Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Cyflogaeth

Cyflogaeth

Cyfraddau’r Isafswm Cyflog Cenedlaethol

Yr Isafswm Cyflog Cenedlaethol yw'r isafswm y mae gan y rhan fwyaf o weithwyr yn y DU hawl iddo fesul awr. Os nad ydych yn cael yr Isafswm Cyflog Cenedlaethol gallwch gysylltu â’r llinell gymorth Hawliau Cyflog a Gwaith am gymorth cyfrinachol.

Cyfraddau cyfredol yr Isafswm Cyflog Cenedlaethol

Mae gan yr Isafswm Cyflog Cenedlaethol wahanol lefelau, sy'n dibynnu ar eich oed. Dyma'r cyfraddau cyfredol (o 1 Hydref 2009):

  • £5.80 – y brif gyfradd i weithwyr 22 oed a hŷn
  • £4.83 – y gyfradd rhwng 18 a 21 oed
  • £3.57 – y gyfradd rhwng 16-17 oed i weithwyr sy'n hŷn na'r oedran gadael ysgol ac yn iau na 18 oed

Os ydych chi’n blentyn oedran ysgol gorfodol nid oes gennych hawl i gael yr Isafswm Cyflog Cenedlaethol. Mae gwahaniaethau eraill yn eich hawliau cyflogaeth hefyd.

Hawl i'r Isafswm Cyflog Cenedlaethol

Llinell gymorth Hawliau Cyflog a Gwaith

I gael cymorth a chyngor cyfrinachol ynghylch yr Isafswm Cyflog Cenedlaethol ffoniwch 0800 917 2368

Mae gan y rhan fwyaf o weithwyr yn y DU sydd dros oed gadael ysgol gorfodol hawl gyfreithiol i gael o leiaf yr Isafswm Cyflog Cenedlaethol a rhaid i bob cyflogwyr ei dalu i chi os oes gennych gawl iddo. Nid yw'n gwneud gwahaniaeth:

  • p'un ai a ydych yn cael eich talu'n wythnosol neu'n fisol, gyda siec, gydag arian parod neu mewn unrhyw ffordd arall
  • p'un ai a ydych yn gweithio'n llawn amser, yn rhan-amser neu unrhyw batrwm gweithio arall
  • p'un ai a ydych yn gweithio yn eiddo eich cyflogwr neu yn rhywle arall
  • beth yw maint eich cyflogwr
  • lle rydych chi’n gweithio yn y DU

Mae gennych hawl i'r Isafswm Cyflog Cenedlaethol hyd yn oed os byddwch yn llofnodi contract yn cytuno i gael eich talu ar raddfa is, naill ai o'ch gwirfodd neu oherwydd bod eich cyflogwr yn eich perswadio neu'n eich gorfodi i wneud hynny. Ni fydd y contract yn cael dim effaith gyfreithiol ac mae dal yn rhaid i chi gael y gyfradd briodol.

Canllawiau mewn ieithoedd tramor

Gallwch lwytho canllawiau ar yr Isafswm Cyflog Cenedlaethol oddi ar y we mewn ieithoedd tramor. Os byddwch yn cysylltu â llinell gymorth Hawliau Cyflog a Gwaith gallant roi cymorth a chyngor cyfrinachol i chi mewn dros 100 o wahanol ieithoedd.

Ble mae cael cymorth

Mae’r llinell gymorth Hawliau Cyflog a Gwaith yn rhoi cymorth a chyngor cyfrinachol ar yr Isafswm Cyflog Cenedlaethol a gall ymdrin â galwadau mewn dros 100 o ieithoedd. Os nad ydych yn cael yr Isafswm Cyflog Cenedlaethol gallwch wneud cwyn wrth y llinell gymorth.

Yn yr adran hon...

Allweddumynediad llywodraeth y DU