Gwefan llywodraeth y DU

Dewis llai o becynnu pan fyddwch yn siopa

Mae llawer o ffyrdd y gallwch ddefnyddio llai o becynnu, er enghraifft:

• defnyddio pecynnau ail-lenwi yn hytrach na phrynnu cynnyrch wedi'i becynnu'n llwyr bob tro y bydd angen rhywbeth arnoch - ac mae hyn yn arbed arian hefyd
• prynu wyau yn rhydd yn y farchnad neu yn siop y cigydd ac ailddefnyddio cartonau er mwyn dod â hwy gartref
• prynu ffrwythau a llysiau yn rhydd yn hytrach na'u pecynnu mewn hambyrddau pecynnu neu focsys - gan brynu dim ond yr hyn y mae ei angen arnoch fel na fyddwch yn gwastraffu cymaint o fwyd
• osgoi prynu eitemau a chanddynt lawer o becynnu
• chwilio am becynnau wedi'u nodi eu bod yn ysgafn ac yn defnyddio llai o becynnu
• prynu un pecyn mawr a allai ddefnyddio llai o becynnu yn hytrach na dau becyn bach - gallai hyn hefyd arbed arian i chi

• Sut mae galw defnyddwyr yn llywio lleihad mewn pecynnu Opens new window

Peidiwch â defnyddio bagiau siopa na ellir eu defnyddio fwy nag unwaith

Bob blwyddyn, mae'r oedolyn cyfartalog yn defnyddio 300 o fagiau siopa na ellir eu defnyddio fwy nag unwaith.

Mae defnyddio 'bag am oes' yn hytrach na mynd â'ch neges yn ôl mewn bagiau siopa na ellir eu defnyddio fwy nag unwaith yn un o'r ffyrdd hawdd o osgoi pecynnu gormodol. Mae tua 45 y cant o siopwyr yn dweud eu bod wedi prynu bag am oes ond dim ond 12 y cant o bobl sy'n eu defnyddio'n rheolaidd - felly cadwch eich un chi gyda'ch rhestr siopa fel na fyddwch yn ei anghofio.

Os ydych yn defnyddio bagiau plastig, prynwch beiriant bagiau plastig i'ch cegin fel y gallwch eu hailddefnyddio.

Mae siopau ac archfarchnadoedd wedi cytuno i leihau effaith amgylcheddol bagiau siopa na ellir eu defnyddio fwy nag unwaith (rhai papur a rhai plastig) o 25 y cant erbyn diwedd 2008. Bydd hyn yn golygu y bydd 3.25 biliwn yn llai o fagiau'n cael eu defnyddio ac yn cyfateb i arbed 58,500 tunnell o garbon deuocsid y flwyddyn. Byddai hyn yr un fath â thynnu 18,000 o geir oddi ar y ffordd am flwyddyn.

Bydd manwerthwyr yn lleihau effaith amgylcheddol bagiau drwy:

• annog cwsmeriaid i leihau nifer y bagiau siopa y maent yn eu defnyddio'n sylweddol
• lleihau effaith pob bag siopa drwy ddefnyddio llai o ddeunydd neu ddefnyddio deunydd wedi'i ailgylchu
• galluogi ailgylchu mwy o fagiau siopa

Mae'r llywodraeth wedi cyhoeddi ei bod yn bwriadu deddfu er mwyn rhoi'r gallu iddi orfodi manwerthwyr i godi tâl am fagiau, os na fydd gweithredu gwirfoddol pellach yn cyflawni digon o ostyngiad yn nifer y bobl sy'n defnyddio bagiau.

• Ailgylchu bagiau plastig Opens new window

Delio â phecynnu na ellir ei osgoi

Mae llawer o'r pecynnu yr ydym yn ei gael yn angenrheidiol i gludo nwyddau heb eu difrodi, i'w cadw'n ddiogel neu i'w gwneud yn hawdd eu defnyddio.

Ond gallwn helpu i amddiffyn yr amgylchedd drwy ddewis beth a wnawn gydag ef. Mae llawer o gynnyrch sydd wedi'i becynnu bellach yn rhoi cyngor ar sut y gellir ailddefnyddio, ailgylchu neu gael gwared ar becynnu.

Ailddefnyddio

Gallwch ailddefnyddio pecynnu gyda phecynnau ail-lenwi, neu at ddibenion newydd - megis gwaith celf a chrefft plant neu fel storfa. I gael mwy o awgrymiadau cliciwch ar y ddolen isod.

• Lleihau gwastraff, ailddefnyddio ac atgyweirio

Ailgylchu

Gallwch ailgylchu llawer o'ch pecynnu drwy gasgliadau gwastraff eich awdurdod lleol a chyfleusterau banciau cymunedol.

I gael rhagor o wybodaeth am hyn, ewch i'n hadran ar ailgylchu.

• Ailgylchu
• RecycleNow Opens new window

Beth mae manwerthwyr a chynhyrchwyr yn ei wneud i leihau pecynnu

Ar wahân i gymryd camau i leihau'r defnydd o fagiau na ellir eu defnyddio fwy nag unwaith, mae llawer o fanwerthwyr a chynhyrchwyr yn gweithio gyda'r llywodraeth i leihau pecynnu. Mae atebion yn cynnwys lleihau pwysau pecynnu (fel poteli, caniau a bocsys), cynyddu'r defnydd o systemau ail-lenwi a hunanweinyddu, cynllun pecynnu gwell a chynyddu faint o becynnu wedi'i ailgylchu a ddefnyddir.

Gall defnyddwyr helpu i lywio'r broses hon drwy ddewis cynnyrch nad yw'n cynnwys llawer o becynnu bob dydd.

• Gweithio gyda'r sector manwerthu Opens new window

Sut mae cwyno am becynnu gormodol

Mae cyfraith yn y DU yn erbyn pecynnu gormodol.

Os credwch eich bod wedi dod o hyd i becynnu gormodol ac yr hoffech gwyno, gallwch:

• ysgrifennu at yr archfarchnad neu'r gwneuthurwr i gwyno, gan nodi eich bod yn credu bod gormod o becynnu gyda'r cynnyrch
• cysylltu â Safonau Masnach i ymchwilio drwy ffonio Consumer Direct ar 08454 040506. Bydd Safonau Masnach hefyd yn gallu ystyried a yw'r pecynnu yn gamarweiniol yn fwriadol er mwyn gwneud i chi feddwl bod mwy o gynnyrch yn y pecyn nag sydd yno mewn gwirionedd

• Consumer Direct Opens new window

Mwy o ddolenni defnyddiol

• Barn Adran yr Amgylchedd, Bwyd a Materion Gwledig am becynnu Opens new window
• Barn yr Adran Busnes, Menter a Diwygio Rheoleiddio am becynnu Opens new window