Gwefan llywodraeth y DU

Chwilio am gar mwy gwyrdd

Nid yw prynu car mwy gwyrdd yn golygu y bydd yn rhaid cyfaddawdu o ran cost na pherfformiad. Mae ceir mwy effeithlon yn defnyddio llai o danwydd ac nid oes angen talu cymaint o dreth ffordd arnynt. Maent yn cynhyrchu llai o allyriadau ac yn arbed arian i chi.

Ceir sy'n defnyddio tanwydd yn effeithlon
Yma, gallwch chwilio yn ôl categorïau penodol neu yn ôl model i ddod o hyd i gar newydd sy'n defnyddio tanwydd yn effeithlon (er enghraifft: car teulu bach, car ystâd).

• Cymharu allyriadau CO2 ceir newydd Opens new window

Cronfa Ddata Tanwydd Ceir
Chwilio yn ôl defnydd o danwydd, band treth, costau rhedeg a model neu wneuthuriad car. Mae'r canlyniadau yn dangos costau defnyddio tanwydd, allyriadau CO2 a'r dreth ffordd y bydd angen ei thalu.

• Cronfa ddata tanwydd ceir Opens new window

Pethau i'w cadw mewn cof

Wrth i chi chwilio, cofiwch y gall fersiynau gwahanol o'r un model car neu fath o gar amrywio'n sylweddol o ran pa mor effeithlon maent yn defnyddio tanwydd. Yn gyffredinol, mae ceir llai a cheir ag injan lai yn defnyddio tanwydd yn fwy effeithlon.

Defnyddio'r label economi tanwydd

Mae gan fodurdai arddangos ceir labeli sy'n dangos pa mor effeithlon y mae pob car yn defnyddio tanwydd:

• mae'r labeli'n dangos graddfa o fand A (gwyrdd) i fand G (coch), gydag A ar gyfer y ceir sy'n defnyddio tanwydd yn fwyaf effeithlon
  
• mae'r labeli'n dangos faint o dreth ffordd y mae angen ei thalu bob blwyddyn – po fwyaf effeithlon y mae'r car yn defnyddio tanwydd, y lleiaf o dreth y bydd yn rhaid i chi ei thalu

• Label economi tanwydd y DU
• Mwy o fanylion am y labeli economi tanwydd ar gyfer ceir Opens new window

Safonau Ewrop

Mae'n rhaid i bob car newydd gyrraedd safonau 'Euro'. Mae'r safonau hyn yn pennu cyfyngiadau ar allyriadau penodol a all fod yn niweidiol i iechyd pobl ac i'r amgylchedd. Yn gyffredinol, po uchaf yw'r rhif Euro, y glanaf yw'r car. Ar hyn o bryd, Euro 4 yw'r rhif uchaf y gall cerbyd ysgafn ei gael. Bydd hyn yn newid i Euro 5 ym mis Medi 2009.

• Safonau allyriadau Ewro Opens new window

Gyrru mewn ffordd fwy gwyrdd

Gall gyrru mewn ffordd fwy gwyrdd arbed gwerth mis o danwydd i chi mewn blwyddyn

Drwy ddilyn yr awgrymiadau isod gallech arbed gwerth mis o danwydd dros flwyddyn a lleihau eich allyriadau.

Gyrru'n esmwyth ac yn araf

• gallwch leihau faint o danwydd yr ydych yn ei ddefnyddio drwy yrru'n esmwyth ac yn arafach
  
• edrychwch ar y ffordd o'ch blaen, ceisiwch ragweld traffig a pheidiwch â gwasgu'n drwm ar y sbardun na brecio'n galed
  
• cadwch at y cyfyngiadau cyflymder – gall teithio ar gyflymder o 70 milltir yr awr (mya) olygu eich bod yn defnyddio hyd at 15 y cant yn fwy o danwydd na phetaech yn teithio ar 50 mya
  

Newid gêr ar yr amser iawn

• gallwch arbed tanwydd a lleihau'ch allyriadau drwy newid gêr yn iawn
  
• dylai ceir petrol newid gêr ar 2,500 ref y funud a cheir diesel ar 2,000 ref y funud
  
