Gwefan llywodraeth y DU

Arian ar gyfer cyrsiau Hyfforddiant Cychwynnol Athrawon ôl-radd

Gall graddedigion gymhwyso fel athrawon drwy ddilyn y llwybrau canlynol:

• astudio ar sail amser llawn neu ran-amser ar gyfer Tystysgrif Addysg i Raddedigion (TAR) neu Dystysgrif Addysg Proffesiynol
• dilyn cwrs Hyfforddiant Cychwynnol Athrawon Mewn Ysgol (SCITT) (bydd y cyrsiau hyn yn aml yn arwain at gymhwyster TAR)

Yn wahanol i fyfyrwyr ôl-raddedig eraill, gall myfyrwyr sy'n dilyn cwrs Hyfforddiant Cychwynnol Athrawon ôl-radd wneud cais am becyn cyllid myfyrwyr safonol, sef y grantiau a'r Benthyciadau Myfyrwyr sydd fel arfer ond ar gael i fyfyrwyr amser llawn sy'n dilyn eu cwrs addysg uwch cyntaf.

Yn ogystal â hyn, mae cymorth ychwanegol ar gael i fyfyrwyr Hyfforddiant Cychwynnol Athrawon ôl-raddedig.

• Hyfforddiant Cychwynnol Athrawon: Grantiau, bwrsarïau a Benthyciadau Myfyrwyr

Bwrsarïau hyfforddi i athrawon ôl-radd dan hyfforddiant

Gall myfyrwyr ôl-radd wneud cais am fwrsari hyfforddi gan yr Asiantaeth Hyfforddi a Datblygu ar gyfer Ysgolion (TDA).

Mae bwrsarïau hyfforddi'n amrywio o £4,000 (£100 yr wythnos) i £9,000 (£225 yr wythnos), yn dibynnu ar y pwnc y byddwch yn cael eich hyfforddi i'w addysgu a phryd y byddwch yn dechrau ar eich cwrs. Mae bwrsari ychwanegol ar gael i fyfyrwyr sy'n hyfforddi i addysgu mathemateg, ffiseg neu gemeg mewn ysgol uwchradd drwy'r Tystysgrif Addysg i Raddedigion estynedig newydd.

Mae bwrsarïau hyfforddi'n ddi-dreth i fyfyrwyr amser llawn. Os ydych chi'n fyfyriwr rhan-amser, efallai y bydd yn drethadwy - mae hyn yn dibynnu ar eich incwm.

• Cael gwybod mwy am gyrsiau Tystysgrif Addysg i Raddedigion a chyrsiau Tystysgrif Addysg i Raddedigion estynedig Opens new window

Gwneud cais am fwrsari hyfforddi'r TDA

Caiff bwrsari hyfforddi'r TDA ei weinyddu gan eich darparwr hyfforddiant (eich prifysgol, eich coleg neu ddarparwr Hyfforddiant Cychwynnol Athrawon Mewn Ysgol) ar ran y TDA. Byddwch fel arfer yn gwneud cais am y bwrsari fel rhan o'r broses gynefino ar gyfer eich cwrs, ond os oes gennych unrhyw gwestiynau ynghylch a ydych yn gymwys ai peidio, gallwch gysylltu â'r llinell gwybodaeth am addysgu ar 08450 6000 991 - neu holi'ch darparwr hyfforddiant.

Dilynwch y ddolen isod i gael gwybod mwy am fwrsari hyfforddi'r Asiantaeth Hyfforddi a Datblygu.

• Cyllid ar gyfer Hyfforddiant Cychwynnol Athrawon yn Lloegr: mwy am fwrsari hyfforddi'r TDA Opens new window

‘Taliadau croeso’ – bonws trethadwy a delir unwaith i ôl-raddedigion

Efallai y bydd gan fyfyrwyr ôl-raddedig sydd wedi eu hyfforddi i addysgu rhai pynciau ar lefel uwchradd hawl i fonws trethadwy a roddir unwaith yn unig a elwir yn 'daliad croeso', ar ôl iddynt gwblhau'u blwyddyn sefydlu.

Mae taliadau croeso ar gael i athrawon sydd newydd gymhwyso sy'n derbyn swydd mewn ysgol a gynhelir neu ysgol arbennig nas cynhelir yn Lloegr ar ôl cael eu hyfforddi i addysgu un o'r pynciau blaenoriaeth mewn ysgol uwchradd. Dyma'r pynciau:

• mathemateg
• gwyddoniaeth
• technoleg gwybodaeth a chyfathrebu
• peirianneg a gweithgynhyrchu
• dylunio a thechnoleg
• ieithoedd tramor modern
• addysg grefyddol
• cerddoriaeth

Mae mathemateg a gwyddoniaeth yn denu £5,000, a'r holl bynciau blaenoriaeth eraill yn denu £2,500.

• Mwy am daliadau croeso Opens new window

Mynd yn ôl i brif dudalen ‘Cyllid ar gyfer Hyfforddiant Cychwynnol Athrawon’

• Cyllid ar gyfer Hyfforddiant Cychwynnol Athrawon