyrsiau ôl-radd mewn Hyfforddiant Cychwynnol Athrawon.

Ydy eich cwrs neu'ch coleg yn gymwys?

Fel arfer, gallwch hawlio cyllid myfyrwyr os bydd eich cwrs yn cael ei gynnal:

• mewn sefydliad sy'n dyrannu graddau yn y DU
• mewn coleg sy'n cael nawdd gan y llywodraeth ac sy'n darparu cyrsiau sy'n arwain at gymhwyster gradd
• mewn sefydliad preifat sy'n cynnig cyrsiau addysg uwch wedi'u dynodi'n benodol (gofynnwch i'ch prifysgol neu'ch coleg a yw'n gymwys)
• mewn grŵp o ysgolion sy'n cymryd rhan yn y cynllun Hyfforddiant Cychwynnol Athrawon Mewn Ysgol (SCITT)

Gweld a ydych chi'n gymwys

• Cyllid myfyrwyr: cymhwysedd personol

Mynd yn ôl i ‘Ydych chi'n gymwys i gael cyllid myfyrwyr?’

• Ydych chi'n gymwys i gael cyllid myfyrwyr?