Gwefan llywodraeth y DU

Diffoddwch eich offer – peidiwch â'u gadael yn y modd segur

Mae'r cartref cyffredin yn gwastraffu £30 y flwyddyn dim ond drwy adael offer yn y modd segur. Cofiwch:

• ni allwch ddiffodd y rhan fwyaf o nwyddau electronig dim ond drwy ddefnyddio'r rheolydd pell
• i ddiffodd offer yn gyfan gwbl, defnyddiwch y swits pŵer ar yr offer ei hun neu diffoddwch ef yn y plwg - bydd unrhyw offer sy'n cynnwys gwefrydd neu becyn pŵer allanol yn dal i ddefnyddio pŵer oni bai y caiff ei ddiffodd yn y plwg (gallwch ddweud oherwydd bydd y gwefrydd neu'r pecyn pŵer yn aros yn gynnes neu bydd golau arno)

Rhowch gynnig ar yr awgrymiadau eraill hyn ar gyfer arbed ynni:

Gallai troi'r gwres canolog i lawr un radd leihau hyd at 10 y cant ar eich biliau gwres

• gall golchi dillad ar 30 gradd fod yr un mor effeithiol ar gyfer llwyth arferol
• llenwch eich peiriant golchi dillad neu'ch peiriant golchi llestri cyn eu defnyddio
• osgowch sychu dillad mewn peiriant - sychwch ddillad y tu allan pan fo'n bosib er mwyn arbed arian ac ynni
• sicrhewch eich bod yn dadrewi eich rhewgell yn rheolaidd ac nad ydych yn rhoi bwyd poeth yn y rhewgell
• trowch eich thermostat a thymheredd eich gwresogydd troch i lawr un radd - bydd yr arbedion yn sylweddol ac mae'n annhebygol y byddwch yn sylwi ar y gwahaniaeth
• wrth ferwi tegell, peidiwch â rhoi mwy o ddŵr nag y mae ei angen ynddo
• gorchuddiwch botiau a sosbenni wrth goginio - byddant yn berwi'n gyflymach o lawer
• mae batris y gellir eu hailwefru'n costio tua dwywaith gymaint â rhai confensiynol, ond gellir eu defnyddio gannoedd o weithiau
• defnyddiwch fylbiau sy'n defnyddio ynni'n effeithlon
• ystyriwch ddefnyddio microdon yn hytrach na phopty confensiynol os ydych chi'n bwriadu cynhesu ychydig bach o fwyd, gan fod yr ymchwil diweddaraf yn dynodi y gallai hyn arbed ynni i chi

Prynu offer ynni-effeithlon

Mae offer ynni-effeithlon yn hawdd dod o hyd iddynt ac nid ydynt yn ddrutach o reidrwydd:

• chwiliwch am offer sy'n dangos y label Energy Saving Recommended, gan fod y rhain ymysg yr 20 y cant mwyaf effeithlon sydd ar gael
• chwiliwch am labeli ynni'r Undeb Ewropeaidd (UE) ar oergelloedd, rhewgelloedd a pheiriannau golchi, sy'n ei gwneud yn hawdd gweld pa mor ynni-effeithlon yw offer ar raddfa o A i G (A yw'r mwyaf effeithlon a G yw'r lleiaf effeithlon)
• pe bai pob cartref yn y DU yn gosod dim ond tri bwlb golau ynni-effeithlon, byddem yn arbed digon o ynni i bweru ein holl oleuadau stryd

• Label Energy Saving Recommended – cael gwybod mwy Opens new window
• Label ynni’r UE – rhagor o wybodaeth Opens new window
• Canfod offer Energy Saving Recommended (yn agor ffenestr newydd)

Inswleiddio’ch cartref

Nid yw'r rhan fwyaf o gartrefi yn y DU wedi'u hinswleiddio i'r graddau a argymhellir, ac mae bron i hanner y gwres mewn cartref nodweddiadol yn cael ei golli drwy'r waliau a'r to.

• drwy inswleiddio eich cartref gallech arbed £180 y flwyddyn ar eich biliau gwres
• hyd yn oed os ydych wedi inswleiddio'ch atig, edrychwch pa mor drwchus yw'r deunydd. Drwy ychwanegu haen arall er mwyn iddo fod yn 270mm o drwch fel yr argymhellir, byddwch yn arbed ynni ac arian
  

• Cael gwybod mwy am inswleiddio a chynhesu eich cartref yn effeithlon
• Cael gwybod a ydych chi'n gymwys i gael grant i dalu am inswleiddio Opens new window

Gosod system wresogi ynni-effeithlon

Pe bai pob cartref yn y wlad yn gosod boeler effeithlonrwydd uchel, byddai'r ynni a arbedid yn ddigon i ddarparu gwres a phŵer i bron ddwy filiwn o dai.

• Cael gwybod mwy am foelerau effeithlonrwydd uchel Opens new window

Y mater ehangach

Cynhyrchir y rhan fwyaf o'r ynni a ddefnyddiwn yn ein cartrefi drwy ddefnyddio prosesau sy'n rhyddhau gollyngiadau CO2 i'r aer.

Gollyngiadau CO2 yw'r achos mwyaf sylweddol o newid yn yr hinsawdd, felly lleihau defnydd ynni eich cartref yw un o'r pethau pwysicaf y gallwch eu gwneud i frwydro yn erbyn newid yn yr hinsawdd.

Mwy o ddolenni defnyddiol

• Arbed arbed, arbed ynni, LLEIHAU’CH CO2
• Cael cymorth i arbed ar eich biliau ynni
• Gwylio fideo ynghylch arbed dŵr neu ynni Opens new window