Gwefan llywodraeth y DU

Ailgylchu o garreg eich drws

Erbyn hyn, mae nifer o gynghorau'n casglu papur, gwydr a deunyddiau plastig a bydd rhai hefyd yn casglu gwastraff metel a gwastraff organig.

Bydd y dolenni isod yn gofyn i chi roi manylion eich cyfeiriad ac yna'n mynd â chi at wefan eich cyngor lleol lle gallwch gael gwybod am gasgliadau ailgylchu – a sut y gallwch chi ailgylchu mwy.

• Gwasanaethau ailgylchu eich cyngor lleol – cael gwybod mwy (yn agor ffenestr newydd)
• Casgliadau ailgylchu – cael gwybod mwy (yn agor ffenestr newydd)
• Gwneud cais am fin ailgylchu (yn agor ffenestr newydd)

Tecstiliau

Gellid ailgylchu mwy na hanner y dillad y byddwn yn eu taflu.

Mae'r rhan fwyaf o siopau elusen yn delio ag ailwerthu dillad, neu gallech fynd â dillad nad ydych eu hangen i fanciau dillad. Bydd rhai cynghorau hefyd yn derbyn tecstiliau wrth gasglu pethau i'w hailgylchu oddi ar garreg y drws.

• Cael gwybod sut i ailgylchu tecstiliau (yn agor ffenestr newydd)

Batris

Mae'n well defnyddio batris y gellir eu hailwefru er mwyn lleihau gwastraff. Gellir ailgylchu batris ceir. Dylid mynd â nhw i safle gwastraff cartref eich cyngor lleol. Er nad yw adnoddau ar gyfer ailgylchu mathau eraill o fatris ar gael yn gyffredinol ym mhob man, erbyn hyn, mae gan rai cynghorau gynlluniau casglu, a bydd rhai cynhyrchwyr a gwerthwyr yn fodlon cymryd hen fatris yn ôl. Os na allwch ddod o hyd i rywle lle gallwch ailgylchu eich hen fatris, mae'n bwysig eich bod yn cael gwared arnynt yn y dull cywir oherwydd gallant gynnwys sylweddau peryglus a allai niweidio'r amgylchedd.

• Cael gwybod sut i ailgylchu batris (yn agor ffenestr newydd)
• Cael gwared ar wastraff peryglus

Ffonau symudol

Mae ffonau'n cael eu cynllunio i bara am lawer o flynyddoedd - ceisiwch gadw'ch ffôn drwy osgoi uwchraddio os nad oes gwir angen gwneud hynny. Pan fyddwch angen cael gwared â'ch ffôn symudol, mae nifer cynyddol o opsiynau ar gyfer eu hailgylchu a'u hailddefnyddio. Erbyn hyn, mae nifer o siopau'n cymryd hen ffonau yn ôl er mwyn eu hailgylchu, a cheir mudiadau ac elusennau hefyd sy'n derbyn ffonau symudol i'w hadnewyddu a'u hailgylchu.

• Cael gwybod sut i ailgylchu ffonau symudol (yn agor ffenestr newydd)

Cetris argraffu

Mae amryw o elusennau a mannau gwaith yn casglu cetris argraffu i'w hail-lenwi ac mae mwy na thraean o'r 40 miliwn a ddefnyddir bob blwyddyn yn y DU eisoes yn cael eu hailgynhyrchu.

• Cael gwybod mwy am ail-lenwi cetris argraffu (yn agor ffenestr newydd)

Eitemau eraill

Gellir ailgylchu ystod helaeth o bethau eraill – cewch wybod mwy gan ymgyrch RecycleNow.

• Rhestr gynhwysfawr yn nhrefn yr wyddor o beth ellir ei ailgylchu a sut (yn agor ffenestr newydd)

Y mater ehangach

Mae pobl yn y DU yn ailgylchu tair gwaith gymaint o sbwriel nag yr oeddynt 10 mlynedd yn ôl, ond gallai'r teulu cyffredin ddyblu, neu dreblu hyd yn oed, faint y byddant yn ei ailgylchu. Mae ailgylchu'n lleihau'r angen am dirlenwi ac yn arbed deunyddiau newydd ac ynni, gan helpu i fynd i'r afael â newid yn yr hinsawdd.

Mae angen pump y cant o’r ynni mae’n cymryd i wneud alwminiwm newydd i ailgylchu alwminiwm - ac yn cynhyrchu ond pump y cant o’r gollyngiadau carbon. Mae ailgylchu un can yn arbed digon o ynni i redeg set deledu am dair awr.

• Mwy ar wastraff ac adnoddau
• Mwy o ffeithiau am ailgylchu (yn agor ffenestr newydd)

Mwy o ddolenni defnyddiol

• Biniau a chasglu sbwriel (adran y cartref a’r gymuned)
• Cael gwared ar eitemau swmpus (adran y cartref a’r gymuned)
• Ymweld â gwefan RecycleNow (yn agor ffenestr newydd)