Gwefan llywodraeth y DU

Cael gwybod am y farwolaeth

Os oes ffrind neu berthynas agos yn marw a chithau yn y DU

Os cafodd Swyddfa Is-Gennad Prydain yn y wlad lle bu'r person farw eu hysbysu o'r farwolaeth, byddant yn gofyn i heddlu'r DU roi gwybod i'r perthynas agosaf.

Os clywch am y farwolaeth gan rywun arall, er enghraifft cwmni gwyliau, dylech gysylltu â'r Swyddfa Dramor a'r Gymanwlad ar 020 7008 1500 (ar agor 24 awr y dydd).

Bydd staff swyddfa'r Is-Gennad yn Llundain yn cadw mewn cysylltiad â'r teulu a swyddfa'r Is-Gennad dramor hyd nes y caiff y corff ei gladdu neu ei amlosgi dramor, neu hyd nes y dychwelir yr ymadawedig i'r DU. Byddant hefyd yn rhoi gwybod i Is-Gennad Prydain beth yw eich dymuniadau o ran yr angladd ac yn cymryd manylion y sawl a fydd yn gyfrifol am dalu'r costau cysylltiedig, megis dod â'r corff yn ôl i'r DU.

Os bydd y person yn marw tra bo chithau dramor gydag ef neu hi

Bydd Is-Gennad Prydain yn eich cynorthwyo drwy gynnig cyngor a chymorth ymarferol gyda threfniadau ar gyfer yr angladd ac unrhyw drefniadau ffurfiol eraill megis cwestau.

Os bu farw'r person ar wyliau pecyn, gall y cwmni gwyliau gysylltu â threfnwyr angladdau a staff swyddfa'r Is-Gennad ar eich rhan.

• Canllawiau'r Swyddfa Dramor a'r Gymanwlad ar farwolaeth dramor Opens new window
• Dod o hyd i swyddfeydd Is-Genhadon Prydain ar draws y byd Opens new window

Cofrestru'r farwolaeth lle bu'r person farw

Rhaid cofrestru pob marwolaeth yn y wlad lle mae'r farwolaeth yn digwydd - rhoddir tystysgrif farwolaeth dramor (lleol). Gall eich tywysydd gwyliau, yr heddlu lleol neu swyddfa Is-Gennad Prydain roi cyngor i chi ynghylch sut i wneud hyn.

Gallwch yn aml hefyd gofrestru'r farwolaeth yn swyddfa Is-Gennad Prydain. Does dim rhaid ichi wneud hyn, ond os gwnewch, byddwch yn cael tystysgrif farwolaeth y DU a chedwir cofnod yn adran Cofrestru Dramor y Swyddfa Gofrestru Gyffredinol yn y DU.

Does dim modd cofrestru marwolaeth gyda'r awdurdodau Prydeinig yn Awstralia, Canada, Seland Newydd, Iwerddon, De Affrica na Zimbabwe.

Dogfennau y bydd eu hangen arnoch i gofrestru'r farwolaeth

Wrth gofrestru'r farwolaeth, dylech fynd â gwybodaeth amdanoch eich hun a'r ymadawedig gan gynnwys:

• Mwy am gofrestru'r farwolaeth gyda'r awdurdodau Prydeinig dramor Opens new window

Dod â'r corff adref

Os ydych am ddod â'r corff yn ôl i'r DU, gall staff swyddfa Is-Gennad Prydain eich helpu trwy eich rhoi mewn cysylltiad â threfnydd angladdau rhyngwladol. Bydd rhaid embalmio'r corff a'i osod mewn arch gyda leinin o sinc cyn y gellir ei symud o'r wlad. Gall gymryd amser i ddod â'r corff adref, yn enwedig os oes rhaid cael archwiliad post mortem.

Dogfennau y bydd eu hangen arnoch

Cyn ichi allu dod â chorff adref, bydd angen y dogfennau canlynol arnoch:

Gall Is-Gennad Prydain helpu i drefnu'r dogfennau uchod.

• The Association of Translation Companies Opens new window

Costau angladd

Os yw yswiriant teithio'r ymadawedig yn talu costau'r angladd, cysylltwch â'r cwmni yswiriant yn syth. Gallant hwy gysylltu â'r trefnwyr angladdau ar eich rhan a gwneud y trefniadau angenrheidiol.

Os nad oes yswiriant ar gyfer talu costau'r angladd, disgwylir ichi dalu'r holl gostau gan gynnwys biliau ysbyty a dod â'r corff ac eiddo personol adref.

Trefnu'r angladd yn y DU

Bydd rhaid i chi fynd â chyfieithiad wedi'i ddilysu o'r dystysgrif farwolaeth i'r swyddfa gofrestru yn yr ardal lle rydych yn bwriadu cynnal yr angladd. Bydd y cofrestrydd wedyn yn darparu 'tystysgrif dim atebolrwydd i gofrestru'. Rhoddir y dystysgrif hon fel arfer i'r trefnydd angladdau er mwyn i'r angladd allu mynd yn ei flaen. Does dim angen tystysgrif os yw'r crwner wedi darparu Tystysgrif E ar gyfer Amlosgiad neu Orchymyn ar gyfer Claddu.

Os ydych am amlosgi'r corff, bydd angen Gorchymyn Amlosgi arnoch (neu ffurflen E os cynhaliwyd post mortem), cyn dechrau cynllunio'r angladd. I gael rhagor o wybodaeth, ffoniwch Adran y Crwner ar 020 340 6659/6660, ar agor o ddydd Llun i ddydd Gwener, rhwng 9.00 am a 5.00 pm.

• Mwy am drefnu angladd yn y DU
• Dod o hyd i’ch swyddfa gofrestru leol

Cynnal yr angladd dramor

Gallwch drefnu i gladdu neu amlosgi yn y wlad lle bu farw'r person. Gall swyddfa Is-Gennad Prydain eich cynghori yn hyn o beth.

• Llwytho arweiniad ar farwolaeth dramor - Swyddfa Dramor a'r Gymanwlad Opens new window
• Cymorth gyda ffeiliau PDF

Marwolaethau mewn trychinebau dramor

Os lladdwyd yr ymadawedig mewn trychineb dramor, naturiol neu fel arall, gofynnwch i'r Swyddfa Dramor a'r Gymanwlad am gymorth. Byddant yn darparu cefnogaeth a chyngor. Y brif linell ymholiadau yw 020 7008 1500. Maent ar agor 24 awr y dydd.

Bydd rhaid i rywun adnabod y corff yn ffurfiol ac efallai y gofynnir ichi am wybodaeth yn ei gylch gan gynnwys disgrifiad corfforol, enw a chyfeiriad meddyg neu ddeintydd y person yn y DU. Efallai hefyd y bydd yr heddlu angen llun a/neu sampl o ôl bysedd o gartref yr ymadawedig.

• Mwy o wybodaeth am farwolaethau mewn trychinebau dramor Opens new window

Mwy o ddolenni defnyddiol

• Cyngor am deithio i wledydd (adran teithio a thrafnidiaeth)
• Yswiriant teithio (adran teithio a thrafnidiaeth)