Gwefan llywodraeth y DU
Nodwch fod gan y wefan hon system allweddumynediad llywodraeth y DU
Trefn llywio pennaf
dolenni i dudalennau eraill yn yr adran hon
Yr amgylchedd a byw'n wyrdd
Lleihau gwastraff, ailddefnyddio ac atgyweirio
Gall ailgylchu helpu i arbed deunyddiau ac arbed ynni, ond mae lleihau gwastraff yn y lle cyntaf yn well fyth. Hyd yn oed ar ôl i chi orffen gyda rhywbeth, yn aml iawn, bydd rhywun arall yn gallu ei ddefnyddio.
Lleihau gwastraff
Deunydd a ddefnyddir i bacio'r nwyddau a brynwn yw 18 y cant o wastraff y cartref. Mae siopa'n ofalus, osgoi bagiau taflu-i-ffwrdd, a dewis nwyddau y gellir eu hailddefnyddio yn rhai ffyrdd o osgoi gwastraff yn y lle cyntaf. Dyma rai awgrymiadau:
- gallai mynd â'ch bag eich hun gyda chi wrth siopa helpu i leihau'r 10 biliwn o fagiau plastig a ddosberthir gan archfarchnadoedd bob blwyddyn
- bydd cofrestru â'r Gwasanaeth Dewis Post yn eich galluogi i atal post sothach nad ydych ei eisiau rhag dod i'ch cartref
- ceisiwch beidio â gwastraffu bwyd - yn y DU, bydd cartrefi cyffredin yn gwario £424 y flwyddyn ar fwyd sy'n cael ei daflu heb ei fwyta (er enghraifft, drwy brynu pethau a pheidio â'u defnyddio, neu goginio gormod o fwyd ar gyfer un pryd, a thaflu'r bwyd sy'n weddill)
- gall prynu cewynnau y gellir eu hailddefnyddio helpu i leihau gwastraff; bydd golchi llawer o'r rhain gyda'i gilydd, gan ddefnyddio gwasanaeth golchi cewynnau er enghraifft, yn helpu i leihau faint o ynni a ddefnyddir - bydd nifer o gynghorau'n cynnig cynlluniau sy'n darparu gwasanaethau golchi neu glytiau di-dâl, a allai arbed arian i chi
- osgoi nwyddau sydd wedi'u pecynnu'n ddiangen
Atgyweirio
Gellir atgyweirio eitemau cartref fel cyfrifiaduron, offer trydanol a dodrefn neu gall pobl eraill eu hailddefnyddio. Chwiliwch ar-lein neu yn eich llyfr ffôn lleol am wasanaethau atgyweirio yn eich ardal.
Ailddefnyddio
Gellir ailddefnyddio nifer o eitemau, gan gynnwys ffonau symudol, cyfrifiaduron, cetris argraffu, paent sydd dros ben a dillad. Hyd yn oed ar ôl i chi orffen gyda rhywbeth, yn aml iawn, bydd rhywun arall yn gallu ei ddefnyddio. Efallai y gallai mudiadau elusen cenedlaethol, siopau elusennol lleol, safleoedd arwerthu ar y we a chynlluniau cyfnewid am ddim ailddefnyddio'r nwyddau nad oes mo'u hangen arnoch.
Cyfrifiaduron
Mae nifer fawr o sefydliadau ym mhob cwr o'r DU a fydd yn fodlon derbyn cyfarpar cyfrifiadurol nad oes mo'u hangen arnoch, a'u hatgyweirio neu eu hailgylchu. Mae nifer ohonynt yn elusennau sy'n rhoi budd i'r gymuned leol.
Dodrefn
Gellir ailddefnyddio, atgyweirio neu ailgylchu dodrefn nad oes mo'u hangen arnoch neu ddodrefn sydd wedi torri. Gall y Rhwydwaith Ailgylchu Dodrefn roi gwybod i chi am gynlluniau lleol sy'n trosglwyddo dodrefn ac offer eraill i deuluoedd sydd ar incwm isel. Mae hen ddodrefn a dodrefn ail-law yn aml yn ddewis poblogaidd os ydych yn chwilio am ddodrefn newydd neu'n dymuno cael gwared ar hen ddodrefn sydd mewn cyflwr da.
Paent
Ceisiwch beidio â phrynu mwy o baent nag sydd ei angen arnoch - prynir mwy na 300m litr o baent bob blwyddyn, ac ni fydd cryn dipyn ohono'n cael ei ddefnyddio. Gellir rhoi paent dros ben i rwydwaith cenedlaethol o sefydliadau ailddefnyddio paent, neu gael gwared ohono'n ddiogel trwy eich cyngor lleol
Llyfrau, DVDs, CDs
Gellir prynu a gwerthu llyfrau, CDs a DVDs ail-law ar-lein, neu gallech fynd â nhw i'ch siop elusen leol.
Y mater ehangach
Mae gwneud cynhyrchion yn defnyddio ynni a deunyddiau crai. Dyma reol gyffredinol - mae ailddefnyddio neu atgyweirio pethau, yn hytrach na phrynu rhai newydd:
- yn helpu i gadw deunyddiau gwerthfawr allan o safleoedd tirlenwi
- yn defnyddio llai o ynni na'r ynni a fyddai ei angen i wneud cynhyrchion newydd, gan helpu i fynd i'r afael â newid yn yr hinsawdd
Ceir rhai eithriadau - bydd hen declynnau megis boeleri a rhewgelloedd yn defnyddio llawer mwy o ynni na rhai newydd. Os ydych yn dymuno cael mwy o gyngor, cysylltwch â'ch Canolfan Cynghori ar Effeithlonrwydd Ynni lleol ar 0800 512012.
Mwy o ddolenni defnyddiol
Dod o hyd i eitemau wedi'u hailgylchu i'w prynu, gan gynnwys nwyddau gan gynllunwyr enwog.
Additional links
Cyfrifo eich ôl-troed carbon!
Rhowch gynnig ar gyfrifiannell Lleihau'ch CO2 a chael gwybod sut y gallwch chi fynd i'r afael â newid yn yr hinsawdd
Ei wneud ar y we
Hoffi Bwyd Casáu Gwastraff
Cael ryseitiau blasus sy'n defnyddio bwyd dros ben a chyngor ar sut i leihau eich gwastraff bwyd
Allweddumynediad llywodraeth y DU
