Gwefan llywodraeth y DU

Yr hyn y gallwch ei ddisgwyl gan y Ganolfan Byd Gwaith

Mae’r Ganolfan Byd Gwaith yn rhan o’r Adran Gwaith a Phensiynau.

Mae’r Adran Gwaith a Phensiynau wedi ymroi i set o safonau gwasanaeth i’w holl gwsmeriaid. Mae’r safonau hyn yn gosod yr hyn y gallwch ei ddisgwyl pan fyddwch yn cysylltu â’r Ganolfan Byd Gwaith.

Pan fyddwch yn cysylltu â’r Ganolfan Byd Gwaith, gallwch ddisgwyl:

• cael eich trin â pharch
• cael y wybodaeth gywir
• cael eich trin yn brydlon
• cael mynediad at wasanaethau yn hawdd

Gellir dod o hyd i ragor o wybodaeth yn Siarter Cwsmeriaid yr Adran Gwaith a Phensiynau.

• Siarter Cwsmeriaid yr Adran Gwaith a Phensiynau Opens new window

Rhannu eich profiadau

Os ydych yn fodlon gyda'r gwasanaeth a gawsoch gan y Ganolfan Byd Gwaith, pam na wnewch chi roi gwybod iddynt? Efallai y gall rhoi gwybod bod rhywbeth yn gweithio i chi helpu’r Ganolfan Byd Gwaith i wella eu gwasanaeth i’w holl gwsmeriaid.

Fel arall, efallai y bydd gennych syniad am ffordd i wella gwasanaethau. Os oes gennych awgrym am sut i wella pethau, rhowch wybod i’r Ganolfan Byd Gwaith.

• Cysylltu â'r Ganolfan Byd Gwaith Opens new window

Gwneud cwyn

Yn anffodus, gall fod adegau lle nad ydych yn fodlon gyda’r gwasanaeth a gawsoch gan y Ganolfan Byd Gwaith.

Yn yr achos cyntaf, dylech:

• cysylltu â’r person rydych wedi bod yn delio â hwy
• rhoi gwybod iddynt, neu’r rheolwr, am eich cwyn

Dylech ddisgwyl cael ateb llawn o fewn 15 diwrnod gwaith o ddweud wrth y Ganolfan Byd Gwaith am eich cwyn. Gobeithio y byddwch yn fodlon gyda’ch ateb.

Os ydych yn dal i fod yn anfodlon ar ôl derbyn eich ateb, cewch gyfle i fynd â’ch cwyn ymhellach. Gellir dod o hyd i wybodaeth bellach am gamau nesaf y broses cwyno yn nhaflen y Ganolfan Byd Gwaith 'Ein safonau gwasanaeth'.

Anfodlon gyda’r gwasanaeth a gawsoch gan gontractwr yr Adran Gwaith a Phensiynau?

Os ydych yn anfodlon gyda’r gwasanaeth a gawsoch gan gontractwr yr Adran Gwaith a Phensiynau, fel darparwr Rhaglen Waith, dylech gwyno iddynt hwy yn gyntaf. Bydd hyn yn rhoi cyfle iddynt unioni pethau.

Os byddwch yn dal i fod yn anfodlon gydag ymateb terfynol y darparwr i’ch cwyn, gallwch ofyn i’r Archwilydd Achosion Annibynnol ymchwilio i’ch cwyn.

• Yr Archwilydd Achosion Annibynnol Opens new window

• Lawrlwythwch ‘Ffurflen Canolfan Byd Gwaith - Ein safonau gwasanaeth’ (PDF, 407K) Opens new window

• Cymorth gyda ffeiliau PDF

• Dod o hyd i’ch Canolfan Byd Gwaith leol Opens new window

Cysylltu â’r Ganolfan Byd Gwaith

Gallwch gysylltu â’ch swyddfa Canolfan Byd Gwaith:

• dros y ffôn
• drwy ffôn testun
• drwy’r post
• drwy anfon neges e-bost
• drwy ffacs
• mewn person

Os hoffech wneud sylwad i ganolfan gyswllt neu ganolfan trafod budd-daliadau, dylai’r manylion cysywllt fod ar unrhyw ddogfennau y maent wedi’u hanfon atoch.

• Dod o hyd i’ch Canolfan Byd Gwaith leol Opens new window