Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Dydd Sadwrn, 21 Tachwedd 2009

dolenni i dudalennau eraill yn yr adran hon

Pori wrth destun

Pori wrth bobl

Dulliau mwy gwyrdd o lanhau

Caiff dros £1 biliwn ei wario ar gynhyrchion glanhau bob blwyddyn yn y DU, ond mae nifer o gynhyrchion glanhau modern yn cael effaith negyddol ar yr amgylchedd. Gall dethol a defnyddio cynhyrchion glanhau yn ofalus wneud gwahaniaeth.

Glanhau eich tŷ mewn modd cyfeillgar

Mae golchi dillad ar 30 gradd yr un mor effeithiol

Dyma rai pethau y gallwch eu gwneud:

peidiwch â bod yn rhy hael â'ch hylif a phowdwr glanhau a golchi – peidiwch â defnyddio mwy na'r hyn a awgrymir y mae ei angen arnoch, a defnyddiwch y cynnyrch glanhau gwanaf ar gyfer y gwaith
defnyddiwch y dogn lleiaf posib yn dibynnu ar ba mor galed yw'r dŵr yn eich ardal chi
mae golchi dillad ar 30 gradd yn arbed ynni, ac mae'r un mor effeithiol wrth olchi llwyth o ddillad budr arferol
pan fydd yn bosib, ceisiwch olchi'ch dillad yn y peiriant golchi yn hytrach na'u sychlanhau; mae rhai cemegau sychlanhau yn wenwynig ac yn cynnwys sylweddau sy'n disbyddu'r oson
darllenwch y label a dilyn y cyngor priodol ynghylch storio a gwaredu'r cynhyrchion glanhau
ailgylchwch ddeunyddiau plastig, cardbord a phecynnau metel yn ôl label y cynnyrch
peidiwch â thywallt cynhyrchion glanhau i lawr y draen yn ddiangen - cofiwch fod eich gwastraff yn cyrraedd y môr a'r afonydd

Sut i helpu'r amgylchedd wrth olchi dillad Opens new window

Awgrymiadau ar ffyrdd naturiol o lanhau a rhoi sglein Opens new window

Pa gynhyrchion glanhau ddylech chi eu prynu?

Dyma rai pethau i feddwl amdanynt:

bydd dewis cynhyrchion crynodedig pan fydd hynny'n bosib yn helpu'r amgylchedd drwy arbed costau pecynnu a chostau chludo
bydd prynu systemau ail-lenwi hefyd yn helpu i ddefnyddio llai o ddeunydd pecynnu

Cael gwybod mwy am frandiau eco-gyfeillgar Opens new window

Edrych ar y logo

Mae Ecolabel yr Undeb Ewropeaidd yn gwarantu y bydd y cynnyrch yn peri llai o berygl i'r amgylchedd ac i iechyd pobl, neu'n atal y perygl hwnnw.

Ecolabel yr UE

Glanhau heb gemegau

Nid yw pob cemegyn a geir mewn cynhyrchion glanhau yn peri niwed i'r amgylchedd, ond os ydych yn dymuno peidio â'u defnyddio, efallai y byddwch yn synnu o glywed y gellir defnyddio nifer o eitemau a ddefnyddir o ddydd i ddydd i greu hylifau glanhau effeithiol. Er enghraifft, mae finegr a dŵr cynnes yn gwneud glanhawr ffenestri gwych, a gellir defnyddio halen i sgwrio llestri budr.

Dewisiadau naturiol y gellir eu defnyddio yn lle cynhyrchion glanhau cemegol Opens new window

Y mater ehangach

Mae rhai cemegau yn cyrraedd yr afonydd a'r môr

Mae'r holl bethau sy'n mynd i lawr y draen yn ein tai – o'r sinc, o'r toiled, o'r peiriant golchi ac o'r baddon – yn llifo i garthffosydd. Yna bydd y dŵr gwastraff yn llifo i weithfeydd trin carthffosiaeth, ac yma caiff ei drin a'i ddychwelyd i ddŵr: afonydd, llynnoedd a moroedd. Bydd y rhan fwyaf o'r cemegau sydd mewn dŵr gwastraff yn cael eu tynnu ohono wrth drin y dŵr, ond mae'n anochel y bydd rhywfaint yn cyrraedd yr afonydd a'r môr, lle gallant beri niwed i fywyd gwyllt.

Bellach mae pobl yn dod i gysylltiad â mwy o sylweddau cemegol nag erioed. Mae nifer ohonynt yn cynnig llawer o fuddion i'r gymdeithas, ond mae rhai o'r cemegau hyn yn cronni yn yr amgylchedd. Er bod systemau da ar waith i brofi cemegau newydd a'r cemegau hynny sydd eisoes ar y farchnad, peth synhwyrol yw peidio â defnyddio mwy nag sydd angen; mae hyn yn golygu na fydd pobl na'r amgylchedd mor agored i'r cemegau hynny.