Gwefan llywodraeth y DU

Y mater ehangach

Gall eich dewis chi o ddodrefn ar gyfer eich cartref gael effaith ar yr amgylchedd. Er enghraifft, gall pren neu ddodrefn sydd wedi cael ei wneud o goed sydd wedi'u torri'n anghyfreithlon arwain at golli cynefinoedd a chyfrannu tuag at newid yn yr hinsawdd. Gall dewis ffitiadau dŵr neu olau llai effeithlon yn y cartref gostio mwy o arian i chi eu cynnal a gallant hefyd wastraffu ynni.

Gallwch leihau eich effaith ar yr amgylchedd drwy ddewis yn ofalus pan fyddwch yn prynu dodrefn a ffitiadau ar gyfer eich cartref.

• Deall newid yn yr hinsawdd

• Pwysau ar y byd naturiol

• Defnydd adnoddau a gwastraff

Prynwch ddodrefn a lloriau sy'n para

Mae angen ynni ac adnoddau i gynhyrchu lloriau a dodrefn a gall hyn beri niwed i'r amgylchedd mewn ffyrdd eraill. Gallwch helpu drwy:

• brynu cynnyrch a fydd yn para yn hytrach na chynnyrch y bydd rhaid newid yn aml, os oes gennych chi'r dewis

• ystyried deunyddiau ail-law, deunyddiau a adferwyd neu rai adnewyddadwy pan fyddwch yn penderfynu prynu gosodiadau a ffitiadau newydd

• Canllaw i gynnyrch wedi'u hailgylchu Opens new window

Ailddefnyddiwch ac adnewyddwch ddodrefn a lloriau

Ystyriwch opsiynau eraill yn hytrach na phrynu cynhyrchion newydd:

• Lleihau gwastraff, ailddefnyddio ac atgyweirio

• Freecycle - dod o hyd i brosiectau cyfnewid yn eich ardal Opens new window

• Cael gwared ar eitemau mawr (adran cartref a chymuned)

Dewiswch gynhyrchion pren o ffynonellau cynaliadwy

Gallwch ddod o hyd i ddodrefn neu loriau pren wedi'u gwneud o bren a gynhyrchwyd mewn modd cynaliadwy mewn siopau neu ar y rhyngrwyd.

Chwiliwch am labeli gan y Cyngor Stiwardiaeth Coedwigaeth (FSC), y Rhaglen er Cymeradwyo Ardystio Coedwigoedd (PEFC), neu gynlluniau ardystio coedwigoedd eraill. Gallwch ofyn i'ch adwerthwr am gynlluniau ardystio

• Labeli cynnyrch pren - cael gwybod mwy

• DIY mwy gwyrdd

Byddwch yn ymwybodol o driniaethau a gorffeniadau

Mae sawl math o baent, gludyddion a farneisiau yn gollwng cyfansoddion organig anweddol (VOCs). Gallant niweidio'r amgylchedd drwy adweithio gyda chemegau eraill i gynhyrchu'r hyn a elwir yn oson ar lefel yr arwyneb.

Pan fyddwch yn dewis triniaeth, glud neu farnais, edrychwch ar y labeli cynnyrch i weld faint o VOC sydd yn y cynnyrch. Ceisiwch ddod o hyd i'r un gyda'r cynnwys VOC lleiaf posibl.

• Mwy am VOC a labeli gwyrdd eraill

• DIY mwy gwyrdd

Gosodwch ffitiadau sy'n arbed dŵr

Mae nifer o bethau y gallwch eu gwneud i arbed dŵr wrth osod ffitiadau newydd:

• gosod taenellwyr cawod sy'n defnyddio llai o ddŵr
• dewis awyrydd neu ffitiadau chwistrell ar dapiau basn golchi dwylo
• gosod fflysh isel neu fflysh deuol ar eich toiledau

• Mwy am arbed dŵr yn eich cartref

Dewiswch opsiynau goleuo rhad-ar-ynni

Gall bylbiau golau rhad-ar-ynni ddefnyddio bum gwaith yn llai o drydan na bylbiau golau confensiynol, sy'n golygu llai o ollyngiadau carbon. Byddant yn gweithio mewn ffitiadau a lampau arferol.

• erbyn hyn, mae bylbiau rhad-ar-ynni ar gael yn eang am brisiau isel (gan gynnwys mewn archfarchnadoedd)
• bydd bwlb rhad-ar-ynni 20 wat, 12,000 awr yn arbed oddeutu £60 yn ystod ei oes o'i gymharu â bwlb confensiynol 100 wat cyfatebol
• gallwch brynu bylbiau golau rhad-ar-ynni sy'n edrych yn debyg i hen fylbiau ac sy'n cynhyrchu golau o'r un lliw
• ceir gwybodaeth ar becynnau'r rhan fwyaf o fylbiau rhad-ar-ynni ynglŷn â'u disgleirdeb o'u cymharu â bylbiau arferol
• ni ellir defnyddio llawer o'r bylbiau rhad-ar-ynni sydd ar werth â switshis pylu golau, ond mae mwy a mwy o'r rhain ar gael y dyddiau hyn
• peidiwch ag anghofio diffodd goleuadau ynni isel pan nad ydynt yn cael eu defnyddio

• Bylbiau rhad-ar-ynni y gellir eu defnyddio gyda switshis pylu golau Opens new window

• Gwaredu bylbiau golau yn ddiogel Opens new window

Ailgylchwch pan fo'n bosib

Yma cewch wybod sut mae ailgylchu'ch hen bethau nad oes arnynt eu heisiau arnoch chi mwyach:

• yn hytrach na thaflu hen ddodrefn, ceisiwch eu rhoi i siop elusen neu eu hailgylchu
• defnyddiwch hen loriau pren i wneud bin compost neu i greu gwelyau wedi'u codi yn eich gardd neu'ch rhandir
• ail-ddefnyddiwch hen garped yn yr ardd er mwyn rheoli chwyn neu i gadw eich bin compost yn gynnes

• Cael gwybod am ailgylchu dodrefn yn eich ardal Opens new window

• Awgrymiadau ar sut i waredu hen garpedi Opens new window

Mwy o ddolenni defnyddiol

• Y Rhwydwaith Ailddefnyddio Dodrefn Opens new window

• RecycleNow Opens new window

• Waste Online Opens new window