Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Llun, 13 Hydref 2008

dolenni i dudalennau eraill yn yr adran hon

Pori wrth destun

Pori wrth bobl

Yr amgylchedd a byw'n wyrdd

Dulliau'r Llywodraeth o helpu pobl i weithredu

Mae angen i fusnesau, y llywodraeth a'r cyhoedd i gyd wneud mwy a chydweithio'n agosach i fynd i'r afael â newid yn yr hinsawdd. Mae'r Llywodraeth yn bwriadu eich helpu i weithredu mewn amryw o ffyrdd er mwyn lleihau gollyngiadau CO2 - yn awr ac i'r dyfodol. Ymhlith y rhain, mae’r canlynol:

Cartrefi a thai

gweithio gyda gwneuthurwyr ac adwerthwyr i ddirwyn bylbiau golau aneffeithlon i ben
darparu gwybodaeth well i ddefnyddwyr ynghylch y cynhyrchion a'r gwasanaethau y maent yn eu prynu a'u defnyddio - gan gynnwys nwy, trydan a dŵr
gweithio gyda gwneuthurwyr i dynnu 'nwyddau gwyn' - megis oergelloedd - aneffeithlon oddi ar y farchnad
annog datblygwyr i gynnwys mynediad hwylus i gludiant cyhoeddus pan fyddant yn cynllunio cartrefi newydd
gwella rheoliadau adeiladu er mwyn sicrhau bod cartrefi newydd yn defnyddio ynni'n fwy effeithlon
cyflwyno Tystysgrifau Perfformiad Ynni er mwyn i bobl sy'n prynu tai gael mwy o wybodaeth am ba mor effeithlon ydynt o ran defnyddio ynni
caniatáu i rai perchnogion tai osod technoleg adnewyddadwy megis paneli solar heb orfod cael caniatâd cynllunio

Teithio a thrafnidiaeth

darparu mwy o gerbydau trenau lle mae’r angen mwyaf amdanynt
gwella effeithlonrwydd tanwydd cerbydau - er enghraifft drwy gysylltu cyfraddau treth cerbyd gydag effeithlonrwydd tanwydd ceir
annog a chefnogi cynlluniau teithio mewn gweithleoedd neu ysgolion a chynnig hyfforddiant seiclo i blant

Y gymuned, busnes a'r amgylchedd

cynyddu nifer y cyfleusterau ailgylchu o ddrws i ddrws, yn y swyddfa ac mewn lleoedd cyhoeddus
gweithio gyda'r rheoleiddiwr i osod targedau i gwmnïau dŵr leihau'r dŵr sy'n gollwng o'u rhwydweithiau
lleihau deunyddiau pecynnu ac annog defnyddwyr i ail-ddefnyddio bagiau siopa

Beth y mae'r llywodraeth ei hun yn ei wneud

Mae'r llywodraeth wedi gosod nifer o dargedau iddi hi ei hun - gan gynnwys lleihau gollyngiadau carbon 30 y cant erbyn 2020. Mae targedau eraill yn cynnwys ailgylchu 75 y cant o'i gwastraff a lleihau'r dŵr a ddefnyddir ganddi 25 y cant erbyn 2020.

Mae'r llywodraeth hefyd yn cymryd camau i leihau ei gollyngiadau yn sgil teithio, megis gyrru a hedfan. Mae mwy o wybodaeth ar gael ar wefan Adran yr Amgylchedd, Bwyd a Materion Gwledig (Defra).