Gwefan llywodraeth y DU

Cadw dillad mewn cylchrediad

Gellir dod o hyd i ddillad clasurol mewn amryw o wahanol lefydd, a thrwy basio'r dillad nad oes mo'u hangen arnoch ymlaen i bobl eraill, bydd y cylch ailddefnyddio dillad yn parhau. Dyma ddulliau o gadw dillad mewn cylchrediad:

• cadw golwg am ddillad clasurol mewn arwerthiannau a gynhelir ar-lein, ffeiriau dillad a siopau arbenigol
• wrth brynu dillad a fydd yn para, gallwch gyfiawnhau gwario o dro i dro ar ddillad o wneuthuriad gwirioneddol dda a fydd yn para am gyfnod hwy

Golchi gyda gofal

Gall y modd y byddwch yn golchi'ch dillad effeithio ar yr amgylchedd:

• mae golchi dillad ar 30 gradd yn arbed ynni a gollyngiadau carbon – mae hylif a phowdwr golchi sydd ar gael y dyddiau hyn yn golchi lawn cystal ar dymheredd isel
• dylech osgoi sychu dillad mewn peiriant pan fo hynny'n bosib
• dewis dillad y gellir eu golchi yn hytrach na rhai na ellir ond eu sychlanhau: mae rhai cemegau sychlanhau yn wenwynig 
• peidiwch â rhoi'r peiriant golchi ymlaen nes bod gennych lwyth llawn

• Offer sy'n arbed ynni, dŵr ac arian
• Dulliau mwy gwyrdd o olchi

Ailddefnyddio ac ailgylchu

Mae nifer o bethau defnyddiol y gallwch eu gwneud gyda dillad pan fyddwch wedi gorffen gyda nhw. Dyma ambell un:

• ewch â'ch hen ddillad a'ch hen esgidiau i ffeiriau sborion, siopau elusen neu sêl cist car
• ailgylchwch yn y cartref a throi eich hen ddillad yn gadachau glanhau, gorchuddion neu wisgoedd ffansi
• ewch â'ch hen ddillad i fanciau ailgylchu - mae mwy na 6000 ohonynt ar gael drwy'r wlad
• gallwch ailgylchu esgidiau hefyd, ond cofiwch eu clymu gyda'i gilydd mewn parau fel na chânt eu gwahanu

Byddai modd ailgylchu mwy na hanner y tecstiliau a deflir yn y DU – ond er hyn, dim ond 14 y cant o’n dillad gwastraff sy'n cael eu hailgylchu neu eu hailddefnyddio.

• Ailgylchu dillad: dod o hyd i gynllun yn eich ardal chi Opens new window
• Ailgylchu esgidiau: dod o hyd i gynllun yn eich ardal chi Opens new window
• Ailgylchu tecstiliau: dod o hyd i gynllun yn eich ardal chi Opens new window

Dewis defnyddiau organig neu ddefnyddiau wedi'u hailgylchu

Bydd rhai eitemau o ddillad yn cael eu gwneud mewn modd sy'n ceisio lleihau'r effaith ar yr amgylchedd neu ar y bobl sy'n eu cynhyrchu. Dyma rai pethau i chi chwilio amdanynt:

• mae'n dod yn haws dod o hyd i ddillad wedi'u gwneud o ddefnyddiau organig neu ddefnyddiau wedi'u hailgylchu, ac mae mwy a mwy o gwmnïau'n cynnig ystod o gynnyrch fel hyn
• erbyn hyn, mae dillad Masnach Deg yn dechrau dod yn fwy amlwg ar y stryd fawr, a gellir eu cael yn hawdd ar-lein neu eu harchebu drwy'r post 
• cadwch olwg am labeli ardystiad megis: organig; Masnach Deg; MADE neu OEKOTEX ac am Ecolabel (symbol o flodyn) yr Undeb Ewropeaidd

• Mwy am labeli gwyrdd
• Dod o hyd i ddillad a wneir o ddefnyddiau wedi'u hailgylchu Opens new window
• Y Sefydliad Masnach Deg Opens new window

Y mater ehangach

Mae cynhyrchu, prosesu, cludo, gwisgo a chael gwared ar ein dillad yn effeithio ar yr amgylchedd:

• mae'r defnydd helaeth a wneir o blaladdwyr wrth gynhyrchu cotwm yn achosi llygredd: gall hyn niweidio'r amgylchedd ac iechyd pobl mewn gwledydd sy'n datblygu
• bydd dyfrio, defnyddio gwrtaith a phlaladdwyr, yn ogystal â channu a llifo tecstiliau sydd wedi'u prosesu, yn defnyddio llawer iawn o ddŵr a gall hyn arwain at lygredd dŵr
• defnyddir tanwyddau ffosil anadnewyddadwy wrth gynhyrchu ffibrau synthetig sydd ag olew ynddynt fel neilon, ac yn y broses o gynhyrchu a chludo ein dillad – bydd hyn yn rhyddhau gollyngiadau carbon sy'n cyfrannu at newid yn yr hinsawdd

Bydd mwy na hanner miliwn o dunelli o decstiliau, a mwy na 100 miliwn o barau o esgidiau yn cael eu taflu bob blwyddyn yn y DU, ac i safleoedd tirlenwi y bydd y rhan fwyaf ohonynt yn mynd. Bydd defnyddiau synthetig yn aros fel y maent, tra bod dillad wedi'u gwneud o wlân yn gollwng methan wrth bydru, gan gyfrannu at newid yn yr hinsawdd. Dim ond 14 y cant o'r gwastraff hwn sy'n cael ei ailgylchu ar hyn o bryd.

• Mwy am wastraff a defnyddio adnoddau

Mwy o ddolenni defnyddiol

• Mwy am le i ddod o hyd i ddillad ffasiynol moesegol Opens new window
• Recycle Now – Cael gwybod mwy am ailgylchu Opens new window
• Dod o hyd i siop elusen yn eich ardal chi Opens new window

Bydd y ddolen isod yn gofyn i chi roi manylion eich cyfeiriad ac yna'n mynd â chi at wefan eich awdurdod lleol lle gallwch gael mwy o wybodaeth.

• Cysylltu â thîm ailgylchu eich cyngor lleol Opens new window