Gwefan llywodraeth y DU

A oes gennych gwrs arbennig mewn golwg?

Os ydych chi eisoes yn meddwl am gwrs addysg uwch amser llawn arbennig, edrychwch ar wefan y Gwasanaeth Mynediad i Brifysgolion a Cholegau (UCAS) i weld beth yw'r gofynion.

Mae Prifysgolion a cholegau yn defnyddio system bwyntiau a elwir yn ‘Tariff UCAS’ er mwyn pennu gofynion mynediad. Mae’r tariff yn pennu gwerth ar gyfer amrywiaeth eang o gymwysterau, fel y gall colegau a phrifysgolion gymharu cyflawniadau ymgeiswyr gwahanol.

• Chwilio am gwrs ar wefan UCAS Opens new window
• Cael gwybod mwy am dariff UCAS Opens new window

Cyrsiau rhan amser a Graddau Sylfaen

Ar gyfer cyrsiau rhan amser, edrychwch ar brosbectws y brifysgol neu'r coleg – mae'r rhan fwyaf ar gael ar-lein erbyn hyn. Mae gwefan UCAS hefyd yn rhoi manylion Graddau Sylfaen rhan amser a llawn amser.

• Prosbectws a diwrnodau agored prifysgolion
• Chwilio am gwrs Gradd Sylfaen gydag UCAS Opens new window

Cymwysterau ar gyfer cael lle mewn addysg uwch

Mae prifysgolion a cholegau yn pennu eu gofynion mynediad eu hunain ar gyfer cyrsiau addysg uwch, felly maent yn amrywio’n fawr. Ond gan ddibynnu ar y cwrs, gall myfyrwyr y DU gael lle mewn addysg uwch gydag amrywiaeth o gymwysterau, yn cynnwys:

• Safonau Uwch
• Cymwysterau Galwedigaethol Cenedlaethol (NVQ)
• SVQ (Cymwysterau Galwedigaethol yr Alban)
• Cymwysterau BTEC a Chymwysterau Cenedlaethol OCR
• Cymwysterau Sgiliau Allweddol
• Cymwysterau Diploma Uwch
• Bagloriaeth Ryngwladol
• Cymwysterau arbenigol a phroffesiynol eraill

Efallai y gallwch hefyd gael lle drwy gwblhau cwrs Sylfaen neu gwrs Mynediad.

• Egluro cymwysterau

Os oes gennych gymwysterau galwedigaethol

Mae prosbectysau yn aml yn cyfeirio’n bennaf at safonau uwch pan fyddant yn sôn am ofynion mynediad, ond peidiwch â digalonni os oes gennych gymwysterau galwedigaethol fel NVQ neu BTEC. Gofynnwch i ddarparwr y cwrs am feini prawf mynediad galwedigaethol.

• NVQs
• BTEC, Cymwysterau Cenedlaethol OCR a chymwysterau galwedigaethol eraill

Profiad gwaith

Os ydych chi'n gwneud cais am gwrs Gradd Sylfaen yn enwedig, mae'n bosib y gwelwch chi fod profiad gwaith yn cael ei ystyried ochr yn ochr ag unrhyw gymwysterau sydd gennych.

• Graddau Sylfaen

Os oes gennych eisoes gymhwyster addysg uwch

Os oes gennych Dystysgrif Genedlaethol Uwch (HNC) neu Ddiploma Genedlaethol Uwch (HND) eisoes, mae'n bosib y byddwch chi'n gallu dechrau cwrs gradd gyntaf ar ddechrau'r ail neu ar ddechrau'r drydedd flwyddyn.

Os oes gennych Radd Sylfaen, mae'n bosib y byddwch chi'n gallu dilyn cwrs gradd ar ddechrau'r drydedd flwyddyn neu'r flwyddyn derfynol.

• Tystysgrifau Cenedlaethol Uwch a Diplomâu Cenedlaethol Uwch

Myfyrwyr o’r tu allan i’r DU

Gall myfyrwyr o’r tu allan i’r DU gael lle ar gwrs addysg uwch os oes ganddynt gymwysterau sy’n cyfateb i lefelau A. Gall y rhain gynnwys y Fagloriaeth Rhyngwladol (IB), Bagloriaeth Ewropeaidd (EB) a Thystysgrif Gadael Iwerddon.

