Gwefan llywodraeth y DU

Y Fargen Newydd

Mae’r Fargen Newydd yn anelu i’ch helpu i gael swydd os ydych allan o waith. Bydd yn rhoi’r cyfle i chi hyfforddi, dysgu a gwneud profiad gwaith er mwyn i chi:

• ddod yn fwy hyderus
• cael sgiliau newydd
• fod gwerth mwy i bobl sy’n chwilio am staff
• dod o hyd i ac aros mewn gwaith

Y Fargen Newydd ar gyfer Partneriaid

Os yw’ch partner yn hawlio budd-dal drosoch gallech ymuno a rhaglen Y Fargen Newydd ar gyfer Partneriaid a chael ystod o gymorth. Gallech gael cynnig help yn cynnwys cyngor ac arweiniad ar hyfforddiant, dod o hyd i waith a gofal plant, ac efallai y gallech gymryd rhan mewn cynlluniau eraill gan y llywodraeth. Mae’n rhaglen wirfoddol felly gallwch ddewis os ydych am gymryd rhan neu beidio.

Pwy sy’n gymwys

Mae’r Fargen Newydd ar gyfer Partneriaid ar gael i bartneriaid pobl sy’n hawlio unrhyw un o’r budd-daliadau canlynol:

• Lwfans Ceisio Gwaith
• Lwfans Cyflogaeth a Chymorth
• Cymhorthdal Incwm
• Budd-dal Analluogrwydd
• Lwfans Gofalwr
• Lwfans Anabledd Difrifol
• Credyd Pensiwn

Gallwch hefyd ymuno â’r Fargen Newydd ar gyfer Partneriaid os:

• yw’ch partner yn cael Credyd Pensiwn ac rydych yn gweithio llai na 24 awr yr wythnos
• rydych chi neu’ch partner yn cael Credyd Treth Gwaith ac yn gweithio llai na 16 awr yr wythnos

• Deall Credyd Pensiwn (adran arian, treth a budd-daliadau)

• Beth yw credydau treth? (adran arian, treth a budd-daliadau)

Rhagor o wybodaeth am Y Fargen Newydd ar gyfer Partneriaid

I gael rhagor o wybodaeth am Y Fargen Newydd ar gyfer Partneriaid cysylltwch â’ch swyddfa Canolfan Byd Gwaith leol.

• Dod o hyd i'ch swyddfa Canolfan Byd Gwaith leol Opens new window