Gwefan llywodraeth y DU

1. Ystyried teithio llai

Allwch chi gael yr hyn rydych chi ei eisiau'n agosach at adref, neu heb deithio o gwbl? Er enghraifft, mynd ar wyliau yn y DU, defnyddio cyfleusterau hamdden a siopau lleol, neu weithio o'ch cartref weithiau. Bydd lleihau eich teithio yn lleihau effeithiau newid yn yr hinsawdd a llygredd aer lleol.

2. Ceisiwch wahanol ffyrdd o symud o gwmpas

Bydd gadael eich car gartref a cherdded, mynd ar gefn beic, bws neu drên yn helpu i leihau effeithiau negyddol gyrru. Mae hefyd yn bosibl teithio pellteroedd mwy heb hedfan.

• Cynllunio'ch taith (adran teithio a thrafnidiaeth)
• Beicio a cherdded (adran teithio a thrafnidiaeth)
• Cyngor ar deithio ledled y byd ar drên ac ar y môr Opens new window

3. Gyrru i leihau’ch defnydd o danwydd

Gall gwneud rhai newidiadau syml i'r ffordd yr ydych yn gyrru leihau defnydd tanwydd a lleihau effeithiau newid yn yr hinsawdd – er enghraifft, drwy yrru'n esmwyth, cadw at y cyfyngiadau cyflymdra, a sicrhau bod digon o wynt yn eich teiars.

• Ceir a gyrru mwy gwyrdd

4. Prynu car mwy effeithlon

Nid oes rhaid i chi gyfaddawdu er mwyn prynu car mwy gwyrdd – dim ond dewis un mwy tanwydd-effeithlon. Mae labeli economi tanwydd ar geir newydd i ddweud wrthych pa mor effeithlon ydynt. Gall dewis car mwy effeithlon helpu i leihau gollyngiadau carbon a llygredd aer lleol, a bydd hyn yn aml yn arbed arian i chi ar Dreth Cerbyd a thaliadau eraill, yn ogystal â thanwydd.

• Ceir a gyrru mwy gwyrdd

5. Cynnal a chadw eich cerbyd yn gyfrifol

Mae cerbydau sydd wedi'u cynnal a'u cadw'n dda'n tueddu i redeg yn fwy effeithlon. Yn aml, mae gwastraff o waith cynnal a chadw ceir yn beryglus, fel olew injan, hylifau eraill, batris a theiars. Gall cael gwared ar yr eitemau hyn yn ddiofal achosi llygredd, ond bydd cyfleusterau gwastraff cynghorau'n gallu eu derbyn i'w gwaredu'n ddiogel.

• Cael gwared ar wastraff peryglus (adran y cartref a’r gymuned)
• Gwybodaeth am gynnal a chadw cerbydau (adran moduro)