Gwefan llywodraeth y DU

Cymhwysedd ar gyfer cymorth ariannol

Cyn i chi wneud cais am gyllid myfyrwyr, rhaid i chi weld a ydych chi a'ch cwrs yn gymwys. Gall y rheolau ar gymhwysedd fod yn gymhleth, ac nid yw'r wybodaeth ar y dudalen hon yn ymdrin â phob amgylchiadau.

Ond mae'n cynnig canllaw cyffredinol i'ch cymhwysedd ar gyfer cyllid myfyrwyr os ydych chi:

• yn dilyn cwrs addysg uwch – fel gradd gyntaf neu 'israddedig' – neu gwrs Hyfforddiant Cychwynnol Athrawon ôl-radd
• yn byw yn Lloegr fel arfer, ac
• yn astudio yn unrhyw le yn y DU

Os nad yw hyn yn berthnasol i chi, ceir rheolau gwahanol o ran cymhwysedd – gweler 'Beth os nad yw'r rheolau cymhwysedd hyn yn berthnasol i chi?' isod.

Gweld a ydych chi'n gymwys

I fod yn gymwys i dderbyn pecyn cyllid myfyrwyr safonol y llywodraeth, rhaid i chi fodloni rhai amodau penodol – yn seiliedig ar lle'r ydych yn byw, y math o gwrs yr ydych yn ei wneud, a nifer o ffactorau eraill.

Mae dau gam i gadarnhau eich bod yn gymwys i dderbyn cyllid myfyrwyr. Bydd angen i chi sicrhau:

• eich bod chi eich hun yn gymwys
• bod eich cwrs a'r man yr ydych yn astudio ynddo yn gymwys

• Cyllid myfyrwyr: cymhwysedd personol

Cam dau: sicrhau bod eich cwrs a'r man yr ydych yn astudio ynddo yn gymwys

• Cyllid myfyrwyr: cymhwysedd y cwrs a'r sefydliad

Os oes arnoch angen mwy o gymorth neu gyngor am gwestiynau manwl am gymhwysedd, ffoniwch y Llinell Gymorth Myfyrwyr ar 0845 602 0583.

Beth os nad yw'r rheolau hyn am gymhwysedd yn berthnasol i chi?

Mae rheolau gwahanol yn berthnasol os yw unrhyw un o'r canlynol yn wir:

• rydych chi'n byw y tu allan i Loegr fel arfer
• rydych chi'n dilyn eich cwrs y tu allan i'r DU
• rydych chi'n dilyn cwrs ôl-radd (ac eithrio cwrs Hyfforddi Athrawon Cychwynnol)

Os byddwch yn dod o dan un o'r grwpiau hyn, dilynwch y ddolen berthnasol isod.

• Cyllid myfyrwyr: ddim yn byw yn Lloegr?
• Astudio dramor (adran Prydeinwyr sy'n byw dramor)
• Ariannu eich cwrs ôl-radd