Gwefan llywodraeth y DU

Cyfryngu

Gyda'r broses gyfryngu, mae arbenigwr diduedd yn siarad â'r ddwy ochr ar wahân, yn ogystal â gyda'i gilydd os oes angen, ac yn eu helpu i ddod o hyd i ateb y gall y ddwy ochr ei dderbyn. Mae hyn fel arfer yn gynt na chymryd camau cyfreithiol, yn aml bydd y broses yn para llai na diwrnod a bydd bron bob amser yn llai costus ac yn peri llai o straen.

Rhaid i'r ddwy ochr gytuno i'r broses gyfryngu. Nid yw cyfryngu'n wasanaeth a geir am ddim, er mai'r cyflogwr fyddai'n talu fel arfer os byddwch chi'ch dau'n cytuno ar gyfryngu.

Mae'r cyfryngwr yn gwneud mwy na dim ond dweud wrthych beth y dylech ei wneud, mae hefyd yn rhoi cyngor ar y materion dan sylw, ac yn gofyn cwestiynau sy'n helpu pobl i edrych ar eu hymddygiad eu hunain.

Mae'n well defnyddio'r broses gyfryngu yn gynnar mewn anghydfod. Fe'i defnyddir weithiau fel rhan o drefn gwyno.

• Trefn gwyno

Mae gan rai cwmnïau eu cyfryngwyr cymwys eu hunain, ac mae sefydliadau megis y Gwasanaeth Cynghori, Cymodi a Chyflafareddu (Acas) a'r Asiantaeth Cysylltiadau Llafur yng Ngogledd Iwerddon, yn cynnig gwasanaethau cyfryngu proffesiynol. Defnyddir gwasanaeth Acas a'r Asiantaeth Cysylltiadau Llafur yn bennaf ar gyfer y canlynol:

• helpu i ddatrys anghytundebau rhwng gweithwyr, er enghraifft gwrthdaro rhwng personoliaethau
• helpu i ddatrys problemau rhyngoch chi a'ch cyflogwr
• gwrando ar apeliadau yn erbyn camau disgyblu, yn aml mewn cwmnïau llai

Bydd cynghorwyr llinell gymorth Acas yn gallu rhoi gwybod i chi ym mhle y gallwch fanteisio ar y gwasanaethau cyfryngu a gynigir ganddynt am dâl. O 6 Ebrill 2009 ymlaen, bydd Acas hefyd yn gallu rhoi gwybod i chi sut y gallwch fanteisio ar gyrff cyfryngu cyfreithiol a phroffesiynol eraill.

Os byddwch yn bwrw ymlaen â'r broses gyfryngu, mae'n werth paratoi drwy nodi ar bapur y broblem, yr hanes a'r canlyniadau posib a fyddai'n dderbyniol gennych.

Nid yw cytundebau y deuir iddynt drwy gyfryngu'n gyfreithiol-rwym, oni chytunir ar hynny ymlaen llaw.

• Trefniadau disgyblu
• Cyfryngu Acas - cael gwybod mwy Opens new window
• Yr Asiantaeth Cysylltiadau Llafur - cyfryngu yng Ngogledd Iwerddon - cael gwybod mwy Opens new window

Ble mae cael cymorth

Mae'r Gwasanaeth Cynghori, Cymodi a Chyflafareddu (Acas) yn cynnig cyngor cyfrinachol a diduedd am ddim am bob mater sy'n ymwneud â hawliau cyflogaeth.

• Acas Opens new window

Mae’r Asiantaeth Cysylltiadau Llafur (LRA) yn cynnig cyngor cyfrinachol a diduedd am ddim am bob mater sy'n ymwneud â hawliau cyflogaeth i bobl sy'n byw yng Ngogledd Iwerddon.

• Asiantaeth Cysylltiadau Llafur Opens new window

Gall eich Canolfan Cyngor Ar Bopeth (CAB) lleol gynnig cyngor diduedd am ddim. Gallwch ddod o hyd i'ch swyddfa CAB leol yn y llyfr ffôn neu ar-lein.

• Dod o hyd i'ch Canolfan Cyngor Ar Bopeth leol Opens new window

Os ydych chi'n aelod o undeb llafur, fe allwch chi gael help, cyngor a chefnogaeth ganddyn nhw hefyd.

• Mwy am undebau llafur

Efallai y gall cyfreithiwr neu asiantaeth gynghori eich helpu i benderfynu ar y llwybr gorau i chi.

• Ceisio cyngor cyfreithiol Opens new window

Mwy o ddolenni defnyddiol

• Sefydliad Siartredig y Cyflafareddwyr Opens new window
• Trefn gwyno, trefn ddisgyblu a threfn Dribiwnlys Cyflogaeth o 6 Ebrill 2009
• Cyngor i'ch cyflogwr am ddelio gyda materion disgyblu a chwyno gan Business Link Opens new window
• Cyngor i gyflogwyr yng Ngogledd Iwerddon am ddelio gyda materion disgyblu a chwyno gan nibusinessinfo Opens new window