Holwch y prifysgolion a’r colegau rydych yn bwriadu gwneud cais i astudio ynddynt ymhell ymlaen llaw bod y cymwysterau sydd gennych yn bodloni eu gofynion mynediad.

• Bagloriaeth Ryngwladol
• Mwy am ofynion mynediad ar gyfer myfyrwyr o’r tu allan i’r DU Opens new window

Cyrsiau Sylfaen a Chyrsiau Mynediad

Os ydych chi'n fyfyriwr 'aeddfed' (sef rhywun sy'n 21 oed neu'n hyn fel arfer), a bod gennych brofiad gwaith ond nad oes gennych gymwysterau traddodiadol ar gyfer cael eich derbyn, gallech ddod o hyd i lwybr arall i fynd i mewn i addysg uwch, er enghraifft, drwy wneud:

• Blwyddyn Sylfaen neu gwrs Sylfaen
• Mynediad i gwrs Addysg Uwch

Blynyddoedd Sylfaen

Mae rhai prifysgolion a cholegau yn cynnig Blynyddoedd Sylfaen fel proses o baratoi ar gyfer rhai cyrsiau gradd.

Nid ydynt fel arfer yn arwain at gymhwyster ar wahân: maent yn eich gwneud yn gymwys i gael mynediad i’r cwrs gradd ei hun. Nid yw Blynyddoedd Sylfaen ar gael ar gyfer pob cwrs gradd.

Mae'n bosib y bydd Blwyddyn Sylfaen yn syniad da os yw'r cymwysterau sydd gennych yn anaddas ar gyfer y pwnc yr hoffech ei astudio ar gyfer eich gradd.

Gallai Blwyddyn Sylfaen hefyd fod yn ddefnyddiol os nad ydych wedi bod ym myd addysg ers llawer o amser. Efallai y byddai'n werth i chi ei ystyried os ydych chi'n fyfyriwr tramor nad ydy'ch sgiliau iaith yn cyrraedd gofynion cwrs gradd eto.

Cyrsiau Sylfaen

Mae cyrsiau sylfaen yn debyg i Flynyddoedd Sylfaen, ond mae'n bosib na fyddan nhw'n cael eu cynnal yn yr un brifysgol neu yn yr un coleg a'r radd neu'r diploma lawn, nac ychwaith yn eich gwneud yn gymwys i gael eich derbyn i gwrs penodol. Mae'n bosib y bydd myfyrwyr tramor prin eu Saesneg yn cael y rhain yn fuddiol.

Mynediad i gyrsiau Addysg Uwch

Mae llawer o golegau addysg bellach a rhai prifysgolion yn darparu cyrsiau mynediad er mwyn paratoi myfyrwyr ar gyfer addysg uwch.

• Cael gwybod mwy am Fynediad i Addysg Uwch Opens new window
• Gwybodaeth i fyfyrwyr aeddfed am bolisïau derbyn Opens new window

Mynd i addysg uwch ar ôl cael seibiant o ddysgu

Gydag amrywiaeth o ddewisiadau astudio hyblyg sy'n eich galluogi i ddysgu am y pynciau rydych am eu hastudio mewn ffordd o’ch dewis chi, ni ddylech ddigalonni wrth ystyried addysg uwch yn nes ymlaen yn eich bywyd.

• Dychwelyd i ddysgu

Cael canllaw Aimhigher i addysg uwch

Os ydych yn ystyried mynd i addysg uwch yn nes ymlaen yn eich bywyd, ceir llawer o wybodaeth yng nghanllaw Ailmhigher ‘Gwireddu eich breuddwydion’.

Gallwch lawrlwytho copi isod, neu archebu un:

• drwy ffonio rhadffôn 0800 587 8500
• drwy ddefnyddio ffôn testun ar 0800 280024

Nodwch y cyfeirnod ‘RETURN08’. Gellir cael copïau mewn Braille, mewn print bras neu ar dâp sain.

• Download Gwireddu eich breuddwydion – canllaw Aimhigher i addysg uwch (PDF, 1709K)
• Cymorth gyda ffeiliau PDF

Mwy o ddolenni defnyddiol

• Dod o hyd i gwrs prifysgol neu goleg