• mae cerbyd sy'n teithio ar 37mya yn y trydydd gêr yn defnyddio 25 y cant yn fwy o danwydd na fyddai wrth deithio ar yr un cyflymder yn y pumed gêr
  

Llai o gychwyn a stopio

• mae cadw'r injan yn rhedeg neu bwmpio'r sbardun yn gwastraffu tanwydd, yn cynyddu traul yr injan ac yn cynyddu allyriadau
  
• ewch heb oedi - mae injans modern wedi'u llunio i fod yn fwyaf effeithlon pan fyddwch yn mynd heb oedi
  
• diffoddwch eich injan os na fyddwch yn symud am dipyn

Cynnal a chadw eich car

Mae ceir sydd wedi'u cynnal a'u cadw'n dda yn tueddu i redeg yn fwy effeithlon:

• edrychwch ar bwysedd y teiars yn rheolaidd - os nad oes digon o aer yn eich teiars gallech ddefnyddio hyd at dri y cant yn fwy o danwydd
  
• tynnwch bwysau diangen a raciau to - maent yn cynyddu'r pwysau a'r gwrthiant aer ac felly'n gwneud i'r car ddefnyddio mwy o danwydd
  
• mae aerdymheru a dyfeisiadau trydanol eraill yn y car (megis gwefrwyr ffonau symudol) yn gwneud i'r car ddefnyddio mwy o danwydd, felly, defnyddiwch hwy dim ond pan fydd yn angenrheidiol
  

Yn aml, mae gwastraff o waith cynnal a chadw ceir, fel hen olew injan, yn beryglus. Defnyddiwch gyfleusterau gwastraff y cyngor i gael gwared arnynt yn ddiogel.

• Cynnal a chadw eich cerbyd (adran moduro)
• Cael gwared ar wastraff peryglus

Defnyddio tanwyddau mwy gwyrdd

Biodanwyddau
Caiff biodanwyddau, er enghraifft biodiesel a bioethanol, eu gwneud o ddeunyddiau planhigion fel olew llysiau neu wenith. Gall biodanwyddau leihau'r effeithiau ar newid yn yr hinsawdd gan fod y planhigion a ddefnyddir i wneud y biodanwyddau yn amsugno carbon deuocsid (CO2) pan fyddant yn tyfu. Mae hyn yn helpu i gydbwyso'r allyriadau CO2 pan gaiff y tanwydd ei losgi.

Gellir cymysgu biodanwyddau gyda diesel neu betrol cyffredin, ac mae'n bosibl eu defnyddio mewn ceir cyffredin. Erbyn hyn, mae'r rhan fwyaf o'r diesel sydd ar gael yn y DU, a rhai mathau o betrol, yn cynnwys 5 y cant o fiodanwydd. Mae'n addas i'w ddefnyddio ym mhob cerbyd, heb orfod ei addasu.

Mae'n bosibl newid cerbydau i redeg ar danwydd a wneir gyda chyfran uwch o fiodanwyddau. Mae nifer bach o orsafoedd petrol yn y DU yn cyflenwi tanwydd a wneir gyda chymysgedd uwch o fiodanwyddau.

• Dod o hyd i'ch gorsaf tanwydd amgen agosaf yn y DU Opens new window
• Mwy am fiodanwyddau Opens new window

Ceir Trydan
Nid yw ceir trydan yn cynhyrchu dim allyriadau (ond cynhyrchir allyriadau wrth greu trydan).

Ceir hybrid
Mae ceir hybrid yn defnyddio cyfuniad o injan betrol a batri, ac maent yn defnyddio tanwydd yn effeithlon dros ben heb gyfaddawdu dim o ran eu perfformiad

Cael gwared ar eich car yn ddiogel

• Dod o hyd i'ch Canolfan Drin Cymeradwy agosaf Opens new window

Mwy o ddolenni defnyddiol

• Cyfrifo treth ac allyriadau CO2 eich car
• Cynllunio'ch siwrnai
• Rhoi gwybod am gar sydd wedi'i ddympio
• LLEIHAU'CH CO2 - arbed tanwydd wrth yrru neu brynu car Opens new window