Gwefan llywodraeth y DU

Rôl rhieni, partneriaid, gwŷr a gwragedd

Pan fydd myfyriwr/wraig yn gwneud cais am gymorth ariannol, bydd yr awdurdodau lleol yn penderfynu faint o fenthyciadau myfyrwyr a grantiau a ganiateir iddynt trwy edrych ar eu hincwm, ac incwm eu cartref.

Golyga hyn y bydd gofyn i rieni, partneriaid a gwŷr/gwragedd myfyrwyr gefnogi ceisiadau myfyrwyr am gymorth ariannol trwy ddarparu eu manylion ariannol.

I gael gwybod mwy am rôl a rhwymedigaethau rhieni, partneriaid a gwŷr/gwragedd, ac am breifatrwydd gwybodaeth, gweler 'Rôl rhieni, gwŷr, gwragedd a phartneriaid'.

• Rôl rhieni, gwŷr, gwragedd a phartneriaid

Sut i ddarparu gwybodaeth am eich statws ariannol

Os bydd myfyriwr/wraig yn gwneud eu cais am gymorth ariannol trwy ddefnyddio'r ffurflen gais bapur (PN1), bydd adran ar y ffurflen hon y mae'n rhaid i riant, gŵr/gwraig neu bartner (a elwir weithiau'n 'noddwr') y myfyriwr/wraig ei llenwi.

Os bydd y myfyriwr/wraig wedi gwneud eu cais ar-lein, byddwch yn derbyn cyfrineiriau diogelwch, a chewch ddewis gwneud cais ar-lein neu ar bapur.

Gan ddibynnu ar y wybodaeth a ddarparwch, efallai y cewch eich gwahodd i anfon tystiolaeth ddogfennol at eich awdurdod lleol. Os felly, cewch ganllawiau priodol pan fyddwch yn llenwi'r cais.

• Cysylltu â'ch awdurdod lleol (ceisiadau am gyllid myfyrwyr) Opens new window

Darparu'ch manylion ariannol ar-lein

Rhaid bod y myfyriwr wedi llenwi eu rhan nhw o'r cais ar-lein cyn y gallwch chi roi'r manylion ariannol y gofynnir amdanynt.

Os bydd y myfyriwr/wraig yn nodi ar eu cais eich bod yn dymuno darparu'ch manylion ar-lein, rhoddir ID unigryw iddo/iddi (a elwir yn Alias ID) i'w rhoi i chi. Allwch chi ddim rhoi eu gwybodaeth ar-lein heb yr Alias ID.

Er mwyn darparu manylion ariannol ar-lein i gefnogi cais myfyriwr, bydd angen i chi:

Rhoddir Alias ID am bob myfyriwr/wraig yr ydych yn ei g/chefnogi.

I gefnogi cais am gyllid myfyrwyr ar-lein, dilynwch y ddolen isod.

• Cefnogi cais am gyllid myfyrwyr

Sut y cyfrifir incwm y cartref

Cyn i chi gwblhau'ch rhan chi o'r cais, bydd angen i chi wybod a yw'r myfyriwr/wraig yn 'annibynnol' ynteu'n 'ddibynnol'.

I gael rhagor o wybodaeth, ewch i 'Sut mae asesu incwm yn gweithio'.

• Sut mae asesu incwm yn gweithio