Gwefan llywodraeth y DU

Nodwch fod gan y wefan hon system allweddumynediad llywodraeth y DU

Gwasanaethau cyhoeddus i gyd yn un lle

Trefn llywio pennaf

Yr amgylchedd a byw'n wyrdd

Gwyliau : dewisiadau mwy gwyrdd

Mae trigolion y DU yn mynd ar fwy na 40m o wyliau tramor a thros 100m o arosiadau dros nos yn y wlad hon bob blwyddyn. Gall dewisiadau a wneir ynghylch ble i fynd, sut i fynd a beth i'w wneud wedi cyrraedd yno naill ai fod o fudd i'r amgylchedd neu'n ei niweidio.

Dewisiadau teithio

Daw cyfran uchel o ollyngiadau carbon y DU o drafnidiaeth, ac awyrennau yw'r ffynhonnell sy'n tyfu gyflymaf. Y pellach yr ydych yn teithio, yn enwedig mewn awyren, y mwyaf yw'ch cyfraniad chi at newid yn yr hinsawdd. Os ydych eisiau gwyliau gwyrdd, dyma rai pethau i'w hystyried:

  • gall dewis mynd ar wyliau yn nes at adref, neu gymryd llai o wyliau hirach yn hytrach na nifer o wyliau byr, helpu i leihau effaith eich gwyliau ar newid yn yr hinsawdd
  • yn aml, mae opsiwn arall heblaw am hedfan neu yrru, yn enwedig pan fyddwch yn mynd i ffwrdd am gyfnod hirach - gall gollyngiadau o drên ar gyfer pob teithiwr fod oddeutu pedair gwaith yn llai na gollyngiadau o daith fer mewn awyren
  • os ydych yn gyrru i'ch man gwyliau, gall defnyddio technegau gyrru effeithlon helpu i leihau eich defnydd o danwydd, arbed arian a lleihau eich effaith ar yr amgylchedd
  • os ydych yn llogi car ar wyliau, bydd dewis model llai, mwy effeithlon yn helpu i leihau eich effaith ar newid yn yr hinsawdd
  • os oes rhaid i chi hedfan, un dewis yw gwrthbwyso'r gollyngiadau carbon y bydd eich taith yn eu cynhyrchu trwy dalu am brosiectau sy'n lleihau gollyngiadau mewn mannau eraill

Ar wyliau

Bydd llawer o'r pethau y gallwch eu gwneud er mwyn bod yn fwy gwyrdd ar wyliau yr un fath â'r pethau y gallwch eu gwneud gartref, ond mae rhai pethau ychwanegol hefyd megis peidio â phrynu anrhegion a wnaed o rywogaethau dan fygythiad. Dyma rai awgrymiadau:

  • gwneud yn fawr o fwyd a diod a gynhyrchir yn lleol, a bydd gweithgareddau ac atyniadau lleol yn cefnogi pobl yr ardal yr ydych yn ymweld â hi ac yn lleihau effeithiau trafnidiaeth ar yr amgylchedd
  • bydd diffodd aerdymheru, gwres a goleuadau pan nad ydych yn defnyddio eich llety gwyliau yn gymorth i leihau effeithiau newid yn yr hinsawdd
  • ceisiwch beidio â gwastraffu dŵr – mae rhai gwledydd yn dioddef prinder dŵr a gall arbed dŵr helpu i leihau niwed i gynefinoedd naturiol

Rhywogaethau dan fygythiad

Gwneir rhai anrhegion a bwydydd sydd ar gael mewn rhai gwledydd o blanhigion neu anifeiliaid sydd dan fygythiad, er enghraifft, croen anifeiliaid, ifori, tegeirian, cafiâr neu gwrel.

Gall fod yn anodd gwahaniaethu rhwng nwyddau a ganiateir a rhai na chaniateir, neu ddarganfod a yw wedi dod o ffynhonnell dan fygythiad, wrth i chi ei brynu.

Gwneud cyfraniad cadarnhaol i'r ardal yr ydych yn ymweld â hi

Mae'n bosib y gall eich gwyliau helpu i gefnogi pobl leol a'r amgylchedd:

  • mae rhai sefydliadau a chwmnïau yn cynnig gwyliau sy'n ceisio cael cyn lleied o effaith â phosib ar yr amgylchedd - gallant helpu i ddod o hyd i lety gwyliau sydd ag anghenion ynni isel a gweithgareddau sydd o fudd i gymunedau lleol
  • ceir llawer o gyfleoedd i wirfoddoli a helpu gyda'r prosiectau sy'n gwarchod a gwella cynefinoedd a gwarchodfeydd natur
  • pan fyddwch ar eich gwyliau, neu os ydych am ymweld â rhywle yn y DU, gallwch gefnogi prosiectau neu atyniadau sy'n amddiffyn bywyd gwyllt, megis gwarchodfeydd natur a phrosiectau cadwraethol

Y mater ehangach

Trafnidiaeth yw ffynhonnell chwarter gollyngiadau carbon deuocsid y DU ac mae canran uchel o hyn yn ymwneud â hamdden - er enghraifft, mae pump o bob chwech taith awyren a wneir o'r DU yn cario teithwyr sy'n mynd ar wyliau.

Mwy o ddolenni defnyddiol

Yn yr adran hon...

Additional links

Allweddumynediad llywodraeth y DU