Gwefan llywodraeth y DU

Clwb pêl-droed carbon niwtral

Mae tîm pêl-droed Ipswich Town wedi cyrraedd ei fwriad i fod y clwb pêl-droed carbon niwtral cyntaf yn y DU. Roedd y clwb yn annog y dilynwyr i wneud addewidion arbed ynni, a gweithiodd ileihau ei allyriadau ei hun. Y nod? Gwneud iawn am y 3,200 o dunelli o garbon deuocsid y mae tîm yn ei gynhyrchu mewn tymor.

• Tymor arbed ynni Ipswich Town Opens new window

Y pentref carbon niwtral cyntaf

Mae cymuned Ashton Hayes am fod y pentref carbon niwtral cyntaf yn Lloegr. Drwy blannu coed ac annog mesurau arbed ynni, maent eisoes wedi gostwng eu hallyriadau o 20 y cant yn y flwyddyn gyntaf. Mae cymunedau eraill yn y DU hefyd yn cydweithio er mwyn lleihau eu hôl-troed carbon.

• Ymweld â gwefan Ashton Hayes Opens new window
• Exeter - cymuned arall sy'n arbed ynni Opens new window

Gêm newid yn yr hinsawdd LogiCity

Mae LogiCity yn gêm gyfrifiadurol ryngweithiol wedi'i gosod mewn dinas rithwir 3D. Nod y gêm yw lleihau ôl-troed carbon unigolyn arferol, a chael gwybodaeth am newid yn yr hinsawdd ar y daith er mwyn dysgu sut i wneud gwahaniaeth.

• Chwarae LogiCity Opens new window

Seiclo yn creu arwyr newid yn yr hinsawdd

Gan mai trafnidiaeth ffordd sy'n gyfrifol am fwy nag un rhan o bump o ollyngiadau CO2 y DU, nod gwefan Cycle Hero yw troi pobl gyffredin yn arwyr - drwy eu hannog i seiclo a lleihau eu hallyriadau trafnidiaeth. Mae'r wefan hefyd yn rhoi gwybodaeth i'r gymuned seiclo am newid yn yr hinsawdd.

• Dod yn arwr seiclo Opens new window

Y Gronfa Her Newid Hinsawdd

Y Gronfa Her Newid Hinsawdd (CCF) oedd yn gyfrifol am sefydlu rhai o'r prosiectau uchod. Ers sefydlu'r Gronfa yn 2006, mae 83 o brosiectau wedi cael arian gan y llywodraeth i roi gwybod i bobl yn y DU sut a pham fod yr hinsawdd yn newid, a sut y gallant wneud gwahaniaeth. I gael gwybod mwy am y CCF, ebostiwch:

ccf@defra.gsi.gov.uk

• Prosiectau'r Gronfa Her Newid Hinsawdd sy'n mynd i'r afael â newid yn yr hinsawdd Opens new window

Hyrwyddwyr Newid yn yr Hinsawdd

Mae naw o Hyrwyddwyr Newid yn yr Hinsawdd rhwng 10 a 18 oed wedi bod yn lledaenu'r neges am newid yn yr hinsawdd, yn dylunio taflenni, crysau-t, fideos a rhaglenni radio hyd yn oed er mwyn cyfleu'r neges i'w cymunedau.

I gysylltu â'ch Hyrwyddwr Newid yn yr Hinsawdd agosaf, ebostiwch: climate.champion@defra.gsi.gov.uk

• Hyrwyddwyr Newid yn yr Hinsawdd - cael gwybod rhagor Opens new window

Beth mae'r llywodraeth yn ei wneud

Mae llawer o ffyrdd y mae'r llywodraeth yn helpu i leihau allyriadau ar hyn o bryd ac yn y dyfodol:

• yn y cartref, mae'r llywodraeth yn gweithio tuag at gael gwared â bylbiau golau aneffeithlon a gwneud tai newydd i ddefnyddio ynni yn fwy effeithlon.
• mae mentrau teithio a thrafnidiaeth yn cynnwys gwella effeithlonrwydd tanwydd cerbydau a chefnogi hyfforddiant seiclo i blant
• yn y gymuned, mae'r llywodraeth yn cynyddu ei chyfleusterau ailgylchu, ac yn gweithio gyda'r rheoleiddiwr i bennu targedau er mwyn i gwmnïau dŵr leihau dŵr sy'n gollwng a chyfanswm y dŵr a gyflenwir
• mae'r llywodraeth yn pennu targedau iddi hi ei hun, mae'n anelu at leihau allyriadau o'i swyddfeydd o 30 y cant ac ailgylchu 75 y cant o'i gwastraff erbyn 2020
• yn fwriadol, mae'r llywodraeth yn cyflawni ei hymrwymiadau o dan Brotocol Kyoto: dylai allyriadau nwyon tŷ gwydr fod tua 23 y cant yn is na lefelau 1990 erbyn 2010. Mae'r llywodraeth hefyd yn gweithio at gyrraedd cytundeb byd-eang ar weithredu er mwyn osgoi newid yn yr hinsawdd peryglus.

• Dulliau'r llywodraeth o helpu pobl i weithredu
• Sut mae'r llywodraeth yn lleihau ei hallyriadau Opens new window

Mwy o ddolenni defnyddiol

• Byw'n wyrdd: canllaw cyflym i weld beth allwch chi ei wneud