Gwefan llywodraeth y DU

Ardaloedd Cyflogaeth

Mae Ardaloedd Cyflogaeth yn rhaglen sy’n cynnig cefnogaeth ymarferol i gwsmeriaid Lwfans Ceisio Gwaith, rhieni unigol a phobl sy’n cael Credyd Pensiwn.

Mae Ardaloedd Cyflogaeth yn cael eu rhedeg yn yr ardaloedd canlynol:

• Brent a Haringey
• Glasgow
• Lerpwl a Sefton
• Tower Hamlets a Newham

Mewn ardaloedd eraill mae gan y Ganolfan Byd Gwaith rhaglenni’r Fargen Newydd sy’n cynnig cefnogaeth bellach.

• Y Fargen Newydd

Ardaloedd Cyflogaeth i gwsmeriaid Lwfans Ceisio Gwaith

Mae Ardaloedd Cyflogaeth yn rhaglen tair rhan sy’n cynnig cefnogaeth ymarferol i chi ddychwelyd i weithio. Mae’n rhaid i chi gymryd rhan yn y rhaglen Ardaloedd Cyflogaeth os ydych:

• yn 25 oed neu drosodd ac wedi bod yn cael Lwfans Ceisio Gwaith am 18 o’r 21 mis diwethaf
• yn 18 - 24 oed ac wedi bod yn cael Lwfans Ceisio Gwaith am chwe mis (ac wedi cymryd rhan yn flaenorol yn y Fargen Newydd ar gyfer pobl ifanc)
• wedi cymryd rhan mewn rhaglen Ardaloedd Cyflogaeth yn y 12 mis diwethaf ond heb gwblhau’r rhaglen

Efallai y byddwch yn gallu gwneud cais i ymuno â rhaglen Ardaloedd Cyflogaeth yn gynharach os yw’ch amgylchiadau yn ei gwneud hi’n enwedig o anodd i ddod o hyd i waith.

Tair rhan o Ardaloedd Cyflogaeth

Mae tair rhan i’r rhaglen Ardaloedd Cyflogaeth.

Cam un

Mae’n rhaid i chi gymryd rhan yn cam un, sy’n parhau am hyd at 28 diwrnod. Bydd eich ymgynghorydd personol Ardal Gyflogaeth yn eich helpu i benderfynu pa fath o waith rydych yn chwilio amdano ac yn deall beth allai fod yn eich rhwystro rhag cael y gwaith hwnnw. Gyda’ch gilydd byddwch yn cynllunio cynllun gweithredol a fydd yn rhestru'r pethau rydych wedi’u cytuno i’w gwneud fel rhan o’ch ymgais i ddod o hyd i waith.

Cam dau

Mae’n rhaid i chi gymryd rhan yn rhan cam dau, sy’n parhau am hyd at 26 wythnos. Byddwch yn gweithredu’r gweithgareddau a restrir ar eich cynllun gweithredol gyda chefnogaeth gan eich ymgynghorydd personol Ardal Gyflogaeth.

Cam tri

Gallwch hefyd wirfoddoli i barhau ar Ardaloedd Cyflogaeth am hyd at 22 wythnos. Gallwch ddewis i ymuno â cham tri os nad ydych wedi dod o hyd i swydd yn ystod cam dau.

Ardaloedd Cyflogaeth i rieni unigol a phobl sy’n cael Credyd Pensiwn

Os ydych yn rhiant unigol gallwch wirfoddoli am help gan Ardaloedd Cyflogaeth ar unrhyw adeg cyn belled:

• nad ydych yn gweithio 16 awr neu fwy'r wythnos
• nad ydych yn cael Lwfans Ceisio Gwaith

Os ydych yn cael Credyd Pensiwn gallwch wirfoddoli ar gyfer Ardaloedd Cyflogaeth ar unrhyw adeg cyn belled nad ydych yn gweithio 16 awr neu fwy'r wythnos.

Am fwy o wybodaeth am Ardaloedd Cyflogaeth ac i edrych os ydych yn gymwys, cysylltwch â’ch swyddfa Canolfan Byd Gwaith leol.

• Dod o hyd i'ch swyddfa Canolfan Byd Gwaith leol Opens new window